Isambulo 3:15 - iBhayibhili Elingcwele 1978

¹⁵ uthi: Ngiyayazi imisebenzi yakho ukuthi kawuqandi, futhi kawutshisi. Kungathi ngabe uyaqanda kumbe utshise!

IBhayibhili Elingcwele LesiNdebele

¹⁵ Ngiyazazi izenzo zakho, ukuthi kawuqandi njalo kawutshisi. Ngifisa ukuthi ngabe uyilokhu loba lokhuyana.

Isambulo 3:15 Mawu Ofanana

1 AmaKhosi 18:21

UElija wasondela ebantwini bonke wathi: Koze kube nini lithikaza na? Uba iNkosi inguNkulunkulu, landelani yona; kodwa uba kunguBali, mlandeleni. Abantu kabamphendulanga langelilodwa ilizwi.

Izaga 23:26

Mntanami, ungilalele, uzigcine uzilandele indlela zami.

UHosiya 10:2

Inhliziyo yabo ikhohlakele, khathesi sebezakuthwala icala labo. INkosi izabhidliza ama‐altare abo, idilize lensika zabo ezingcwele.

UHosiya 7:8

INkosi ithi: UEfrayimi uyadinga ubungane bezizwe; unjengesinkwa esingavuthwanga.

UMatewu 10:37

Othanda uyise ingabe unina kulami kafanele mina; lothanda indodana ingabe indodakazi kulami kafanele mina:

UMatewu 24:12

Ngenxa yokwanda kokubi kuzakuphola uthando lwabanengi.

UMatewu 6:24

Kakho ongakhonza amakhosi amabili. Ngoba uzakuzonda enye athande enye, ingabe uzakubambelela kwenye adelele enye. Lingekhonze uNkulunkulu lenotho.

AbaseRoma 12:11

Khuthalani lingadinwa; livuthe emoyeni; likhonze iNkosi.

1 AbaseKhorinte 16:22

Uba umuntu engayithandi iNkosi, kabe ngothukiweyo. Woza, Nkosi yethu!

2 AbaseKhorinte 12:20

Ngilovalo lokuthi ekufikeni kwami mhlawumbe ngizakulifumana lingenjengalokho engikuthandayo, lami lingifumane ngingenjengalokho elikuthandayo. Ngilovalo lokuthi mhlawumbe kungaba khona ukuxabana, lomona, lokuthukuthela, lombango, lokuhleba, lokunyeya, lokuzazisa, leziphithiphithi.

UDutheronomi 5:29

Kungathi bangaba lenhliziyo enjalo insuku zonke, ukuba bangesabe, bagcine yonke imilayo yami, ukuze kubalungele bona labantwana babo kuze kube nininini!

AbaseFiliphi 1:9

Ngikhulekela ukuthi uthando lwenu lwande kakhulu njalo ekwazini lasekuqedisiseni konke,

2 AbaseThesalonika 1:3

Simele ukumbonga njalo uNkulunkulu ngani, bazalwane, njengoba kufanele, ngoba ukukholwa kwenu kuyanda kakhulu, lothando lwenu lonke omunye komunye luyakhula.

UJakhobe 1:8

yena unhliziyombili, uyaphenduphenduka endleleni zakhe zonke.

1 UPhethro 1:22

Ngokulalela iqiniso selihlambulule imiphefumulo yenu ukuthanda abazalwane ngobuqotho; ngakhoke thandanani ngokupheleleyo ngenhliziyo yonke.

Isambulo 2:2

uthi: Ngiyayazi imisebenzi yakho, lemizamo yakho, lokubekezela kwakho, lokuthi kawulakubamela ababi, lokuthi ubahlolile labo abazitsho ukuthi bangabaphostoli, bona bengeyisibo, wabafumana beqamba amanga.

Isambulo 2:4

Kodwa ngilalokhu ngawe ukuthi udelile uthando lwakho lwakuqala.

Isambulo 3:1

Lakuso isithunywa sebandla eliseSardisi loba uthi: Nanku akutshoyo lowo olabomoya abayisikhombisa bakaNkulunkulu lezinkanyezi eziyisikhombisa, uthi: Ngiyayazi imisebenzi yakho ukuba kuthiwa uyaphila, kanti wena ufile.

Isambulo 3:16

Ngakhoke njengalokhu ubuthukuthuku, ungaqandi futhi ungatshisi, ngizakukutsaka emlonyeni wami.