Isambulo 2:10 - iBhayibhili Elingcwele 1978

¹⁰ Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.

IBhayibhili Elingcwele LesiNdebele

¹⁰ Ungazesabi inhlupheko esezizakwehlela. Ngiyakutshela ukuthi uSathane uzabeka abanye benu entolongweni ukuba alilinge njalo lizahlukuluzwa okwensuku ezilitshumi. Thembeka, lanxa kuselungeni lokufa, mina ngizakupha umqhele wokuphila.

Isambulo 2:10 Mawu Ofanana

AmaHubo 31:23

Ithandeni iNkosi lina lonke abalungileyo. INkosi iyabalondoloza abathembekileyo, kanti iyamphindisela kakhulu ozigqajayo.

Izililo 3:57

Wasondela kimi lapho ngikhuleka kuwe, wathi: Ungesabi.

UDanyeli 1:12

Ake ulinge inceku zakho okwensuku ezilitshumi, usinike imibhida kuphela ukuba sidle yona sinathe lamanzi.

UDanyeli 1:14

Inceku yasilalela lokhu, yabalinga okwensuku ezilitshumi.

UHabhakhukhi 2:3

Ngoba umbono ungowesikhathi sawo; uyaphangisa ukuya ekupheleni, kawuyikukhohlisa. Uba uphuza, uwulindele; ngoba uzakufika impela, kawuyikuphuza.

UMatewu 10:22

Lizakuzondwa yibo bonke ngenxa yebizo lami; kodwa ophikelelayo kuze kube sekupheleni nguye ozakusiliswa.

UMatewu 10:28

Lingabesabi ababulala umzimba bengelamandla okubulala umphefumulo, kodwa mesabeni kakhulu olamandla okubhubhisa umphefumulo lomzimba esihogweni.

UMatewu 24:13

Kodwa ophikelelayo kuze kube sekupheleni nguye ozakusiliswa.

UMakho 13:13

Lizakuzondwa yibo bonke ngenxa yebizo lami, kodwa ophikelelayo kuze kube sekupheleni nguye ozakusiliswa.

UMakho 8:35

Ngoba ilowo lalowo othanda ukusilisa ukuphila kwakhe kuzamlahlekela; kodwa olahlekelwa yikuphila kwakhe ngami langevangeli uzakukusilisa.

ULukha 21:12

Kodwa ngaphambi kwakho konke lokhu bazakulibamba, balizingele, balinikele emasinagogeni lasezintolongweni, balise phambi kwamakhosi lalabusi ngenxa yebizo lami.

UJohane 12:25

Yena othanda ukusila kwakhe uyalahlekelwa yikho; lozonda ukusila kwakhe kulumhlaba uzakukulondolozela ukuphila okungapheliyo.

UJohane 13:2

Sekudliwa, uSathane esekufakile enhliziyweni kaJudasi Iskariyothi, indodana kaSimoni, ukuba amnikele,

UJohane 13:27

UJudasi eselwamukele ucezu uSathane wangena kuye. UJesu wasesithi kuye: Okwenzayo kwenze masinyane.

Imisebenzi 20:24

Kodwa ukusila kwami angikutshayi into enkulu leligugu kimi, kuphela ukuba ngiphelelise uhambo lwami lenkonzo engayamukela eNkosini uJesu eyokufakaza ngevangeli lomusa kaNkulunkulu.

Imisebenzi 21:13

UPawuli wasephendula esithi: Lenzani likhala lidabula inhliziyo yami na? Ngoba sengilungele, kungesikho ukubotshwa kuphela, kodwa lokufa eJerusalema ngenxa yebizo leNkosi uJesu.

1 AbaseKhorinte 9:25

Bonke abancintisanayo bayazithinta ezintweni zonke; bakwenza lokhu ukuze bamukele umqhele ophelayo, kodwa thina ukuze samukele ongapheliyo.

Abase-Efesu 2:2

elalikade lihamba kuzo ngendlela yalumhlaba, lilandela umbusi wamandla asemkhathini, ongumoya osasebenzayo lakhathesi phakathi kwabangalaleliyo.

Abase-Efesu 6:12

Ngoba kasilwi lenyama legazi, kodwa silwa lemibuso, lamandla, lababusi balumhlaba womnyama, lempi yemimoya emibi yaphezulu.

UJakhobe 1:12

Ubusisiwe umuntu obekezelayo ekulingweni; ngoba lapho esehloliwe uzakwamukeliswa umqhele wokuphila othenjiswe nguNkulunkulu kwabamthandayo.

1 UPhethro 5:4

Kuzakuthi, lapho esabonakaliswa uMalusi omkhulu, lamukeliswe umqhele wobukhosi ongabuniyo.

1 UPhethro 5:8

Phaphamani lilinde; ngoba isitha senu, uSathane, siyahambahamba njengesilwane esibhongayo sidinga esingabadla.

Isambulo 13:14

Sabaduhisa abakhileyo emhlabeni ngezibonakaliso esazinikwayo ukuba sizenze phambi kwesilo, sisithi kwabakhileyo emhlabeni kabasenzele umfanekiso isilo, ebesilenxeba lomkhonto kodwa sasila.

Isambulo 13:2

Isilo engasibonayo sasinjengengwe, inyawo zaso zazinjengezebhere, lomlomo waso unjengowesilwane. Umgobho wasinika amandla awo lesihlalo sawo sobukhosi lokubusa okukhulu.

Isambulo 13:7

Sanikwa futhi ukuba silwe labangcwele, sibahlule; sanikwa lamandla phezu kwemihlobo yonke, labantu, lezindimi, lezizwe.

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

Isambulo 2:13

uthi: Ngiyazi lapho wakhe khona, lapho kukhona isihlalo sobukhosi sikaSathane; kanti ubambelele ebizweni lami, kawuphikanga ukukholwa kwakho lasensukwini zikaAntipasi, ufakazi wami othembekileyo, owabulawelwa phakathi kwenu lapho uSathane ahlala khona.

Isambulo 2:9

Ngiyakwazi ukuhlupheka kwakho lobuyanga bakho — kanti wena unothile — lenhlamba yalabo abathi bangabaJuda, bona bengesibo, kodwa beyisinagoge likaSathane.