Isambulo 3:4 - iBhayibhili Elingcwele 1978

⁴ Kodwake basekhona abantu abayingcosana eSardisi abangangcolisanga ingubo zabo; bazakuhamba lami bembethe okumhlophe, ngoba bafanele.

IBhayibhili Elingcwele LesiNdebele

⁴ Kodwa ulabantu abalutshwana eSadisi abangangcolisanga izigqoko zabo. Bazahamba lami begqoke ezimhlophe, ngoba bazifanele.

Isambulo 3:4 Mawu Ofanana

1 AmaKhosi 19:18

Kodwa ngizatshiya koIsrayeli abantu abazinkulungwane eziyisikhombisa, bonke abangazanga baguqe ngamadolo abo kuBali, lemilomo yabo engazanga imange.

U-Esta 8:15

UMoridekayi wasuka phambi kwenkosi egqoke izambatho zobukhosi ezilombala oyibubende lomhlophe, ethwele umqhele omkhulu wegolide, egqoke lesambatho selembu elihle eliyibubende; umuzi waseSusa wamemeza ngokuthokoza;

AmaHubo 68:14

Lapho uSomandla echitha amakhosi kulo, ungqoqwane wawela eZalimoni.

UmTshumayeli 9:8

Izigqoko zakho kazibe ngezimhlophe ngesikhathi sonke, ungayekeli ukugcoba ikhanda lakho.

U-Isaya 1:9

Uba iNkosi yamabandla ibingasitshiyelanga ingcosana yabantu, besizakuba njengeSodoma, sifane leGomora.

U-Isaya 52:1

Vuka, vuka, uhlome amandla akho, wena Ziyone! wambathe ingubo zakho ezinhle, wena Jerusalema, umuzi ongcwele! Ngoba kakusayikungena kuwe ongasokanga longcolileyo.

U-Isaya 59:6

Ubulembu babo kabuyikuba yizingubo, labantu kabayikwambatha lokho abakwenzileyo. Imisebenzi yabo ibanga ububi, lezandla zabo zenza isihluku.

U-Isaya 61:10

Ngizathokoza kakhulu ngeNkosi, umphefumulo wami uzajabula ngoNkulunkulu wami; ngoba ingambathise ingubo yokukhululwa, inyangembesa ngengubo yokulunga, njengomyeni ezicecise ngezigqoko zomthimba, lanjengomlobokazi ezicecisa ngamatshe amahle.

U-Isaya 61:3

nginike labo abalilayo eZiyone imiqhele endaweni yomlotha, lamafutha enjabulo endaweni yengubo yokulila, indumiso endaweni yomoya odanileyo; ukuze babizwe ngokuthi yizihlahla zobuqotho, ezihlanyelwe yiNkosi, ukuba izuze udumo.

U-Isaya 64:6

Sonke sesinjengomuntu ongcolileyo, lezenzo zethu ezilungileyo zinjengengubo engeolileyo. Sonke siyabuna njengehlamvu, lobubi bethu buyasiphephula njengomoya.

ULevi 13:48

loba elenjini elalukiweyo, loba esikhumbeni, ingabe entweni eyenziwe ngesikhumba,

UMatewu 10:11

Lakuwuphi umuzi ingabe umuzana elingena kuwo, buzani ukuba ngubani ofaneleyo kuwo, lihlale laye, lize lisuke.

UMakho 16:5

Kuthe bengena elibeni, babona insizwa yembethe ingubo emhlophe, ihlezi ngakwesokunene; bamangala kakhulu.

ULukha 20:35

Kodwa labo okuthiwa bafanele ukufinyelela kulesosikhathi lasekuvukeni kwabafileyo kabathathani, kabendiswa;

ULukha 21:36

Ngakhoke lindani ngezikhathi zonke, likhulekele ukuba libe lamandla okuphepha zonke lezizinto ezizakwenzeka lawokuma phambi kweNdodana yomuntu.

Imisebenzi 1:15

Ngalezonsuku uPetro wasukuma phakathi kwabazalwane, ixuku labantu ababekhona lalingaba likhulu lamatshumi amabili, wathi:

2 AbaseThesalonika 1:5

Lokhu kuyisiboniso sokuthonisisa okulungileyo kukaNkulunkulu, ukuze kuthiwe lingabafanele umbuso kaNkulunkulu elihlupheka ngenxa yawo.

UJuda 1:23

lisilise abanye ngokubahluthuna emlilweni; abanye libahawukele lilokwesaba, lizonda ngitsho lengubo eyoniwe zinkanuko ezimbi.

Isambulo 1:11

Lokho okubonayo kulobe encwadini, uyithumele emabandleni ayisikhombisa, kwelaseEfesu lelaseSemerna lelasePergamo lelaseTiyathira lelaseSardisi lelaseFiladelfiya lelaseLawodikeya.

Isambulo 11:13

Ngalesosikhathi kwaba khona ukuzamazama okukhulu komhlaba, kwawa ingxenye yetshumi yomuzi; kwafa abantu abayizinkulungwane eziyisikhombisa ekuzamazameni komhlaba; labaseleyo batshaywa luvalo, bamdumisa uNkulunkulu wezulu.

Isambulo 14:4

Labo yibo abangangcoliswanga yisifazana, ngoba bazigcina behlambululukile; yibo abalandela iWundlu loba lisiya ngaphi. Labo bahlengwa ebantwini, baba yizithelo zokuqala kuNkulunkulu lakulo iWundlu.

Isambulo 19:14

Lezimpi zasezulwini zamlandela zigade amabhiza amhlophe, zambethe amalembu amahle ahlambulukileyo amhlophe.

Isambulo 19:8

wavunyelwa ukwambatha ilembu elihle elihlambulukileyo elikhazimulayo. — Ngoba ilembu elihle liyizenzo zokulunga zabangcwele.

Isambulo 3:18

Ngakhoke ngiyakweluleka ukuba uthenge kimi igolide elihlanjululwe ngomlilo ukuba unothe, lengubo ezimhlophe ukuze wambathe, ufihle ihlazo lokuhambaze kwakho, uthenge lamagcobo okugcoba amehlo akho ukuba ubone.

Isambulo 3:5

Onqobayo uzakwambathiswa ngokunjalo ingubo ezimhlophe; kangiyikulesula ibizo lakhe encwadini yokuphila, ngoba ngizakulivuma phambi kukaBaba laphambi kwezithunywa zakhe.

Isambulo 4:4

Izihlalo zobukhosi ezingamatshumi amabili lane zazihanqe lesosihlalo sobukhosi; phezu kwazo kwakuhlezi abadala abangamatshumi amabili lane bembethe ingubo ezimhlophe, bethwele imiqhele emakhanda abo.

Isambulo 6:11

Basebenikwa, kwaba yilowo lalowo ingubo emhlophe; batshelwa ukuba baphumule okwesikhatshana, kuze kuphelele inani labayizinceku labazalwane babo ababezakubulawa njengabo.

Isambulo 7:9

Emva kwalokhu ngakhangela, ngabona ixuku elikhulu elingelakubalwa muntu, elivela kuzo zonke izizwe, lakuyo yonke imihlobo, lakibo bonke abantu, lasezindimini zonke, limi phambi kwesihlalo sobukhosi laphambi kweWundlu, lambethe ingubo ezimhlophe, liphethe ingatsha zamalala ezandleni,