Isambulo 3:5 - iBhayibhili Elingcwele 1978

⁵ Onqobayo uzakwambathiswa ngokunjalo ingubo ezimhlophe; kangiyikulesula ibizo lakhe encwadini yokuphila, ngoba ngizakulivuma phambi kukaBaba laphambi kwezithunywa zakhe.

IBhayibhili Elingcwele LesiNdebele

⁵ Lowo onqobayo uzagqoka ezimhlophe njengabo. Ibizo lakhe kangisoze ngilesule encwadini yokuphila, kodwa ibizo lakhe ngizalivuma phambi kukaBaba lezingilosi zakhe.

Isambulo 3:5 Mawu Ofanana

AmaHubo 109:13

Inzalo yakhe kayiphele, lebizo lakhe lesulwe esizukulwaneni esilandelayo.

AmaHubo 69:28

Kabesulwe encwadini yabaphilayo, bangabalwa kanye labalungileyo.

UMalaki 3:17

Bazakuba ngabami, kutsho iNkosi yamabandla, babe yimpahla yami ngosuku lokwenza kwami, ngizabayekela njengalokhu umuntu eyekela indodana emsebenzelayo.

UMatewu 10:32

Ilowo lalowo ongivuma phambi kwabantu, lami ngizakumvuma phambi kukaBaba osezulwini.

ULukha 10:20

Lingathokozi ngalokho okokuthi omoya bayalithobela, kodwa thokozani ngokuthi amabizo enu alotshiwe ezulwini.

ULukha 12:8

Njalo ngithi kini: Yilowo lalowo ongivuma phambi kwabantu, leNdodana yomuntu layo izakumvuma phambi kwezithunywa zikaNkulunkulu;

UDutheronomi 9:14

Ngiyekela ukuba ngibabhubhise, ngiqede ibizo labo emhlabeni; ngizakukwenza wena ube yisizwe esikhulu lesilamandla kulabo.

AbaseFiliphi 4:3

Ngiyakuncenga lawe, mnakwethu oqotho, siza labo abesifazana, ngoba basebenza kakhulu kanye lami evangelini, kanye loKlementi lezinye izisebenzi amabizo azo asencwadini yokuphila.

UJuda 1:24

Kuye olamandla okulilinda ukuba lingakhubeki, lokulimisa phambi kwenkazimulo yakhe lingelasici, lilokuthokoza okukhulu,

Isambulo 13:8

Bonke abakhileyo emhlabeni bazakusikhonza, ngaphandle kwalabo amabizo abo alotshwa encwadini yokuphila yeWundlu elahlatshwayo, selokhu kwasukela ekudatshulweni komhlaba.

Isambulo 17:8

Isilo osibonileyo sikhona, kasisekho; kodwa sizakuphuma emgodini ongelamkhawulo, siye ekubhujisweni. Labakhileyo emhlabeni, abamabizo abo angabhalwanga encwadini yokuphila kusukela ekudatshulweni komhlaba, bazakumangala ukubona ukuthi isilo sasikhona, kasisekho, kanti sizakuba khona.

Isambulo 19:8

wavunyelwa ukwambatha ilembu elihle elihlambulukileyo elikhazimulayo. — Ngoba ilembu elihle liyizenzo zokulunga zabangcwele.

Isambulo 2:11

Olendlebe kezwe lokho akutshoyo uMoya emabandleni. Onqobayo kasoze alinyazwa yikufa kwesibili.

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.

Isambulo 20:12

Ngabona abafileyo, abakhulu labancinyane, bemi phambi kwesihlalo sobukhosi; lezincwadi zavulwa. Kwavulwa lenye incwadi eyincwadi yokuphila. Abafileyo bahlulelwa ngalokhu okwakulotshiwe ezincwadini langalokho ababekwenzile.

Isambulo 20:15

Uba ekhona ongafunyaniswanga elotshiwe encwadini yokuphila, waphoselwa echibini lomlilo.

Isambulo 21:27

Kodwa kakusoze kwangena ulutho olungcolileyo kuwo kanye loyedwa owenza amanyala lenkohliso, kuphela abalotshiweyo encwadini yokuphila yeWundlu.

Isambulo 22:19

Uba umuntu ephungula amazwi esiprofethi alotshiweyo kulincwadi, uNkulunkulu uzakuphungula isabelo sakhe esihlahleni sokuphila lasemzini ongcwele, izinto ezilotshiweyo kulincwadi.

Isambulo 3:12

Onqobayo ngizakumenza insika ethempelini likaNkulunkulu wami, kasoze aphuma kulo; ngizakuloba ibizo likaNkulunkulu wami phezu kwakhe, lebizo lomuzi kaNkulunkulu wami iJerusalema elitsha elehla livela kuNkulunkulu wami ezulwini, lebizo lami elitsha.

Isambulo 3:4

Kodwake basekhona abantu abayingcosana eSardisi abangangcolisanga ingubo zabo; bazakuhamba lami bembethe okumhlophe, ngoba bafanele.

Isambulo 6:11

Basebenikwa, kwaba yilowo lalowo ingubo emhlophe; batshelwa ukuba baphumule okwesikhatshana, kuze kuphelele inani labayizinceku labazalwane babo ababezakubulawa njengabo.

1 USamuyeli 17:25

Bathi: Limbonile lowana umuntu ophumileyo na? Impela uphumele ukweyisa uIsrayeli. Lowo ombulalayo, inkosi izamnika inotho lendodakazi yayo, lendlu kayise ibe ngekhululekileyo koIsrayeli.