Isambulo 3:18 - iBhayibhili Elingcwele 1978

¹⁸ Ngakhoke ngiyakweluleka ukuba uthenge kimi igolide elihlanjululwe ngomlilo ukuba unothe, lengubo ezimhlophe ukuze wambathe, ufihle ihlazo lokuhambaze kwakho, uthenge lamagcobo okugcoba amehlo akho ukuba ubone.

IBhayibhili Elingcwele LesiNdebele

¹⁸ Ngiyakucebisa ukuba uthenge kimi igolide elihlanjululwe emlilweni ukuze unothe; ugqoke izigqoko ezimhlophe ukuze uvale ubunqunu bakho obulihlazo, lamafutha okugcoba amehlo akho ukuze ubone.

Isambulo 3:18 Mawu Ofanana

AmaHubo 107:11

ngoba baphambana lamazwi kaNkulunkulu, badelela iseluleko soPhezukonke.

AmaHubo 16:7

Ngiyayibonga iNkosi engilulekayo; lasebusuku inhliziyo yami iyangilaya.

AmaHubo 32:8

Ngizakukufundisa ngikutshengise indlela ozakuhamba ngayo, ngizakweluleka, ilihlo lami libe phezu kwakho.

AmaHubo 73:24

Uzakungihola ngeseluleko sakho, emva kwalokho ungamukele ebukhosini.

Izaga 1:25

ladelela konke ukweluleka kwami, kalivumanga ukukhuza kwami;

Izaga 1:30

bengavumanga ukweluleka kwami, bedelela konke ukukhuza kwami;

Izaga 19:20

Lalela izeluleko, uvume ukufundiswa, ukuba uhlakaniphe ngesikhathi esizayo.

Izaga 23:23

Thenga iqiniso, ungathengisi ngalo; thenga ukuhlakanipha lokufundiswa lokuqedisisa.

UmTshumayeli 8:2

Lalela umlayo wenkosi; ungaphangisi ukwenza isifungo kuNkulunkulu.

U-Isaya 47:3

Ubunqunu bakho buzavela obala, kubonakale ihlazo lakho. Ngizaphindisela, ngingayekeli muntu,

U-Isaya 55:1

INkosi ithi: We lina lonke elomileyo, wozani kukha amanzi, laye ongelamali keze, athenge ukudla, adle. Wozani lithenge iwayini lochago okungabizi mali.

UJeremiya 13:26

Mina uqobo ngizakwembula izidwaba zakho, kubonakale ubuze bakho.

UDanyeli 12:2

Labanengi abaleleyo othulini lomhlaba bazavuka, abanye bavukele ukuphila okungapheliyo, labanye bavukele ihlazo lokuhlekwa okungapheliyo.

UMikha 1:11

Dlulani, lina baseShafiri, lihambeze lilenhloni; abakhe eZanani kabaphumanga emzini wabo; abaseBeti‐Ezeli bayakhala, kabalamandla okulisiza.

UNahume 3:5

Khangela, ngimelene lawe, kutsho iNkosi yamabandla; ngizakwambula izidwaba zakho, ngitshengise izizwe ubunqunu bakho, lemibuso ihlazo lakho.

UMalaki 3:3

Sizahlala esihlalweni saso sincibilikise sihlambulule isiliva, sihlambulule amadodana kaLevi, siwancibilikise njengegolide lanjengesiliva, aze anikele iminikelo efaneleyo eNkosini.

UMatewu 13:44

Umbuso wezulu unjengenotho efihliweyo ensimini, eyafunyanwa ngumuntu, wayifihla; ekuthokozeni kwakhe ahambe, athengise konke alakho athenge leyonsimu.

UMatewu 25:9

Kodwa ezihlakaniphileyo zaphendula zathi: Atshi, funa angasaneli thina kanye lani. Kungcono ukuba lihambe liye kwabathengisayo lizithengele.

ULukha 12:21

Kunjaloke kozibekela inotho yena enganothanga kuNkulunkulu.

2 AbaseKhorinte 5:3

ukuze kuthi ngokwambatha yona singafunyanwa size.

2 AbaseKhorinte 8:9

Ngoba liyawazi umusa weNkosi yethu uJesu Kristu ukuthi, lanxa wayenothile, waba ngumyanga ngenxa yenu, ukuze ngobuyanga bakhe linothe lina.

1 uTimothi 6:18

Kabenze okuhle banothe ngemisebenzi emihle, baphane babelane,

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

1 UPhethro 1:7

ukuze ubuqotho bokukholwa kwenu, okuligugu okwedlula igolide eligugayo loba lihlolwe ngomlilo, bulethe ukubonga lobukhosi lodumo ekwambulweni kukaJesu Kristu.

Isambulo 16:15

Khangela, ngiyeza njengesela. Ubusisiwe olindayo, alondoloze ingubo zakhe ukuba angahambize, kuze kubonwe ihlazo lakhe. —

Isambulo 19:8

wavunyelwa ukwambatha ilembu elihle elihlambulukileyo elikhazimulayo. — Ngoba ilembu elihle liyizenzo zokulunga zabangcwele.

Isambulo 2:9

Ngiyakwazi ukuhlupheka kwakho lobuyanga bakho — kanti wena unothile — lenhlamba yalabo abathi bangabaJuda, bona bengesibo, kodwa beyisinagoge likaSathane.

Isambulo 3:17

Ngoba uthi: Nginothile, ngiphumelele, kangisweli lutho. Kanti kawazi ukuthi ungohluphekayo, ohawulayo, ongumyanga, oyisiphofu, lohambaze.

Isambulo 4:4

Izihlalo zobukhosi ezingamatshumi amabili lane zazihanqe lesosihlalo sobukhosi; phezu kwazo kwakuhlezi abadala abangamatshumi amabili lane bembethe ingubo ezimhlophe, bethwele imiqhele emakhanda abo.

Isambulo 7:13

Omunye wabadala wasesithi kimi: Ngobani laba abambethe ingubo ezimhlophe, futhi bavela ngaphi na?