Isambulo 3:7 - iBhayibhili Elingcwele 1978

⁷ Lakuso isithunywa sebandla eliseFiladelfiya loba uthi: Nanku akutshoyo ongcwele loqotho, olekhiye kaDavida, ovula kungavali muntu, lovala kungavuli muntu,

IBhayibhili Elingcwele LesiNdebele

⁷ “Ingilosi yebandla laseFiladelifiya ilobele uthi: La ngamazwi akhe lowo ongcwele loqotho, ophethe isihluthulelo sikaDavida. Akuvulileyo kakho ongakuvala; lakuvalileyo kakho ongakuvula.

Isambulo 3:7 Mawu Ofanana

UJobe 11:10

Uba ekwedluleni kwakhe ebopha umuntu, amthonisise, ngubani ongamkhalimela na?

UJobe 12:14

Uba ediliza, kakho ongakha futhi; uba evalela umuntu, kakho ongamvulela.

AmaHubo 145:17

INkosi ilungile endleleni zayo zonke, ilomusa ekwenzeni kwayo konke.

AmaHubo 16:10

Ngoba kawungiyekelanga ngiye endaweni yabafileyo, kawuyikuvuma ukuba olungileyo wakho abone ukubola.

AmaHubo 89:18

Ngoba isihlangu sethu singeseNkosi, inkosi yethu ingeyoNgcwele kaIsrayeli.

U-Isaya 22:22

Ngizabeka emahlombe akhe ikhiye yendlu kaDavida; yena uzavula, kungavali muntu, avale, kungavuli muntu.

U-Isaya 30:11

litshiye indlela eqondileyo, liphambuke kiyo, singabe sisezwa futhi ngoNgcwele kaIsrayeli.

U-Isaya 41:14

Ungesabi wena mpethu enguJakobe, lawe sibungu esinguIsrayeli. Mina ngizakukusiza, kutsho iNkosi; umhlengi wakho ungoNgcwele kaIsrayeli.

U-Isaya 41:16

uzakuwaphosa phezulu, lomoya uzawaphephula, lesivunguzane siwachithachithe; uthokoze ngeNkosi, uzibonge ngoNgcwele kaIsrayeli.

U-Isaya 41:20

ukuze abantu babone, bazi baqaphelise, baqedisise bonke, ukuthi isandla seNkosi sikwenzile lokhu, lokuthi oNgcwele kaIsrayeli ukudalile.

U-Isaya 47:4

utsho njalo oNgcwele kaIsrayeli, uMhlengi wethu obizwa ngokuthi yiNkosi yamabandla.

U-Isaya 48:17

INkosi, uMhlengi wakho, oNgcwele kaIsrayeli, ithi: NgiyiNkosi, uNkulunkulu wakho, ekufundisa lokho okukusizayo, ekuhola ngendlela ofanele ukuba uhambe ngayo.

U-Isaya 49:7

INkosi, uMhlengi kaIsrayeli loNgcwele wakhe, ithi kodelelweyo oyisinengiso ezizweni loyinceku yezikhulu: Amakhosi ezakukubona, asukume; lezikhulu zikhothame phambi kwakho, ngenxa yeNkosi ethembekileyo, oNgcwele kaIsrayeli, ekukhethileyo.

U-Isaya 54:5

Ngoba uMenzi wakho nguye ongumkakho, obizwa ngokuthi yiNkosi yamabandla; loNgcwele kaIsrayeli unguMhlengi wakho, obizwa ngokuthi nguNkulunkulu womhlaba wonke.

U-Isaya 55:5

Khangela, uzakubiza izizwe ongazaziyo, lezizwe ezingakakwazi zizagijimela kuwe, ngenxa yeNkosi, uNkulunkulu wakho, oNgcwele kaIsrayeli, ngoba ikwenze waba lodumo.

U-Isaya 6:3

Elinye lamemeza kwelinye lisithi: Ingcwele, ingcwele, ingcwele iNkosi yamabandla; umhlaba wonke ugcwele inkazimulo yayo.

UMatewu 16:19

Ngizakukunika amakhiye ombuso wezulu. Lokho ozakukubopha emhlabeni kuzakuba kubotshiwe lasezulwini; lalokho ozakukuthukulula emhlabeni kuzakuba kuthukululwe lasezulwini.

