Isambulo 20:4 - iBhayibhili Elingcwele 1978

⁴ Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

IBhayibhili Elingcwele LesiNdebele

⁴ Ngabona izihlalo zobukhosi okwakuhlezi kuzo labo ababephiwe amandla okwahlulela. Ngabona imiphefumulo yalabo ababequnywe amakhanda ngenxa yobufakazi bukaJesu langenxa yelizwi likaNkulunkulu. Babengasikhonzanga isilo loba umfanekiso waso njalo bengabekwanga uphawu lwaso emabunzini abo loba ezandleni zabo. Bavuka baphila njalo babusa loKhristu iminyaka eyinkulungwane.

Isambulo 20:4 Mawu Ofanana

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UDanyeli 7:18

Kodwa abangcwele boPhezukonke bazakwamukeliswa umbuso, ube ngowabo kuze kube nininini.

UDanyeli 7:22

kwaze kwafika oyisimakade, wabahlulela abangcwele boPhezukonke; kwafika isikhathi sokuba abangcwele bamukeliswe umbuso.

UDanyeli 7:27

Amandla lobukhulu bemibuso yonke engaphansi komthunzi welanga kuzanikwa abantu abangcwele boPhezukonke. Ukubusa kwabo kakuyikuphela, layo yonke imibuso izakubakhonza ibalalele.

UDanyeli 7:9

Ngisakhangele, kwabekwa izihlalo zobukhosi, kwahlala oyisimakade; izambatho zakhe zazimhlophe njengongqoqwane, lenwele zekhanda lakhe zinjengoboya bezimvu obuhlambulukileyo; isihlalo sakhe sobukhosi singamalangabi omlilo, lamavili aso enjengomlilo ovuthayo.

UMalaki 4:5

Khangelani, ngizalithumela umprofethi uElija lungakafiki usuku lweNkosi olukhulu lolwesabekayo.

UMatewu 19:28

UJesu wathi kubo: Ngiqinisile ngithi kini: Lina elingilandeleyo, elizweni elizayo lapho iNdodana yomuntu isihlezi esihlalweni sobukhosi bayo, lani lizakuhlala ezihlalweni zobukhosi ezilitshumi lambili lithonisise izizwe ezilitshumi lambili zakoIsrayeli.

UMatewu 24:10

Abanengi bazakukhubeka, banikelane, bazondane.

UMakho 6:16

Kodwa uHerodi esizwa wathi: NguJohane engamquma ikhanda, uvukile.

UMakho 6:27

Inkosi yathuma masinyane omunye webutho, yamlaya ukuba alethe ikhanda likaJohane. Wahamba, wamquma ikhanda entolongweni.

UMakho 9:11

Basebembuza besithi: Batsholani ababhali ukuthi uElija ufanele ukufika kuqala na?

ULukha 1:17

Uzakuhamba phambi kwayo emoyeni lasemandleni kaElija ukuphendulela inhliziyo zaboyise kubantwana, lokuphendulela abangalaleliyo ekuhlakanipheni kwabalungileyo, lokulungisela iNkosi isizwe esilungisiweyo.

ULukha 14:14

uzakubusiswa, ngoba bangekwenanisele; uzakwenaniselwa ekuvukeni kwabafileyo.

ULukha 22:30

lami ngilimisele ukuba lidle, linathe etafuleni yami embusweni wami; lokuba lihlale ezihlalweni zobukhosi, lithonisise izizwe ezilitshumi lambili zakoIsrayeli.

UJohane 14:19

Ngesikhatshana umhlaba kawusayikungibona, kodwa lina lizangibona; ngoba ngiyaphila, lani lizakuphila.

AbaseRoma 11:15

Ngoba uba ukulahlwa kwabo kuyikubuyiswa komhlaba, ukwamukelwa kwabo kungaba yini na? Kungaba yikuphila kwabafileyo!

AbaseRoma 8:17

uba singabantwana, siyizindlalifa futhi, izindlalifa zikaNkulunkulu lezindlalifa kanye loKristu, uba phela sihlupheka kanye laye ukuze sidunyiswe kanye laye.

