Isambulo 2:18 - iBhayibhili Elingcwele 1978

¹⁸ Lakuso isithunywa sebandla eliseTiyathira loba uthi: Nanku ekutshoyo iNdodana kaNkulunkulu elamehlo anjengamalangabi omlilo, lezinyawo zayo ezifana lethusi elikhazimulayo,

IBhayibhili Elingcwele LesiNdebele

¹⁸ “Ingilosi yebandla laseThiyathira ilobele uthi: La ngamazwi eNdodana kaNkulunkulu, emehlo ayo anjengomlilo ovuthayo lezinyawo zayo zinjengethusi elikhazimulayo.

Isambulo 2:18 Mawu Ofanana

AmaHubo 2:7

Ngizakulandisa isimemezelo seNkosi eyathi kimi: Wena uyindodana yami, lamuhla ngikuzele.

UDanyeli 10:6

Umzimba wakhe wawunjengelitshe elithiwa yiberila, lobuso bakhe bunjengokuphazima kombane, lamehlo akhe enjengezibane ezivuthayo, ingalo lemibala yakhe kunjengokukhazimula kwethusi elikhazimulayo, lokuzwakala kwelizwi lakhe kunjengomsindo wexuku.

UMatewu 17:5

Kwathi esakhuluma, iyezi elikhanyayo labasibekela; kwezwakala ilizwi eyezini, lathi: Lo uyiNdodana yami ethandekayo engithokoza ngayo; zwanini yona.

UMatewu 27:54

Kwathi induna yekhulu lalabo ababelayo belinde uJesu, sebebonile ukuzamazama komhlaba lalokho okwenzekileyo besaba kakhulu, bathi: Lembala lumuntu ubeyiNdodana kaNkulunkulu.

UMatewu 3:17

Khangela, kwezwakala ilizwi livela ezulwini, lisithi: Lo uyiNdodana yami ethandekayo, ngithokozile ngayo.

ULukha 1:35

Isithunywa sathi kuye: UMoya oNgcwele uzakuba phezu kwakho, lamandla oPhezukonke azakukwambesa; ngakho umntwana ozakuzalwa uzakuthiwa ungcwele, uyiNdodana kaNkulunkulu.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 1:49

UNathanyeli waphendula wathi: Mfundisi, uyiNdodana kaNkulunkulu; uyiNkosi kaIsrayeli.

UJohane 10:36

lithi kuye uBaba amahlukanisileyo, wamthumela emhlabeni, uyahlambaza, ngoba ngithe: NgiyiNdodana kaNkulunkulu na?

UJohane 3:16

Ngoba uNkulunkulu wawuthanda umhlaba kangaka, waze wanikela ngeNdodana yakhe ezelwe yodwa ukuba ilowo lalowo okholwa kiyo angabhubhi, kodwa abe lokuphila okungapheliyo.

UJohane 3:18

Okholwa kiyo kalahlwa; kodwa ongakholwayo uselahliwe, ngoba engakholwanga ebizweni leNdodana kaNkulunkulu ezelwe yodwa.

UJohane 5:25

Ngiqinisile, ngiqinisile ngithi kini: Isikhathi siyeza, njalo sesikhona, lapho abafileyo bazakulizwa ilizwi leNdodana kaNkulunkulu; labo abezwayo bazakuphila.

Imisebenzi 16:14

Owesifazana othile othiwa nguLidiya, ongumthengisi wamalembu ayibubende, owemzini othiwa yiTiyathira, okhonza uNkulunkulu, wasizwa, iNkosi yavula inhliziyo yakhe ukuba alalele okwakhulunywa nguPawuli.

Imisebenzi 8:36

Kwathi besahamba endleleni, bafika emanzini; induna yathi: Khangela, nanka amanzi; kwalani ukuba ngibhaphathizwe na?

AbaseRoma 1:4

kodwa ngokukaMoya wobungcwele yabonakaliswa ngamandla ukuthi iyiNdodana kaNkulunkulu ngokuvuka kwabafileyo, uJesu Kristu iNkosi yethu.

AbaseRoma 8:32

Yena ongayigodlanga eyakhe iNdodana, kodwa wayinikelela thina sonke, angehluleka kanjani ukusinika konke kanye layo na?

Isambulo 1:11

Lokho okubonayo kulobe encwadini, uyithumele emabandleni ayisikhombisa, kwelaseEfesu lelaseSemerna lelasePergamo lelaseTiyathira lelaseSardisi lelaseFiladelfiya lelaseLawodikeya.

Isambulo 2:1

Kuso isithunywa sebandla eliseEfesu loba ukuthi: Nanku akutshoyo lowo ophethe inkanyezi eziyisikhombisa esandleni sakhe sokunene, ohamba phakathi kwezinti zezibane zegolide eziyisikhombisa;

Isambulo 2:24

Khathesi sengikhuluma lani eliseleyo eTiyathira, elingabambelelanga kulokhukufundisa, elingakwaziyo okuzikileyo kukaSathane; kangilethwesi omunye umthwalo;