Isambulo 3:14 - iBhayibhili Elingcwele 1978

¹⁴ Lakuso isithunywa sebandla eliseLawodikeya loba uthi: Nanku akutshoyo uAmeni, ufakazi othembekileyo loqotho, umqalisi wokudaliweyo konke kukaNkulunkulu,

IBhayibhili Elingcwele LesiNdebele

¹⁴ “Ingilosi yebandla laseLodikheya ilobele uthi: La ngamazwi ka-Ameni, ufakazi othembekileyo loqotho, umbusi wendalo kaNkulunkulu.

Isambulo 3:14 Mawu Ofanana

UGenesisi 49:3

Rubeni, wena ulizibulo lami lamandla ami, ingqabutho yamandla ami, ozigqajayo lolamandla amakhulu.

Izaga 14:5

Ufakazi othembekileyo kaqambi amanga, kodwa ufakazi wamanga ukhuluma amanga.

Izaga 8:22

INkosi yangidala ngaba ngiyikuqala komsebenzi wayo, ngaphambi kwakho konke eyakwenzayo endulo.

U-Isaya 55:4

Ngamenza waba ngufakazi ebantwini, waba ngumholi lomlawuli wamabutho ezizweni.

U-Isaya 65:16

kuze kuthi lowo ozibusisayo emhlabeni azibusise ngoNkulunkulu weqiniso, lalowo ofungayo emhlabeni afunge ngoNkulunkulu weqiniso; ngoba inhlupheko zakuqala sezikhohlakele, zisithekile emehlweni ami.

UJeremiya 42:5

Basebesithi kuJeremiya: INkosi kayibe ngufakazi oqinisileyo lothembekileyo ngathi, uba singenzi njengelizwi leNkosi, uNkulunkulu wakho, elithuma kithi ngawe.

UJohane 1:3

Zonke izinto zenziwa ngaye; langaphandle kwakhe kakwenziwanga lutho kukho konke okwenziweyo.

UJohane 8:14

UJesu wabaphendula wathi: Uba ngizifakazela mina, ubufakazi bami buqinisile, ngoba ngiyazi ukuthi ngivela ngaphi lokuthi ngiya ngaphi; kodwa lina kalazi ukuthi ngivela ngaphi lokuthi ngiya ngaphi.

2 AbaseKhorinte 1:20

Zonke izithembiso zikaNkulunkulu zipheleliswe kuye, ngakhoke ngaye sithi: Ameni; kudunyiswe uNkulunkulu.

UDutheronomi 21:17

kodwa kavume ukuthi indodana yongathandwayo yilona izibulo, ayinike isabelo esiphindwe kabili sempahla yakhe yonke, ngoba ilizibulo lakhe, ilelungelo lobuzibulo.

AbaseKholose 1:15

Yona ifuze uNkulunkulu ongelakubonwa, elizibulo lezidalwa zonke.

AbaseKholose 1:18

Yona yinhloko yomzimba olibandla; iyikuqala, izibulo kwabafileyo, ukuze yona ibe ngeyokuqala ezintweni zonke.

AbaseKholose 2:1

Ngoba ngithanda ukuba lazi ukuthi ngilizamela ngokungakanani lina kanye labaseLawodikeya, labo bonke abangakaze bangibone.

AbaseKholose 4:16

Nxa isifundiwe lincwadi phakathi kwenu kayifundwe lasebandleni labaseLawodikeya; lani liyifunde futhi leyo evela eLawodikeya.

Isambulo 1:11

Lokho okubonayo kulobe encwadini, uyithumele emabandleni ayisikhombisa, kwelaseEfesu lelaseSemerna lelasePergamo lelaseTiyathira lelaseSardisi lelaseFiladelfiya lelaseLawodikeya.

Isambulo 1:5

lakuJesu Kristu ufakazi othembekileyo, olizibulo kwabafileyo lombusi wamakhosi omhlaba. Kuye osithandayo lowasikhulula ezonweni zethu ngegazi lakhe,

Isambulo 19:11

Ngasengibona izulu livulekile; ngabona ibhiza elimhlophe, oligadileyo ubizwa ngokuthi ngoThembekileyo loQotho; ngoba uthonisisa, alwe ngokulunga.

Isambulo 2:1

Kuso isithunywa sebandla eliseEfesu loba ukuthi: Nanku akutshoyo lowo ophethe inkanyezi eziyisikhombisa esandleni sakhe sokunene, ohamba phakathi kwezinti zezibane zegolide eziyisikhombisa;

Isambulo 21:6

Wasesithi kimi: Sekwenzekile. NginguAlfa loOmega, ukuqala lokucina. Owomileyo ngizakumnathisa ngesihle emthonjeni wamanzi okuphila.

Isambulo 22:13

NginguAlfa loOmega, owokuqala lowokucina, isiqalo lesicino.

Isambulo 22:6

Sasesisithi kimi: Lamazwi aqinisile aqotho; iNkosi uNkulunkulu wemimoya yabaprofethi isithumile isithunywa sayo ukuzitshengisa inceku zayo okuzakwenzeka masinyane.

Isambulo 3:7

Lakuso isithunywa sebandla eliseFiladelfiya loba uthi: Nanku akutshoyo ongcwele loqotho, olekhiye kaDavida, ovula kungavali muntu, lovala kungavuli muntu,