Isambulo 2:2 - iBhayibhili Elingcwele 1978

² uthi: Ngiyayazi imisebenzi yakho, lemizamo yakho, lokubekezela kwakho, lokuthi kawulakubamela ababi, lokuthi ubahlolile labo abazitsho ukuthi bangabaphostoli, bona bengeyisibo, wabafumana beqamba amanga.

IBhayibhili Elingcwele LesiNdebele

² Ngiyazazi izenzo zakho lokusebenza kwakho nzima kanye lokubekezela kwakho. Ngiyakwazi ukuthi awungeke ubabekezelele abantu abaxhwalileyo lokuthi ubahlolile labo abathi bangabapostoli, kodwa bengayisibo, njalo wabafumana bengabalamanga.

Isambulo 2:2 Mawu Ofanana

AmaHubo 1:6

ngoba iNkosi iyayinanzelela indlela yabalungileyo, kodwa indlela yababi izakubhubha.

UMatewu 7:23

Kubeng’khonake ngizakuthi kibo: Angizanga ngilazi; sukani kimi lina benzi bokubi.

UJohane 6:6

Watsho lokhu emlinga, ngoba yena wayekwazi azakukwenza.

AbaseGalathiya 1:7

kungesilo elinye, kodwa bakhona abalididayo bethanda ukuhlanekela ivangeli likaKristu.

Abase-Efesu 4:14

Ngakhoke kasingabe sisaba ngabantwana abazuliswa bethwalwa yimimoya yonke yokufundisa, sikhohliswa ngabantu ngobuqili babo obulamacebo aduhisayo.

1 AbaseThesalonika 1:3

sikhumbula phambi kukaNkulunkulu wethu uBaba izenzo zenu zokukholwa, lomsebenzi wenu wothando, lokuqina kwethemba lenu eNkosini uJesu Kristu.

1 AbaseThesalonika 5:21

kodwa hlolisisani konke, libambelele kokulungileyo;

2 uTimothi 2:19

Kodwa isisekelo esiqinileyo sikaNkulunkulu simi silaloluphawu lokuthi: INkosi iyabazi abangabayo; lokuthi: Ilowo lalowo ophatha ibizo leNkosi kahlukane lokungalungi.

AmaHebheru 6:10

Ngoba uNkulunkulu kasuye ongalunganga ukuba akhohlwe umsebenzi wenu lothando elalubonakalisa ngenxa yakhe ngokusebenzela abangcwele, njengoba lisakwenza.

1 UJohane 4:1

Bathandekayo, lingakholwa omoya bonke, kodwa bahloleni omoya ukuthi bangabakaNkulunkulu yini; ngoba banengi abaprofethi bamanga abaphumele emhlabeni.

Isambulo 2:5

Ngakhoke khumbula lapho uwe khona, uphenduke, wenze imisebenzi owayenza kuqala. Uba kungenjalo, ngizakuza kuwe, ngilususe uluthi lwesibane sakho endaweni yalo, uba ungaphenduki.

Isambulo 2:6

Kanti ulalokhu ukuthi uyayizonda imisebenzi yamaNikolayitha engiyizondayo lami.

Isambulo 2:9

Ngiyakwazi ukuhlupheka kwakho lobuyanga bakho — kanti wena unothile — lenhlamba yalabo abathi bangabaJuda, bona bengesibo, kodwa beyisinagoge likaSathane.

Isambulo 3:1

Lakuso isithunywa sebandla eliseSardisi loba uthi: Nanku akutshoyo lowo olabomoya abayisikhombisa bakaNkulunkulu lezinkanyezi eziyisikhombisa, uthi: Ngiyayazi imisebenzi yakho ukuba kuthiwa uyaphila, kanti wena ufile.

Isambulo 3:15

uthi: Ngiyayazi imisebenzi yakho ukuthi kawuqandi, futhi kawutshisi. Kungathi ngabe uyaqanda kumbe utshise!

Isambulo 3:8

uthi: Ngiyayazi imisebenzi yakho; khangela, ngimisa phambi kwakho umnyango ovuliweyo, ongelakuvalwa muntu. Ngiyazi ukuthi ulamandla amancinyane, kanti uligcinile ilizwi lami, kawuliphikanga ibizo lami.