UMatewu 24:35

Izulu lomhlaba kuzakudlula, kodwa amazwi ami kawayikudlula.

UMakho 1:24

wathi: Silani lawe Jesu waseNazaretha? Uze ukusibhubhisa na? Ngiyakwazi ukuba ungubani: ungoNgcwele kaNkulunkulu.

ULukha 1:32

Yena uzakuba mkhulu, uzakubizwa ngokuthi yiNdodana yoPhezukonke; iNkosi uNkulunkulu izakumnika isihlalo sobukhosi sikayise uDavida;

ULukha 4:34

Hawu! Silani lawe Jesu waseNazaretha na? Uze ukusibhubhisa na? Ngiyakwazi ukuba ungubani, ungoNgcwele kaNkulunkulu.

UJohane 14:6

UJesu wathi kuye: Yimi indlela, leqiniso lokuphila; kakho oza kuBaba engezi ngami.

Imisebenzi 3:14

kodwa lina lamphika oNgcwele loLungileyo, lacela ukuba liphiwe umbulali,

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.

Isambulo 1:11

Lokho okubonayo kulobe encwadini, uyithumele emabandleni ayisikhombisa, kwelaseEfesu lelaseSemerna lelasePergamo lelaseTiyathira lelaseSardisi lelaseFiladelfiya lelaseLawodikeya.

Isambulo 1:18

lophilayo; ngangifile, khathesi sengikhona ngiphila kuze kube nininini, ngilamakhiye okufa lawendawo yabafileyo.

Isambulo 1:5

lakuJesu Kristu ufakazi othembekileyo, olizibulo kwabafileyo lombusi wamakhosi omhlaba. Kuye osithandayo lowasikhulula ezonweni zethu ngegazi lakhe,

Isambulo 15:3

Bahlabela ingoma kaMose inceku kaNkulunkulu lengoma yeWundlu besithi: Mikhulu, iyamangalisa imisebenzi yakho, Nkosi Nkulunkulu, Somandla; zilungile, ziqotho izindlela zakho, Nkosi yazo zonke izikhathi.

Isambulo 16:7

Ngasengisizwa ialtare lisithi: Yebo, Nkosi Nkulunkulu, Somandla, kuqotho kulungile ukuthonisisa kwakho.

Isambulo 19:11

Ngasengibona izulu livulekile; ngabona ibhiza elimhlophe, oligadileyo ubizwa ngokuthi ngoThembekileyo loQotho; ngoba uthonisisa, alwe ngokulunga.

Isambulo 19:2

ngoba ukuthonisisa kwakhe kuqotho, kulungile; usilahlile isiphingi esikhulu esonakalise umhlaba ngokuphinga kwaso, uphindisele kuso igazi lezinceku zakhe.

Isambulo 2:1

Kuso isithunywa sebandla eliseEfesu loba ukuthi: Nanku akutshoyo lowo ophethe inkanyezi eziyisikhombisa esandleni sakhe sokunene, ohamba phakathi kwezinti zezibane zegolide eziyisikhombisa;

Isambulo 21:5

Wasesithi ohlezi esihlalweni sobukhosi: Khangela, ngenza konke kube kutsha. Wathi: Bhala lokhu, ngoba lamazwi aqinisile aqotho.

Isambulo 3:14

Lakuso isithunywa sebandla eliseLawodikeya loba uthi: Nanku akutshoyo uAmeni, ufakazi othembekileyo loqotho, umqalisi wokudaliweyo konke kukaNkulunkulu,

Isambulo 4:8

Izidalwa ezine eziphilayo, ileso laleso kuzo silamaphiko ayisithupha; emaceleni wonke langaphakathi zigcwele amehlo; emini lebusuku kazikhawuli ukuhlabela zisithi: Ingcwele, ingcwele, ingcwele iNkosi uNkulunkulu uSomandla, owayekhona lokhona lozakuba khona.

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;

Isambulo 6:10

Bamemeza ngelizwi elikhulu besithi: Nkosi ebusayo engcwele leqotho, koze kube nini ungathonisisi uphindisele igazi lethu kulabo abakhileyo emhlabeni na?