Isambulo 20:11 - iBhayibhili Elingcwele 1978

¹¹ Ngasengibona isihlalo sobukhosi esikhulu lesimhlophe lohlezi kuso; kwanyamalala ebusweni bakhe izulu lomhlaba, kakwaze kusaba khona.

IBhayibhili Elingcwele LesiNdebele

¹¹ Ngabuya ngabona isihlalo sobukhosi esikhulu kanye lalowo owayehlezi kuso. Umhlaba lomkhathi kwabaleka phambi kwakhe, akwaze kwaba lendawo yakho.

Isambulo 20:11 Mawu Ofanana

UGenesisi 18:25

Kakube khatshana lawe ukwenza njalo, ukubulala olungileyo kanye lomubi ukuba olungileyo abe njengomubi; kakube khatshana lawe impela; umahluleli womhlaba wonke kayikwenza ukulunga na?

UJobe 9:6

Unyikinya umhlaba, awususe endaweni yawo, kunyikinyeke lensika zawo,

AmaHubo 102:26

Kuzakuphela lokho, kodwa wena umi njalonjalo. Kuzakuguga konke njengengubo, wena uzakukulahla njengengubo, kuphele;

AmaHubo 47:8

UNkulunkulu uyabusa izizwe; uNkulunkulu uhlezi esihlalweni sakhe esingcwele sobukhosi.

AmaHubo 89:14

Ukulunga lokwahlulela kuyisisekelo sombuso wakho; uthando olungapheliyo lobuqotho kuhamba phambi kwakho.

AmaHubo 97:2

Iphahliwe ngamayezi lomnyama; ukulunga lokwahlulela kuyisisekelo sesihlalo sayo sobukhosi.

U-Isaya 6:1

Ngomnyaka wokufa kwenkosi uUziya ngayibona iNkosi uNkulunkulu ihlezi esihlalweni sobukhosi esiphezulu lesiphakemeyo; umsila wengubo yayo wagcwalisa ithempeli.

UDanyeli 2:35

Kwathi insimbi lebumba lethusi lesiliva legolide, konke kwaba yizicucu, kwafanana lomule lwesiza ehlobo. Kwaphetshulwa ngumoya, kwanyamalala, kakwaze kwasala lutho lwakho. Kodwa ilitshe elatshaya isithombe laba yintaba enkulu, lagcwalisa umhlaba wonke.

UDanyeli 7:10

Kwavela umkhonjwana womlilo, waphumela ngaphambi kwakhe. Inkulungwane zezinkulungwane zamkhonza, lezinkulungwane ezilitshumi zezinkulungwane ezilitshumi zema phambi kwakhe. Kwaba lokwahlulela, lezincwadi zavulwa.

UMatewu 11:22

Kodwa ngithi kini: Kuzakuba ngcono kulo iTire leSidoni ngosuku lokulahlwa kulakini.

UMatewu 24:35

Izulu lomhlaba kuzakudlula, kodwa amazwi ami kawayikudlula.

UMatewu 25:31

Nxa isifikile iNdodana yomuntu ngobukhosi bayo kanye lezithunywa zonke, kung’khona izakuhlala esihlalweni sayo sobukhosi;

AbaseRoma 2:5

Kodwa ngobulukhuni benhliziyo yakho engaphendukiyo uzibekelela ulaka ngosuku lolaka, mhla kusambulwa ukuthonisisa okulungileyo kukaNkulunkulu

2 UPhethro 3:7

Izulu lomhlaba okukhona khathesi kubekelwe umlilo ngalona lelolizwi, kulindele usuku lokulahlwa lokubhujiswa kwabantu abeyisa uNkulunkulu.

Isambulo 12:8

kodwa wehlulwa, lendawo yawo kayabe isaba khona ezulwini.

Isambulo 16:20

Izihlenge zonke zabaleka, lentaba zanyamalala.

Isambulo 19:11

Ngasengibona izulu livulekile; ngabona ibhiza elimhlophe, oligadileyo ubizwa ngokuthi ngoThembekileyo loQotho; ngoba uthonisisa, alwe ngokulunga.

Isambulo 20:2

Sawubamba umgobho, inyoka enguSathane loMubi, sawubopha okweminyaka eyinkulungwane;

Isambulo 21:1

Ngasengibona izulu elitsha lomhlaba omutsha; ngoba izulu lokuqala lomhlaba wokuqala kwasekudlulile, lolwandle lungasekho.

Isambulo 21:5

Wasesithi ohlezi esihlalweni sobukhosi: Khangela, ngenza konke kube kutsha. Wathi: Bhala lokhu, ngoba lamazwi aqinisile aqotho.

Isambulo 4:2

Masinyane ngehlelwa nguMoya; ngabona isihlalo sobukhosi simi ezulwini, ngabona ohlezi phezu kwesihlalo sobukhosi.

Isambulo 6:14

lomkhathi wagoqeka njengomqulu wencwadi egoqwayo, lezintaba lezihlenge zonke zasuswa endaweni zazo.