Isambulo 22:10 - iBhayibhili Elingcwele 1978

¹⁰ Sathi kimi: Ungawenzi imfihlo amazwi esiprofethi alotshiweyo kulincwadi, ngoba isikhathi siseduze.

IBhayibhili Elingcwele LesiNdebele

¹⁰ Yabuya yathi kimi, “Ungawagciki amazwi esiphrofethi sencwadi le, ngoba isikhathi sesiseduze.

Isambulo 22:10 Mawu Ofanana

U-Isaya 13:6

Lilani, ngoba usuku lweNkosi lusondele; njengokuchitheka okuvela kuSomandla luzakufika.

U-Isaya 8:16

Abafundi bami kabagoqe umqulu wobufakazi, banameke imfundiso yami.

UHezekhiyeli 12:23

Batshele uthi: INkosi uNkulunkulu ithi: Ngizasiqeda lesisaga, kabasayikusisebenzisa koIsrayeli. Uthi kibo: Insuku zisondele, kanye lokugcwaliseka kwemibono yonke.

UDanyeli 12:4

Kodwa, wena Daniyeli, vala amazwi, unameke incwadi, kuze kube sesikhathini sokuphela. Abanengi bazazula baye le lale, lobubi buzabalokhu busanda.

UDanyeli 12:9

Wathi: Hamba kuhle, Daniyeli, ngoba amazwi avaliwe, ananyekwa kuze kube yisikhathi sokuphela.

UDanyeli 8:26

Umbono wezikhathi zokuhlwa lezokusa osulandisiwe uliqiniso. Kodwa kawube yimfihlo, ngoba ungowensuku ezinengi ezizayo.

UMatewu 10:27

Lokho engikutsho kini emnyameni, kukhulumeni ekukhanyeni; lalokho elikuzwa kunyenyezwa, kutshumayeleni phezu kwezindlu.

AbaseRoma 13:11

Langaphandle kwalokhu yazini ukuthi lesisikhathi sinjani; yisikhathi sokuba livuke ebuthongweni. Ngoba ukusiliswa kwethu sekusondele kithi khathesi kulalesosikhathi esaqala ukukholwa ngaso.

AbaseRoma 13:12

Ubusuku sebudlulile, sekuzakusa. Ngakhoke asilahle imisebenzi yomnyama, sihlome izikhali zokukhanya.

2 AbaseThesalonika 2:3

Kakungabi khona umuntu olikhohlisayo langayiphi indlela; ngoba kaluyikufika lolosuku, kungakaveli ukuvukela uNkulunkulu kuqala, kwambulwe oMubi, indodana yokulahlwa,

1 UPhethro 4:7

Ukuphela kwezinto zonke sekusondele. Ngakho zikhuzeni, liqonde, likhuleke.

Isambulo 1:11

Lokho okubonayo kulobe encwadini, uyithumele emabandleni ayisikhombisa, kwelaseEfesu lelaseSemerna lelasePergamo lelaseTiyathira lelaseSardisi lelaseFiladelfiya lelaseLawodikeya.

Isambulo 1:3

Ubusisiwe owafundayo amazwi alesisiprofethi, babusisiwe lalabo abezwayo bagcine okulotshiweyo kuso, ngoba isikhathi siseduze.

Isambulo 10:4

Kwathi imidumo eyisikhombisa isizwakele, ngasengizakuloba; kodwa ngezwa ilizwi livela ezulwini lisithi: Kwenze imfihlo okukhulunywe yimidumo eyisikhombisa, ungakulobi.

Isambulo 22:16

Mina Jesu ngisithumile isithunywa sami ukufakaza ngalezizinto kini emabandleni; ngiyimpande lenzalo kaDavida, indonsakusa ekhanyayo.

Isambulo 22:18

Ngiyabaxwayisa bonke abawezwayo amazwi esiprofethi alotshiweyo kulincwadi. Uba umuntu esengezelela kuwo, uNkulunkulu uzakwengezelela kuye izifo ezilotshiweyo kulincwadi.

Isambulo 22:20

Ofakaza ngalezizinto uthi: Impela ngiyeza masinyane. Ameni. Woza Nkosi Jesu!

Isambulo 22:7

Khangela, ngiyeza masinyane. Ubusisiwe owagcinayo amazwi esiprofethi alotshiweyo kulincwadi.

Isambulo 22:9

Kodwa sathi kimi: Musa ukukwenza lokhu; ngiyinceku kanye lawe labazalwane bakho abaprofethi lalabo abagcina amazwi alincwadi. Khonza uNkulunkulu.

Isambulo 5:1

Ngasengibona esandleni sokunene sakhe owayehlezi esihlalweni sobukhosi incwadi elotshwe ngaphakathi langaphandle, inanyekiwe ngempawu eziyisikhombisa.