Isambulo 2:26 - iBhayibhili Elingcwele 1978

²⁶ Onqobayo logcina imisebenzi yami kuze kube sekupheleni ngizakumnika amandla phezu kwezizwe,

IBhayibhili Elingcwele LesiNdebele

²⁶ Lowo onqobayo esenza intando yami kuze kube sekupheleni ngizamnika amandla phezu kwezizwe,

Isambulo 2:26 Mawu Ofanana

AmaHubo 2:8

Cela kimi, ngizakukunika izizwe zibe yilifa lakho, lomhlaba wonke ube ngowakho.

AmaHubo 2:9

Uzakuzaphula ngentonga yensimbi, uziphahlaze njengembiza yebumba.

AmaHubo 49:14

bamiselwe indawo yabafileyo njengezimvu, ukufa kuzabelusa; abaqotho bazababusa kusasa, imizimba yabo iphelele endaweni yabafileyo ezakuba likhaya labo.

UDanyeli 7:18

Kodwa abangcwele boPhezukonke bazakwamukeliswa umbuso, ube ngowabo kuze kube nininini.

UDanyeli 7:22

kwaze kwafika oyisimakade, wabahlulela abangcwele boPhezukonke; kwafika isikhathi sokuba abangcwele bamukeliswe umbuso.

UDanyeli 7:27

Amandla lobukhulu bemibuso yonke engaphansi komthunzi welanga kuzanikwa abantu abangcwele boPhezukonke. Ukubusa kwabo kakuyikuphela, layo yonke imibuso izakubakhonza ibalalele.

UMatewu 10:22

Lizakuzondwa yibo bonke ngenxa yebizo lami; kodwa ophikelelayo kuze kube sekupheleni nguye ozakusiliswa.

UMatewu 19:28

UJesu wathi kubo: Ngiqinisile ngithi kini: Lina elingilandeleyo, elizweni elizayo lapho iNdodana yomuntu isihlezi esihlalweni sobukhosi bayo, lani lizakuhlala ezihlalweni zobukhosi ezilitshumi lambili lithonisise izizwe ezilitshumi lambili zakoIsrayeli.

UMatewu 24:13

Kodwa ophikelelayo kuze kube sekupheleni nguye ozakusiliswa.

UJohane 6:29

UJesu wabaphendula wathi: Umsebenzi kaNkulunkulu yiwo lo ukuba likholwe kuye amthumileyo.

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

AbaseRoma 8:37

Kodwa kulokhu konke silokunqoba okukhulu ngaye owasithandayo.

1 AbaseThesalonika 3:5

Ngenxa yalokhu, ngingaselamandla okubekezela, ngathumela ukuba ngazi ukukholwa kwenu, ngoba ngesaba ukuthi mhlawumbe umlingi ulilingile, lokuthi umsebenzi wethu ube yize.

AmaHebheru 3:6

kodwa uKristu uthembekile phezu kwendlu kaNkulunkulu njengendodana. Thina siyindlu yakhe, uba sihlala silesibindi siziqhenya ngethemba lethu.

UJakhobe 2:20

Sithuthandini, uyathanda ukwazi ukuthi ukukholwa okungelamisebenzi kuyize na?

1 UJohane 2:19

Baphuma kithi, kodwa babengesibo abakithi; ngoba uba babengabakithi ngabe bahlala lathi; kodwa baphuma ukuze babonakalise ukuthi kabasibo bonke abakithi.

1 UJohane 3:23

Yilo umlayo wakhe, ukuba sikholwe ebizweni leNdodana yakhe uJesu Kristu, lokuba sithandane, njengalokhu esilayile.

1 UJohane 5:5

Ngubani onqoba umhlaba uba kungesuye okholwa ukuthi uJesu uyiNdodana kaNkulunkulu na?

Isambulo 2:11

Olendlebe kezwe lokho akutshoyo uMoya emabandleni. Onqobayo kasoze alinyazwa yikufa kwesibili.

Isambulo 2:17

Olendlebe kezwe lokho akutshoyo uMoya emabandleni. Onqobayo ngizakumnika enye imana kwefihliweyo, ngimnike lelitshe elimhlophe okulotshwe kulo ibizo elitsha elingaziwa muntu, kuphela lowo olamukelayo.

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

Isambulo 21:7

Onqobayo uzakudla ilifa lalezizinto; ngizakuba nguNkulunkulu wakhe, yena abe yindodana yami.

Isambulo 22:5

Ubusuku kabusayikuba khona; kazidingi ukukhanya kwesibane loba okwelanga, ngoba iNkosi uNkulunkulu izakuba yikukhanya kwazo; zizakubusa kuze kube nini lanini.

Isambulo 3:12

Onqobayo ngizakumenza insika ethempelini likaNkulunkulu wami, kasoze aphuma kulo; ngizakuloba ibizo likaNkulunkulu wami phezu kwakhe, lebizo lomuzi kaNkulunkulu wami iJerusalema elitsha elehla livela kuNkulunkulu wami ezulwini, lebizo lami elitsha.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.

Isambulo 3:5

Onqobayo uzakwambathiswa ngokunjalo ingubo ezimhlophe; kangiyikulesula ibizo lakhe encwadini yokuphila, ngoba ngizakulivuma phambi kukaBaba laphambi kwezithunywa zakhe.