2 uTimothi 2:12

uba sabekezela, sizakubusa kanye laye; uba simphika, laye uzakusiphika;

Isambulo 1:2

owafakazela ilizwi likaNkulunkulu lobufakazi bukaJesu Kristu lakukho konke akubonayo.

Isambulo 1:9

Mina Johane, umzalwane wenu lohlanganyela kanye lani ekuhluphekeni lasembusweni lasekubekezeleni esilakho kuJesu, ngangisesihlengeni esithiwa yiPatmosi ngenxa yelizwi likaNkulunkulu langenxa yokufakazela uJesu.

Isambulo 11:11

Kwathi emva kwalezonsuku ezintathu ezilengxenye yosuku umoya wokuphila ovela kuNkulunkulu wangena kibo; basebesukuma besima ngenyawo zabo, abababonayo behlelwa yikwesaba okukhulu.

Isambulo 11:15

Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.

Isambulo 11:3

Ngizakubanika ofakazi bami ababili amandla okutshumayela insuku eziyinkulungwane lamakhulu amabili lamatshumi ayisithupha begqoke amasaka.

Isambulo 11:7

Kuzakuthi sebebuqedile ubufakazi babo, isilo esiphuma emgodini ongelamkhawulo silwe labo, sibanqobe, sibabulale.

Isambulo 12:11

Bamnqobile ngegazi leWundlu langelizwi lobufakazi babo, ngoba badela ukuphila kwabo kwaze kwaba sekufeni.

Isambulo 14:11

Lentuthu yomlilo wokuhlutshwa kwabo ithunqa kuze kube nininini; kabalakuphumula emini lebusuku laba abakhonza isilo lomfanekiso waso, lalowo obekwe uphawu lwebizo laso.

Isambulo 15:2

Ngabona okungathi lulwandle lwengilazi luxubene lomlilo, lalabo abasebesinqobile isilo lomfanekiso waso lesibalo sebizo laso bemi eceleni kolwandle lwengilazi, bephethe amachacho kaNkulunkulu.

Isambulo 17:8

Isilo osibonileyo sikhona, kasisekho; kodwa sizakuphuma emgodini ongelamkhawulo, siye ekubhujisweni. Labakhileyo emhlabeni, abamabizo abo angabhalwanga encwadini yokuphila kusukela ekudatshulweni komhlaba, bazakumangala ukubona ukuthi isilo sasikhona, kasisekho, kanti sizakuba khona.

Isambulo 2:26

Onqobayo logcina imisebenzi yami kuze kube sekupheleni ngizakumnika amandla phezu kwezizwe,

Isambulo 20:6

Ubusisiwe, ungcwele olesabelo ekuvukeni kokuqala; phezu kwabanjalo ukufa kwesibili kakulamandla, kodwa bazakuba ngabapristi bakaNkulunkulu labakaKristu, bazakubusa kanye laye iminyaka eyinkulungwane.

Isambulo 22:5

Ubusuku kabusayikuba khona; kazidingi ukukhanya kwesibane loba okwelanga, ngoba iNkosi uNkulunkulu izakuba yikukhanya kwazo; zizakubusa kuze kube nini lanini.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.

Isambulo 4:4

Izihlalo zobukhosi ezingamatshumi amabili lane zazihanqe lesosihlalo sobukhosi; phezu kwazo kwakuhlezi abadala abangamatshumi amabili lane bembethe ingubo ezimhlophe, bethwele imiqhele emakhanda abo.

Isambulo 6:9

Lalapho livula uphawu lwesihlanu, ngabona ngaphansi kwealtare imiphefumulo yalabo ababebulewe ngenxa yelizwi likaNkulunkulu langenxa yobufakazi ababelabo.

Isambulo 7:3

sisithi: Lingoni umhlaba lolwandle lezihlahla, size sibeke uphawu lukaNkulunkulu wethu emabunzini ezinceku zakhe.