Isambulo 21:23 - iBhayibhili Elingcwele 1978

²³ Umuzi kawudingi ilanga lenyanga ukuba kukhanyise kuwo, ngoba inkazimulo kaNkulunkulu iyawukhanyisa, leWundlu liyisibane sawo.

IBhayibhili Elingcwele LesiNdebele

²³ Idolobho kalisweli langa loba inyanga yokukhanyisa kulo ngoba inkazimulo kaNkulunkulu ilinika ukukhanya leWundlu liyisibane salo.

Isambulo 21:23 Mawu Ofanana

AmaHubo 84:11

Ngoba iNkosi uNkulunkulu ililanga lesihlangu, iyaphana ngomusa lodumo; kayibancitshi labo abahamba ngobuqotho.

U-Isaya 2:10

Ngenani ezimbalwini, licatshele emihomeni ukwesabeka kweNkosi, lodumo, lobukhosi bayo.

U-Isaya 2:19

Abantu bazangena ezimbalwini zamadwala lasemihomeni yomhlaba, ngenxa yokwesaba iNkosi langenxa yodumo lobukhosi bayo, lapho ivuka ukunyikinya umhlaba.

U-Isaya 2:21

ukuze bangene embalwini zamadwala lezingoxweni zamawa, ngenxa yokwesaba iNkosi langenxa yodumo lobukhosi bayo, lapho ivuka ukunyikinya umhlaba.

U-Isaya 24:23

Laphoke inyanga izathuba, lelanga lifiphale, ngoba iNkosi yamabandla izabusa entabeni yaseZiyone laseJerusalema, ibonakalise inkazimulo yayo phambi kwezikhulu zayo.

U-Isaya 30:26

Futhi ukukhanya kwenyanga kuzakuba njengokukhanya kwelanga, lokukhanya kwelanga kuphindwe kasikhombisa, kube ngangokukhanya kwensuku eziyisikhombisa, mhla iNkosi ibopha amanxeba abantu bayo, ipholisa izilonda zemivimvinya yabo.

UHabhakhukhi 3:3

UNkulunkulu wavela eTemani, oNgcwele wavela entabeni yaseParani. Inkazimulo yakhe yasibekela amazulu, umhlaba wagcwala indumiso yakhe.

UMatewu 16:27

Ngoba iNdodana yomuntu izakuza ngenkazimulo kaYise kanye lezithunywa; kung’khona izakuvuza ilowo lalowo njengokwenza kwakhe.

UMakho 8:38

Ngoba ilowo lalowo olenhloni ngami langamazwi ami kulesisizukulwana esifebayo lesonakeleyo, leNdodana yomuntu izakuba lenhloni ngaye, nxa isiza enkazimulweni kaYise kanye lezithunywa ezingcwele.

ULukha 2:32

ukukhanya kokwambulela abezizwe lenkazimulo yesizwe sakho uIsrayeli.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 1:18

Kakho owake wabona uNkulunkulu; iNdodana ezelwe yodwa esesifubeni sikaYise yiyo emvezileyo.

UJohane 1:4

Ukuphila kwakukuye, ukuphila kwakuyikukhanya kwabantu.

UJohane 1:9

Ukukhanya okuqinisileyo okukhanyisa wonke umuntu, kwasekusiza emhlabeni.

UJohane 17:24

Baba, ngithanda ukuba labo onginike bona labo babe kanye lami lapho ngikhona, ukuze babone inkazimulo yami onginike yona; ngoba wangithanda kungakadatshulwa umhlaba.

UJohane 5:23

ukuze bonke badumise iNdodana, njengalokhu bedumisa uYise. Ongayidumisiyo iNdodana kamdumisi uYise oyithumileyo.

Imisebenzi 22:11

Njengokuba ngangingasaboni ngenxa yenkazimulo yalokhokukhanya, ngadonswa ngesandla yilabo ababelami, ngafika eDamaseko.

Isambulo 14:4

Labo yibo abangangcoliswanga yisifazana, ngoba bazigcina behlambululukile; yibo abalandela iWundlu loba lisiya ngaphi. Labo bahlengwa ebantwini, baba yizithelo zokuqala kuNkulunkulu lakulo iWundlu.

Isambulo 18:1

Emva kwalokho ngabona esinye isithunywa sisehla sivela ezulwini, silamandla amakhulu, lomhlaba wakhanyiswa yikukhazimula kwaso.

Isambulo 21:11

ulenkazimulo kaNkulunkulu; ukukhanya kwawo kwakunjengelitshe elihle kakhulu elinjengelitshe elithiwa ijaspi, elicwazimula kakhulu.

Isambulo 21:25

Lamasango awo kawasoze avalwe emini; kakuyikuba khona ubusuku lapho.

Isambulo 22:5

Ubusuku kabusayikuba khona; kazidingi ukukhanya kwesibane loba okwelanga, ngoba iNkosi uNkulunkulu izakuba yikukhanya kwazo; zizakubusa kuze kube nini lanini.

Isambulo 5:6

Ngasengibona phakathi kwesihlalo sobukhosi lezidalwa ezine eziphilayo langaphakathi kwabadala iWundlu limi kungathi lihlatshiwe, lilempondo eziyisikhombisa lamehlo ayisikhombisa okungomoya abayisikhombisa bakaNkulunkulu, abathunyelwe kuwo wonke umhlaba.

Isambulo 7:17

ngoba iWundlu elingaphakathi kwesihlalo sobukhosi lizakuba ngumalusi wabo, libaholele emithonjeni yamanzi okuphila; loNkulunkulu uzakwesula inyembezi zonke emehlweni abo.