Isambulo 3:12 - iBhayibhili Elingcwele 1978

¹² Onqobayo ngizakumenza insika ethempelini likaNkulunkulu wami, kasoze aphuma kulo; ngizakuloba ibizo likaNkulunkulu wami phezu kwakhe, lebizo lomuzi kaNkulunkulu wami iJerusalema elitsha elehla livela kuNkulunkulu wami ezulwini, lebizo lami elitsha.

IBhayibhili Elingcwele LesiNdebele

¹² Lowo onqobayo ngizamenza abe yinsika ethempelini likaNkulunkulu. Kasoze asuke kulo futhi. Ngizaloba phezu kwakhe ibizo likaNkulunkulu wami kanye lebizo ledolobho likaNkulunkulu wami, iJerusalema elitsha, elehlela phansi liphuma ezulwini livela kuNkulunkulu wami; njalo ngizaloba phezu kwakhe lebizo lami elitsha.

Isambulo 3:12 Mawu Ofanana

1 AmaKhosi 7:21

Wamisa izinsika emkotweni wethempeli; engakwesokunene wayibiza ngokuthi nguJakini, engakwesokhohlo wayibiza ngokuthi nguBowasi.

AmaHubo 46:4

Kukhona umfula omanzi awo athokozisa umuzi kaNkulunkulu, indawo engcwele yoPhezukonke.

AmaHubo 48:8

Esikuzwileyo sikubonile emzini weNkosi yamabandla, emzini kaNkulunkulu wethu, uNkulunkulu awumise kuze kube nininini.

AmaHubo 87:3

Kukhulunywa ngawe izinto ezidumileyo, wena muzi kaNkulunkulu!

U-Isaya 62:2

Izizwe zizabona ukulunga kwakho, lamakhosi wonke abone inkazimulo yakho; uzakubizwa ngebizo elitsha ezakukutha lona iNkosi.

U-Isaya 65:15

Ibizo lenu lizasetshenziswa njengesiqalekiso ngabakhethiweyo bami, leNkosi uNkulunkulu izakulibulala; kodwa inceku zayo izakuzibiza ngelinye ibizo,

UJeremiya 1:18

Ngoba ngikwenzile lamhla waba njengomuzi obiyelweyo, lensika yensimbi, lemiduli yethusi, ukumelana lalo lonke ilizwe, wonke amakhosi akoJuda, lezikhulu zalo, labapristi balo, labantu balo.

UHezekhiyeli 40:49

Ubude bendlu esekungeneni babuzingalo ezingamatshumi amabili, lobubanzi bayo buzingalo ezilitshumi lambili; kwakukhona izinyathelo ezilitshumi eziya kilo; kwakukhona insika ekungeneni kwesango inxa zombili.

UHezekhiyeli 48:35

Inxa zonke zomuzi zizakuba zingalo eziyizinkulungwane ezilitshumi laficaminwembili. Ibizo lomuzi kusukela nje lizakuthiwa. INkosi ilapho.

UMakho 12:16

Bayiletha. Wasesithi kibo: Ngokabani lumfanekiso lalumbhalo na? Bathi kuye: NgokaKesari.

AbaseGalathiya 2:9

Ngakhoke, bathi ukubona umusa engiwuphiweyo, oJakobe loKefasi loJohane abadume ngokuthi zinsika zebandla, banika mina loBarnabasi isandla sokunene sobudlelwano ukuba thina siye kwabezizwe, bona baye kubaJuda.

Abase-Efesu 3:15

okubizwa ngebizo lakhe lonke usendo olusezulwini lolusemhlabeni,

AmaHebheru 12:22

Kodwa lina lize entabeni yaseZiyone lasemzini kaNkulunkulu ophilayo, iJerusalema elasezulwini, lakuzithunywa eziyizigidi ezingelakubalwa ezihlangene ngokuthokoza,

AmaHebheru 13:14

Ngoba kasilawo umuzi omiyo lapha, kodwa sidinga umuzi ozayo.

1 UJohane 4:4

Bantwana, lina lingabakaNkulunkulu, futhi selibahlule bona, ngoba lowo okini mkhulu kulalowo osemhlabeni.

Isambulo 14:1

Ngasengikhangela, ngabona iWundlu limi entabeni yaseZiyone, kumi kanye lalo abayizinkulungwane ezilikhulu lamatshumi amane lane, abalotshwe ibizo lalo lelikaYise emabunzini abo.

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

Isambulo 2:11

Olendlebe kezwe lokho akutshoyo uMoya emabandleni. Onqobayo kasoze alinyazwa yikufa kwesibili.

Isambulo 2:17

Olendlebe kezwe lokho akutshoyo uMoya emabandleni. Onqobayo ngizakumnika enye imana kwefihliweyo, ngimnike lelitshe elimhlophe okulotshwe kulo ibizo elitsha elingaziwa muntu, kuphela lowo olamukelayo.

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.

Isambulo 21:2

Ngabona umuzi ongcwele, iJerusalema elitsha, usehla uvela ezulwini kuNkulunkulu, ulungisiwe njengomlobokazi ocecele umkakhe.

Isambulo 22:4

zizakubona ubuso bakhe, lebizo lakhe lizakuba semabunzini azo.

Isambulo 3:5

Onqobayo uzakwambathiswa ngokunjalo ingubo ezimhlophe; kangiyikulesula ibizo lakhe encwadini yokuphila, ngoba ngizakulivuma phambi kukaBaba laphambi kwezithunywa zakhe.