Isambulo 20:12 - iBhayibhili Elingcwele 1978

¹² Ngabona abafileyo, abakhulu labancinyane, bemi phambi kwesihlalo sobukhosi; lezincwadi zavulwa. Kwavulwa lenye incwadi eyincwadi yokuphila. Abafileyo bahlulelwa ngalokhu okwakulotshiwe ezincwadini langalokho ababekwenzile.

IBhayibhili Elingcwele LesiNdebele

¹² Ngasengibona abafileyo, abancane labakhulu, bemi phambi kwesihlalo sobukhosi, kwasekuvulwa izincwadi. Kwavulwa enye incwadi, eyincwadi yokuphila. Abafileyo bahlulelwa mayelana lalokho ababekwenzile okwakulotshwe ezincwadini.

Isambulo 20:12 Mawu Ofanana

AmaHubo 28:4

Ubanike njengokwenza kwabo, lanjengobubi bezenzo zabo; ubanike njengokwenza kwezandla zabo, ubaphindisele abakwenzileyo.

AmaHubo 62:12

lothando olungapheliyo lungolwakho, Nkosi; ngoba wena uyamphindisela umuntu njengokwenza kwakhe.

AmaHubo 69:28

Kabesulwe encwadini yabaphilayo, bangabalwa kanye labalungileyo.

Izaga 24:12

Uba usithi: Manje bengingakwazi lokho; uNkulunkulu ohlola inhliziyo kayikukubona lokho na? Yena okulondolozayo uyakwazi; uzaphindisela bonke abantu ngokwemisebenzi yabo.

Izaga 24:29

Ungathi: Ngizakwenza kuye njengokwenza kwakhe kimi; ngizamphindisela.

UmTshumayeli 12:14

Ngoba uNkulunkulu uzakwahlulela konke esikwenzayo layo yonke imfihlo, okuhle lokubi.

UJeremiya 17:10

Mina Nkosi ngiyahlola ingqondo, ngiyilinge inhliziyo, ukuba nginike wonke umuntu okufanele indlela zakhe, lokufanele izenzo zakhe.

UJeremiya 32:19

omkhulu ngokucabanga, lolamandla ekwenzeni, omehlo akho abona zonke indlela zabantu ukuba unike wonke umuntu umvuzo wendlela zakhe, lezenzo zakhe,

UDanyeli 7:10

Kwavela umkhonjwana womlilo, waphumela ngaphambi kwakhe. Inkulungwane zezinkulungwane zamkhonza, lezinkulungwane ezilitshumi zezinkulungwane ezilitshumi zema phambi kwakhe. Kwaba lokwahlulela, lezincwadi zavulwa.

UMatewu 11:22

Kodwa ngithi kini: Kuzakuba ngcono kulo iTire leSidoni ngosuku lokulahlwa kulakini.

UMatewu 16:27

Ngoba iNdodana yomuntu izakuza ngenkazimulo kaYise kanye lezithunywa; kung’khona izakuvuza ilowo lalowo njengokwenza kwakhe.

ULukha 10:20

Lingathokozi ngalokho okokuthi omoya bayalithobela, kodwa thokozani ngokuthi amabizo enu alotshiwe ezulwini.

Imisebenzi 24:15

ngilethemba kuNkulunkulu abalivumayo labo uqobo lwabo elokuthi kuzakuba khona ukuvuka kwabafileyo, okwabalungileyo labangalunganga.

AbaseRoma 2:6

ozakunika lowo lalowo ngokwemisebenzi yakhe.

1 AbaseKhorinte 4:5

Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.

2 AbaseKhorinte 5:10

Thina sonke simele ukuma phambi kwesihlalo sokuthonisisa sikaKristu, ukuze ilowo lalowo amukele njengalokhu akwenzileyo esemzimbeni, okuhle ingabe okubi.

AbaseFiliphi 4:3

Ngiyakuncenga lawe, mnakwethu oqotho, siza labo abesifazana, ngoba basebenza kakhulu kanye lami evangelini, kanye loKlementi lezinye izisebenzi amabizo azo asencwadini yokuphila.

Isambulo 11:18

Izizwe zathukuthela, kodwa lwafika ulaka lwakho. Ngakhoke sekuyisikhathi sokuthonisiswa kwabafileyo; sekuyisikhathi sokunikwa komvuzo ezincekwini abaprofethi, lasebantwini bakho abangcwele abahlonipha ibizo lakho, abakhulu labancinyane, isikhathi sokubhujiswa kwababhubhisa umhlaba.

Isambulo 13:8

Bonke abakhileyo emhlabeni bazakusikhonza, ngaphandle kwalabo amabizo abo alotshwa encwadini yokuphila yeWundlu elahlatshwayo, selokhu kwasukela ekudatshulweni komhlaba.

Isambulo 17:8

Isilo osibonileyo sikhona, kasisekho; kodwa sizakuphuma emgodini ongelamkhawulo, siye ekubhujisweni. Labakhileyo emhlabeni, abamabizo abo angabhalwanga encwadini yokuphila kusukela ekudatshulweni komhlaba, bazakumangala ukubona ukuthi isilo sasikhona, kasisekho, kanti sizakuba khona.

Isambulo 19:5

Kwasekuzwakala ilizwi livela esihlalweni sobukhosi lisithi: Mdumiseni uNkulunkulu wethu lina lonke zinceku zakhe, elimesabayo, abakhulu labancinyane.

Isambulo 2:23

ngizakubulala abantwana bakhe. Wonke amabandla azakwazi ukuthi nginguye ohlola ingqondo lenhliziyo, futhi ngizakumnika ilowo lalowo wenu ngokwemisebenzi yakhe.

Isambulo 20:11

Ngasengibona isihlalo sobukhosi esikhulu lesimhlophe lohlezi kuso; kwanyamalala ebusweni bakhe izulu lomhlaba, kakwaze kusaba khona.

Isambulo 20:13

Lolwandle lwabakhupha abafileyo ababekulo, ukuFa lendawo yabafileyo kwakhupha abafileyo ababekukho; bonke bahlulelwa ngalokho ababekwenzile.

Isambulo 20:15

Uba ekhona ongafunyaniswanga elotshiwe encwadini yokuphila, waphoselwa echibini lomlilo.

Isambulo 21:27

Kodwa kakusoze kwangena ulutho olungcolileyo kuwo kanye loyedwa owenza amanyala lenkohliso, kuphela abalotshiweyo encwadini yokuphila yeWundlu.

Isambulo 22:12

Khangela, ngiyeza masinyane, ngilomvuzo wami ukunika lowo lalowo njengemisebenzi yakhe.

Isambulo 3:5

Onqobayo uzakwambathiswa ngokunjalo ingubo ezimhlophe; kangiyikulesula ibizo lakhe encwadini yokuphila, ngoba ngizakulivuma phambi kukaBaba laphambi kwezithunywa zakhe.