Isambulo 19:7 - iBhayibhili Elingcwele 1978

⁷ Asithokoze, sithabe, simdumise, ngoba umthimba weWundlu usufikile, lomlobokazi usezilungisele;

IBhayibhili Elingcwele LesiNdebele

⁷ Kasithokozeni sijabule simuphe udumo. Ngoba umthimba weWundlu usufikile, lomlobokazi walo usezilungisele.

Isambulo 19:7 Mawu Ofanana

AmaHubo 107:42

Abaqotho bayakubona lokhu bathokoze, kodwa ababi bathuliswe.

AmaHubo 48:11

Kayithokoze intaba yaseZiyone, lemizi yakoJuda ithabe ngenxa yezahlulelo zakho.

AmaHubo 9:14

ukuze ngihube udumo lwakho, ngithabe emasangweni eZiyone ngokungikhulula kwakho.

Izaga 29:2

Lapho kubusa abalungileyo, abantu bayathokoza, kodwa lapho ababi bebusa, abantu bayabubula.

Ingoma 3:11

Phumani, lina madodakazi aseJerusalema, liphume lani, madodakazi aseZiyone, liyibone inkosi uSolomoni, ithwele umqhele eyawuthwaliswa ngunina mhla wosuku lomthimba wayo, mhla wosuku lokuthokoza kwayo.

U-Isaya 52:1

Vuka, vuka, uhlome amandla akho, wena Ziyone! wambathe ingubo zakho ezinhle, wena Jerusalema, umuzi ongcwele! Ngoba kakusayikungena kuwe ongasokanga longcolileyo.

U-Isaya 62:5

Ngoba njengejaha lithatha intombi, ngokunjaloke okwakhayo uzakukuthatha; lanjengomyeni ethokoziswa ngumlobokazi, uNkulunkulu wakho uzakuthokoza ngawe.

U-Isaya 66:10

Thokozani kanye leJerusalema, lilithabele, lina lonke elilithandayo; jabulani kanye lalo khathesi, lina lonke elilililelayo;

U-Isaya 66:14

Lizakubona lokhu, lenhliziyo yenu ithokoze; lemizimba yenu ikhule iqine; kuzakwaziwa ukuthi isandla seNkosi sesisencekwini zayo, izithukuthelele izitha zayo.

UZakhariya 9:9

Thokoza kakhulu, wena Ziyone! Memeza kakhulu, Jerusalema! Khangela, inkosi yakho iyeza kuwe, inqobile yehlula, imnene, ikhwele ubabhemi, ithole, inkonyane kababhemi.

UMatewu 1:20

Kwathi esanakana lokho, isithunywa seNkosi sabonakala kuye ephupheni, sathi: Josefa, ndodana kaDavida, ungesabi ukumthatha uMariya abe ngumkakho, ngoba lokho akukhulelweyo kungoMoya oNgcwele.

UMatewu 22:2

Umbuso wezulu unjengomuntu oyinkosi, owenzela indodana yakhe idili lomthimba.

ULukha 12:36

lani libe njengabantu abalindele inkosi yabo ukuba ibuye ekhaya ivela emthimbeni, ukuze nxa ifika, iqoqoda, bayivulele masinyane.

UJohane 3:29

Olomlobokazi ungumyeni, kodwa isinini somyeni esimiyo simuzwa, sithokoza kakhulu ngelizwi lomyeni. Ngakhoke lintokozo yami isiphelele.

2 AbaseKhorinte 11:2

Ngilobukhwele ngani ngobukhwele obungobukaNkulunkulu, ngoba ngalendisela kuKristu ukuba ngilise endodeni eyodwa liyintombi emsulwa.

Abase-Efesu 5:23

ngoba indoda iyinhloko yomfazi, njengokuba uKristu eyinhloko yebandla elingumzimba wakhe; yena onguMsilisi wawo.

Abase-Efesu 5:32

Yimfihlakalo enkulu le, kodwa ngikhuluma ngoKristu lebandla.

UDutheronomi 32:43

Dumisani abantu bayo, lina zizwe; ngoba iyaphindisela igazi lezinceku zayo, ibe lempindiselo kubo abamelene layo, yenzele ilizwe labantu bayo ukubuyisana.

AbaseFiliphi 3:3

Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.

Isambulo 11:13

Ngalesosikhathi kwaba khona ukuzamazama okukhulu komhlaba, kwawa ingxenye yetshumi yomuzi; kwafa abantu abayizinkulungwane eziyisikhombisa ekuzamazameni komhlaba; labaseleyo batshaywa luvalo, bamdumisa uNkulunkulu wezulu.

Isambulo 19:9

Sasesisithi isithunywa kimi: Bhala lokhu ukuthi: Babusisiwe labo abamenyelwe edilini lomthimba weWundlu. Sathi kimi: La ngamazwi aqotho kaNkulunkulu.

Isambulo 21:2

Ngabona umuzi ongcwele, iJerusalema elitsha, usehla uvela ezulwini kuNkulunkulu, ulungisiwe njengomlobokazi ocecele umkakhe.

Isambulo 21:9

Kwasekusiza esinye isithunywa kweziyisikhombisa ezazilemiganu eyisikhombisa egcwele izifo eziyisikhombisa, sakhuluma lami sisithi: Woza lapha, ngikutshengise umlobokazi, umkaWundlu.

1 USamuyeli 2:1

UHana wasekhuleka esithi: Inhliziyo yami iyathokoza ngeNkosi, Ngilamandla lesibindi eNkosini. Umlomo wami uyaziklolodela izitha zami, ngoba ngiyajabula ngokukhulula kwakho.