Isambulo 3:1 - iBhayibhili Elingcwele 1978

¹ Lakuso isithunywa sebandla eliseSardisi loba uthi: Nanku akutshoyo lowo olabomoya abayisikhombisa bakaNkulunkulu lezinkanyezi eziyisikhombisa, uthi: Ngiyayazi imisebenzi yakho ukuba kuthiwa uyaphila, kanti wena ufile.

IBhayibhili Elingcwele LesiNdebele

¹ “Ingilosi yebandla laseSadisi ilobele uthi: La ngamazwi akhe lowo ophethe omoya abayisikhombisa bakaNkulunkulu kanye lezinkanyezi eziyisikhombisa. Ngiyazazi izenzo zakho; ulodumo lokuba ngophilayo, kodwa ufile.

Isambulo 3:1 Mawu Ofanana

ULukha 15:24

ngoba indodana yami le ibifile, isibuye yasila; ibilahlekile, ifunyenwe. Basebeqala ukuthokoza.

ULukha 15:32

Bekufanele ukuba sijabule, sithokoze, ngoba umnawakho lo owayefile usebuye wasila; wayelahlekile, usefunyenwe.

UJohane 1:16

Ngoba ekugcwaleni kwakhe samukele sonke umusa phezu komusa.

UJohane 1:33

Lami bengingamazi, kodwa owangithumayo ukubhaphathiza ngamanzi wathi kimi: Lowo ozakubona uMoya esehlela phezu kwakhe, ehlala kuye, nguye obhaphathiza ngoMoya oNgcwele.

UJohane 20:22

Kwathi esetshilo lokhu waphephetha phezu kwabo wathi kibo: Yamukelani uMoya oNgcwele.

UJohane 3:34

Ngoba lowo uNkulunkulu amthumileyo ukhuluma amazwi kaNkulunkulu; ngoba kaniki uMoya ngesilinganiso.

Imisebenzi 2:33

Ngakhoke ephakanyiselwe ngakwesokunene sikaNkulunkulu, esamukele kuYise isithembiso sikaMoya oNgcwele, uthelile lokhu elikubonayo lelikuzwayo.

Abase-Efesu 2:1

Lina lalifile ngeziphambeko langezono zenu,

Abase-Efesu 2:5

lanxa sasifile ngeziphambeko zethu, wasivusa kanye loKristu; ngomusa lisilisiwe.

AbaseKholose 2:13

Lanike, lanxa belifile ngeziphambeko langokungasoki kwenyama yenu, uNkulunkulu ulenze laba ngabaphilayo kanye loKristu. Usithethelele iziphambeko zethu zonke;

1 uTimothi 5:6

kanti lowo ozinikela ekuzithokoziseni ufile lanxa esekhona.

UJakhobe 2:26

Ngoba njengalokhu umzimba ongelamoya ufile, ngokunjalo lokukholwa okungelamisebenzi kufile.

1 UPhethro 1:11

Babuza ukuthi yisiphi lokuba sinjani isikhathi esikhonjwa nguMoya kaKristu owayekibo, etshengisa ngaphambili izinhlupheko eziqondene loKristu lobukhosi obuzakuzilandela.

UJuda 1:12

Laba balihlazo emadilini enu othando nxa besidla lani bengesabi, bezinanzelela bona bodwa. Bangamayezi angelamanzi, aphetshulwa ngumoya; bayizihlahla ezingatheliyo zebusika, ezife kabili, sezisitshulwe;

Isambulo 1:11

Lokho okubonayo kulobe encwadini, uyithumele emabandleni ayisikhombisa, kwelaseEfesu lelaseSemerna lelasePergamo lelaseTiyathira lelaseSardisi lelaseFiladelfiya lelaseLawodikeya.

Isambulo 1:16

Wayephethe izinkanyezi eziyisikhombisa esandleni sakhe sokunene, lasemlonyeni wakhe kwaphuma umhedla obukhali inxa zombili, lobuso bakhe bunjengelanga elikhanya ngamandla.

Isambulo 1:20

Nansi imfihlakalo yezinkanyezi eziyisikhombisa ozibonileyo esandleni sami sokunene, leyezibane zegolide eziyisikhombisa; inkanyezi eziyisikhombisa ziyizithunywa zamabandla ayisikhombisa, izibane eziyisikhombisa zingamabandla ayisikhombisa.

Isambulo 1:4

Mina Johane ngithi kuwo amabandla ayisikhombisa aseAsiya: Kakube kini umusa lokuthula okuvela kuye okhona lowayekhona lozakuba khona, lakubomoya abayisikhombisa abaphambi kwesihlalo sakhe sobukhosi,

Isambulo 2:13

uthi: Ngiyazi lapho wakhe khona, lapho kukhona isihlalo sobukhosi sikaSathane; kanti ubambelele ebizweni lami, kawuphikanga ukukholwa kwakho lasensukwini zikaAntipasi, ufakazi wami othembekileyo, owabulawelwa phakathi kwenu lapho uSathane ahlala khona.

Isambulo 2:19

ithi: Ngiyayazi imisebenzi yakho, lothando, lokukholwa, lokubekezela kwakho, lokuthi imisebenzi yakho yokucina minengi kuleyokuqala.

Isambulo 2:2

uthi: Ngiyayazi imisebenzi yakho, lemizamo yakho, lokubekezela kwakho, lokuthi kawulakubamela ababi, lokuthi ubahlolile labo abazitsho ukuthi bangabaphostoli, bona bengeyisibo, wabafumana beqamba amanga.

Isambulo 2:9

Ngiyakwazi ukuhlupheka kwakho lobuyanga bakho — kanti wena unothile — lenhlamba yalabo abathi bangabaJuda, bona bengesibo, kodwa beyisinagoge likaSathane.

Isambulo 3:15

uthi: Ngiyayazi imisebenzi yakho ukuthi kawuqandi, futhi kawutshisi. Kungathi ngabe uyaqanda kumbe utshise!

Isambulo 3:2

Vuka, uqinise okuseleyo osekuzakufa, ngoba kangifumananga imisebenzi yakho iphelelisiwe phambi kukaNkulunkulu wami.

Isambulo 3:8

uthi: Ngiyayazi imisebenzi yakho; khangela, ngimisa phambi kwakho umnyango ovuliweyo, ongelakuvalwa muntu. Ngiyazi ukuthi ulamandla amancinyane, kanti uligcinile ilizwi lami, kawuliphikanga ibizo lami.

Isambulo 4:5

Lasesihlalweni sobukhosi kwakuphuma imibane, lamazwi, lokuduma; lezibane zomlilo eziyisikhombisa zazibhebha phambi kwazo, zona zingomoya abayisikhombisa bakaNkulunkulu;

Isambulo 5:6

Ngasengibona phakathi kwesihlalo sobukhosi lezidalwa ezine eziphilayo langaphakathi kwabadala iWundlu limi kungathi lihlatshiwe, lilempondo eziyisikhombisa lamehlo ayisikhombisa okungomoya abayisikhombisa bakaNkulunkulu, abathunyelwe kuwo wonke umhlaba.