Isambulo 22:18 - iBhayibhili Elingcwele 1978

¹⁸ Ngiyabaxwayisa bonke abawezwayo amazwi esiprofethi alotshiweyo kulincwadi. Uba umuntu esengezelela kuwo, uNkulunkulu uzakwengezelela kuye izifo ezilotshiweyo kulincwadi.

IBhayibhili Elingcwele LesiNdebele

¹⁸ Ngiyabaxwayisa bonke abezwa amazwi esiphrofethi sencwadi le: Nxa umuntu ezakwengeza olunye ulutho kuwo, uNkulunkulu uzazengeza kuye izifo ezibaliswe kule incwadi.

Isambulo 22:18 Mawu Ofanana

Izaga 30:6

Ungengezeleli emazwini akhe, funa akukhuze, ufunyaniswe wena ungoqamba amanga.

ULevi 26:18

Kodwa loba kunjalo, uba lingangilaleli, ngizabuya ngilitshaye kasikhombisa ngenxa yezono zenu,

ULevi 26:28

lami ngizakuhamba ngokuphambene lani ngilolaka, ngilitshaye kasikhombisa ngenxa yezono zenu.

ULevi 26:37

Bazakugwenxana kungathi babalekela impi, bengaxotshwa muntu. Kaliyikuba lamandla okumelana lezitha zenu.

UMatewu 15:13

Waphendula wathi: Zonke izihlahlakazana ezingahlanyelwanga nguBaba wasezulwini zizakusitshunwa.

Abase-Efesu 4:17

Ngakhoke ngiyaqinisa, ngifakaza lokhu eNkosini, ngithi lingabe lisahamba ngokuhamba kwabezizwe ebuzeni bengqondo yabo.

UDutheronomi 12:32

Gcinani kuhle konke engililaya khona, lingengezeleli lutho kukho, futhi lingaphunguli lutho kukho.

UDutheronomi 4:2

Kaliyikwengezelela lutho elizwini engililaya ngalo, lingaphunguli lutho kulo, ukuba ligcine imilayo yeNkosi uNkulunkulu wenu engililaya yona.

1 AbaseThesalonika 4:6

kakungabi khona loyedwa owonayo, aphambe umfowabo ngolutho, ngoba iNkosi ingumphindiseli kukho konke lokho, njengoba salitshela, saqinisa ngaphambili.

Isambulo 1:3

Ubusisiwe owafundayo amazwi alesisiprofethi, babusisiwe lalabo abezwayo bagcine okulotshiweyo kuso, ngoba isikhathi siseduze.

Isambulo 15:1

Ngasengibona esinye isibonakaliso ezulwini esikhulu lesimangalisayo, izithunywa eziyisikhombisa zilezifo eziyisikhombisa zokucina, ngoba lwapheleliswa ngazo ulaka lukaNkulunkulu.

Isambulo 15:6

kwaphuma ethempelini izithunywa eziyisikhombisa zilezifo eziyisikhombisa, zambethe okumhlophe kakhulu, lezifuba zazo zibotshwe ngamaqhele egolide.

Isambulo 19:20

Isilo sasesibanjwa kanye lomprofethi wamanga owenza izibonakaliso phambi kwaso, aduhisa ngazo labo ababelophawu lwesilo lalabo abakhonza umfanekiso waso; isilo lomprofethi wamanga kwaphoselwa echibini lomlilo elivutha isolufa.

Isambulo 20:10

loSathane owayeziduhisile waphoselwa echibini lomlilo lesolufa, lapho kukhona isilo lomprofethi wamanga; zizakuhlupheka khona emini lebusuku kuze kube nini lanini.

Isambulo 20:15

Uba ekhona ongafunyaniswanga elotshiwe encwadini yokuphila, waphoselwa echibini lomlilo.

Isambulo 22:10

Sathi kimi: Ungawenzi imfihlo amazwi esiprofethi alotshiweyo kulincwadi, ngoba isikhathi siseduze.

Isambulo 22:16

Mina Jesu ngisithumile isithunywa sami ukufakaza ngalezizinto kini emabandleni; ngiyimpande lenzalo kaDavida, indonsakusa ekhanyayo.

Isambulo 22:7

Khangela, ngiyeza masinyane. Ubusisiwe owagcinayo amazwi esiprofethi alotshiweyo kulincwadi.

Isambulo 22:9

Kodwa sathi kimi: Musa ukukwenza lokhu; ngiyinceku kanye lawe labazalwane bakho abaprofethi lalabo abagcina amazwi alincwadi. Khonza uNkulunkulu.

Isambulo 3:14

Lakuso isithunywa sebandla eliseLawodikeya loba uthi: Nanku akutshoyo uAmeni, ufakazi othembekileyo loqotho, umqalisi wokudaliweyo konke kukaNkulunkulu,