Isambulo 2:9 - iBhayibhili Elingcwele 1978

⁹ Ngiyakwazi ukuhlupheka kwakho lobuyanga bakho — kanti wena unothile — lenhlamba yalabo abathi bangabaJuda, bona bengesibo, kodwa beyisinagoge likaSathane.

IBhayibhili Elingcwele LesiNdebele

⁹ Ngiyazazi inhlupheko zakho kanye lobuyanga bakho, kanti-ke unothile! Ngiyakwazi ukuhlambaza kwalabo abathi bangamaJuda bengayisiwo, kodwa beyisinagogu kaSathane.

Isambulo 2:9 Mawu Ofanana

UMatewu 4:10

UJesu wasesithi kuye: Suka, Sathane! ngoba kulotshiwe ukuthi: Wokhuleka eNkosini uNkulunkulu wakho, umkhonze yena yedwa.

ULukha 12:21

Kunjaloke kozibekela inotho yena enganothanga kuNkulunkulu.

ULukha 22:65

Akhuluma lokunye okunengi emthuka.

ULukha 4:18

UMoya weNkosi uphezu kwami, ngoba ingigcobile ukuba ngitshumayele indaba ezinhle kubayanga, ingithumile ukumemezela ukukhululwa kwabathunjiweyo, lokubona kwabayiziphofu, lokukhulula ababandezelweyo,

ULukha 6:20

Wasekhangela ngakubafundi bakhe, wathi: Libusisiwe lina bayanga, ngoba umbuso kaNkulunkulu ungowenu.

UJohane 16:33

Ngikhulume lokhu kini ukuba libe lokuthula kimi. Emhlabeni lizakuba losizi, kodwa manini isibindi, mina ngiwunqobile umhlaba.

Imisebenzi 14:22

beqinisa imimoya yabafundi bebaluleka ukuba babambelele ekukholweni, besithi: Simele ukungena embusweni kaNkulunkulu ngenhlupheko ezinengi.

Imisebenzi 26:11

Ngabatshaya emasinagogeni wonke, ngazama ukubenza bahlambaze uKristu; ngahlanya kakhulu ngabo, ngabazingela kwaze kwafika emizini yabezizwe.

AbaseRoma 12:12

Thokozani ethembeni; libekezele ekuhluphekeni; liphikelele ekukhulekeni.

AbaseRoma 2:17

Kodwa wenake, uba usithi ungumJuda, uba uthemba umlayo, uzincoma ngoNkulunkulu,

AbaseRoma 5:3

Kakusikho lokhu kuphela; futhi asithokoze langenhlupheko zethu sazi ukuthi ukuhlupheka kuveza ukuphikelela,

AbaseRoma 8:35

Kuyini okuzakusahlukanisa lothando lukaKristu na? Yikuhlupheka, losizi, lokuzingelwa, lendlala, lokuhambaze, lengozi loba umkhonto na?

AbaseRoma 9:6

Kodwa kangitsho ukuthi ilizwi likaNkulunkulu lahlulekile. Ngoba kakusibo bonke abazalwa nguIsrayeli abangabakoIsrayeli,

2 AbaseKhorinte 6:10

njengabalosizi, kanti siyathokoza njalonjalo; njengabayanga, kanti sinothisa abanengi; njengabangelalutho, kanti silakho konke.

2 AbaseKhorinte 8:2

ukuthi ekulingweni okukhulu ngezinhlupheko ezingaka ukuthokoza kwawo kube kukhulu, aze aphana ngokupheleleyo ebuyangeni bawo obukhulu.

2 AbaseKhorinte 8:9

Ngoba liyawazi umusa weNkosi yethu uJesu Kristu ukuthi, lanxa wayenothile, waba ngumyanga ngenxa yenu, ukuze ngobuyanga bakhe linothe lina.

1 AbaseThesalonika 3:4

Ngoba kwathi siselani, salitshela ngaphambili ukuthi sizakuhlupheka, njengoba kwaba njalo, lani liyakwazi.

1 uTimothi 1:13

loba ngangikade ngingomhlambazayo, lomzingelayo, lomthukayo. Kodwa ngahawukelwa ngoba ngangikwenza ngokungazi, ngokungakholwa;

1 uTimothi 6:18

Kabenze okuhle banothe ngemisebenzi emihle, baphane babelane,

Isambulo 1:9

Mina Johane, umzalwane wenu lohlanganyela kanye lani ekuhluphekeni lasembusweni lasekubekezeleni esilakho kuJesu, ngangisesihlengeni esithiwa yiPatmosi ngenxa yelizwi likaNkulunkulu langenxa yokufakazela uJesu.

Isambulo 2:13

uthi: Ngiyazi lapho wakhe khona, lapho kukhona isihlalo sobukhosi sikaSathane; kanti ubambelele ebizweni lami, kawuphikanga ukukholwa kwakho lasensukwini zikaAntipasi, ufakazi wami othembekileyo, owabulawelwa phakathi kwenu lapho uSathane ahlala khona.

Isambulo 2:2

uthi: Ngiyayazi imisebenzi yakho, lemizamo yakho, lokubekezela kwakho, lokuthi kawulakubamela ababi, lokuthi ubahlolile labo abazitsho ukuthi bangabaphostoli, bona bengeyisibo, wabafumana beqamba amanga.

Isambulo 2:24

Khathesi sengikhuluma lani eliseleyo eTiyathira, elingabambelelanga kulokhukufundisa, elingakwaziyo okuzikileyo kukaSathane; kangilethwesi omunye umthwalo;

Isambulo 3:9

Khangela, ngizakwenza labo abesinagoge likaSathane, abathi bangabaJuda kodwa beqamba amanga, beze baguqe ngasezinyaweni zakho; bazakwazi ukuthi lingabantu bami abathandekayo.

Isambulo 7:14

Ngasengisithi kuye: Nkosi, nguwe owaziyo. Wasesithi kimi: Laba yibo abaphuma ezinhluphekweni ezinkulu, bagezisa ingubo zabo, bazenza zaba mhlophe egazini leWundlu.