Isambulo 18:17 - iBhayibhili Elingcwele 1978

¹⁷ Ngesikhatshana nje yonke inotho yakho ichithekile. Lezinduna zemikolo, labo bonke abahamba olwandle, labatshayeli bonke bemikolo abamisebenzi yabo isolwandle, bema khatshana,

IBhayibhili Elingcwele LesiNdebele

¹⁷ Ngehola linye nje inotho enengi kangaka isichithiwe!” Izinduna zonke zemikhumbi labo bonke abahamba ngayo labatshayeli labo bonke abazuza ukuphila kwabo olwandle bazakuma khatshana.

Isambulo 18:17 Mawu Ofanana

U-Isaya 23:14

Khalani, lina mikolo yaseTarshishi, ngoba inqaba yenu idilikile.

U-Isaya 47:9

Kodwa lokho kokubili kuzakukwehlela masinyane ngasuku lunye; ukufelwa ngabantwana lobufelwakazi kwehlele phezu kwakho ngokugcweleyo, phakathi kwabo ubuthakathi bakho, laphakathi kwamandla amakhulu amalumbo akho.

UJeremiya 51:8

IBabiloni seliwile masinyane, lachitheka; likhaleleni, lilidingele umuthi wezilonda, mhlawumbe lingasila.

Izililo 4:6

Ngoba ukutshaywa kwabantu bami kube kukhulu kulokutshaywa kwabaseSodoma elachithwa ngesikhatshana, kungekho okhalayo.

UJona 1:6

Induna yomkolo, yamfica khona yathi kuye: Ulani wena olele ubuthongo na? Vuka, ukhuleke kunkulunkulu wakho; mhlawumbe lunkulunkulu uzasikhumbula ukuba singabhubhi.

Imisebenzi 27:11

Kodwa induna yekhulu yalalela induna yomkolo lomnikazi wawo kulalokho okutshiwo nguPawuli.

Isambulo 17:12

Impondo ezilitshumi ozibonileyo zingamakhosi alitshumi angakanikwa amandla obukhosi, kodwa azakwamukeliswa kanye lesilo umbuso abe ngamakhosi okwesikhathi.

Isambulo 17:16

Lempondo ezilitshumi ozibonileyo zona kanye lesilo zizakusizonda isiphingi; zizakusichitha sisale siyize, zidle inyama yaso, zisitshise ngomlilo.

Isambulo 18:19

Bathela uthuli emakhanda abo bekhala, belila, besithi: Maye, maye kuwe muzi omkhulu, lapho bonke ababelemikolo olwandle banothiswa yinotho yawo! Uchithekile ngesikhatshana nje.