Isambulo 22:3 - iBhayibhili Elingcwele 1978

³ Kakusayikuba khona lokukodwa okuqalekisiweyo. Isihlalo sobukhosi sikaNkulunkulu leseWundlu zizakuba kuwo, lezinceku zakhe zizakumdumisa,

IBhayibhili Elingcwele LesiNdebele

³ Akusoze kube lesiqalekiso futhi. Isihlalo sobukhosi sikaNkulunkulu leseWundlu zizakuba sedolobheni njalo izinceku zakhe zizamkhonza.

Isambulo 22:3 Mawu Ofanana

AmaHubo 16:11

Uzakungazisa indlela yokuphila; phambi kwakho kugcwele ukuthokoza, langakwesokunene sakho kukhona intokozo kuze kube nininini.

AmaHubo 17:15

Kodwa mina ngizakhangela ubuso bakho ekulungeni, nganeliswe yisimo sakho ekuphaphameni kwami.

U-Isaya 12:6

Memezani, lihlabele ngokuthokoza, lina baseZiyone, ngoba mkhulu phakathi kwenu oNgcwele kaIsrayeli.

U-Isaya 51:11

Abahlengiweyo beNkosi bazakubuya, bangeneeZiyone behlabela; lokuthokoza okungapheliyo kube ngumqhele wamakhanda abo; bazazuza ukuthokoza lokujabula, usizi lokububula kuzakuphela.

UHezekhiyeli 37:27

Indawo yami yokuhlala izakuba kibo, ngibe nguNkulunkulu wabo, babe ngabantu bami.

UHezekhiyeli 48:35

Inxa zonke zomuzi zizakuba zingalo eziyizinkulungwane ezilitshumi laficaminwembili. Ibizo lomuzi kusukela nje lizakuthiwa. INkosi ilapho.

UZakhariya 14:11

Kuzahlalwa kilo, kungabe kusaba khona isiqalekiso; iJerusalema lizahlala lilondolozekile.

UMatewu 25:21

Inkosi yayo yathi kiyo: Kuhle, nceku elungileyo lethembekileyo; uthembekile ezintweni eziyingcosana; ngizakukubeka phezu kwezinengi; ngena ekuthokozeni kwenkosi yakho.

UMatewu 25:41

Izakuthi kibo abangakwesokhohlo: Sukani kimi lina eliqalekisiweyo, liye emlilweni ongapheliyo olungiselwe uSathane lezithunywa zakhe.

UJohane 12:26

Uba umuntu engikhonza, kangilandele; lalapho ngikhona, uzakuba khona umfokazi wami. Uba umuntu engikhonza, uBaba uzakumdumisa yena.

UJohane 13:32

Uba uNkulunkulu enikwe udumo kiyo, loNkulunkulu uzakuyinika udumo, njalo uzakuyinika udumo masinyane.

UJohane 14:3

Nxa ngihamba ukuyalilungisela indawo, ngizakubuya futhi, ngilamukele ukuze kuthi lapho ngikhona libe khona lani.

UJohane 17:24

Baba, ngithanda ukuba labo onginike bona labo babe kanye lami lapho ngikhona, ukuze babone inkazimulo yami onginike yona; ngoba wangithanda kungakadatshulwa umhlaba.

UDutheronomi 27:26

Kaqalekiswe ongalaleli amazwi alumlayo ngokuwagcina. Bonke abantu bazakuthi: Ameni.

Isambulo 7:10

limemeza ngelizwi elikhulu lisithi: Ukunqoba kungokukaNkulunkulu wethu ohlezi esihlalweni sobukhosi, lokweWundlu.

Isambulo 7:9

Emva kwalokhu ngakhangela, ngabona ixuku elikhulu elingelakubalwa muntu, elivela kuzo zonke izizwe, lakuyo yonke imihlobo, lakibo bonke abantu, lasezindimini zonke, limi phambi kwesihlalo sobukhosi laphambi kweWundlu, lambethe ingubo ezimhlophe, liphethe ingatsha zamalala ezandleni,