Isambulo 18:13 - iBhayibhili Elingcwele 1978

¹³ amaxolo esihlahla esithiwa ikinamoni, lokulephunga elimnandi, lempepha, lemure, lamakha, lewayini, lamafutha, lempuphu ecolekileyo, lamabele; inkomo lezimvu, amabhiza, lezinqola, lezigqili, lemiphefumulo yabantu.

IBhayibhili Elingcwele LesiNdebele

¹³ imithwalo yesinamoni leyeziyoliso, eyempepha leyemure kanye leyamakha, eyewayini lamafutha e-oliva, eyefulawa ecolekileyo kanye lengqoloyi; inkomo lezimvu; amabhiza lezinqola lezigqili kanye lemiphefumulo yabantu.

Isambulo 18:13 Mawu Ofanana

1 AmaKhosi 10:10

Inkosikazi yaseSheba yasinika inkosi uSolomoni igolide elingamathalenta alikhulu lamatshumi amabili, lamakha amanengi kakhulu, lamatshe amahle. Kakuzanga kulethwe amakha amanengi njengala inkosikazi yaseSheba eyawanika inkosi uSolomoni.

1 AmaKhosi 10:15

ngaphandle kwalelo elalivela emithelweni yabathengisi, lenzuzweni yabathengi, lasemakhosini wonke aseArabiya, lakubabusi belizwe.

1 AmaKhosi 10:25

Bonke bamlethela izipho, izinto zesiliva lezegolide, lezambatho, lemure, lamakha, lamabhiza lezimbongolo; kwaba njalo iminyaka ngeminyaka.

1 ImiLando 5:21

Athumba izifuyo zabo, amakamela azinkulungwane ezingamatshumi amahlanu, izimvu ezizinkulungwane ezingamakhulu amabili lamatshumi amahlanu, labobabhemi abazinkulungwane ezimbili, labantu abazinkulungwane ezilikhulu.

2 ImiLando 9:9

Inkosikazi yaseSheba yasinika inkosi uSolomoni igolide elingamathalenta alikhulu lamatshumi amabili, lamakha amanengi kakhulu, lamatshe amahle. Kakuzanga kulethwe ngaphambili amakha amanengi njengala inkosikazi yaseSheba eyawanika inkosi uSolomoni.

UNehemiya 5:8

ngathi kibo: Thina ngamandla esilawo sibahlengile abakithi abaJuda ababethengiswe kwezinye izizwe; kodwa lina selithengisa abakini, lizabuya libathenge lina uqobo na? Bathula bathi zwi, ngoba bengelakho abangakutsho.

U-Eksodasi 21:16

Oweba umuntu, amthengise, loba efunyanwa elaye, uzakubulawa.

Izaga 7:17

ngifafazile umbheda wami, ngemure langamakha enhlaba langekinamoni.

Ingoma 1:3

Iphunga lamagcobo akho limnandi, lebizo lakho lihle njengamagcobo amnandi; ngakhoke izintombi ziyakuthanda.

Ingoma 3:6

Kuyini lokhuya okuvela enkangala kunjengensika yentuthu, evela ekutshisweni kwemure lempepha, lokunjengamakha wonke abathengi na?

Ingoma 5:5

Ngasukuma ukusivulela isithandwa sami, izandla zami zivuza imure, iminwe yami ithonta imure engamanzi ezibambeni zesivalo.

U-Isaya 50:1

INkosi ithi: Ingaphi incwadi yesahlukaniso engimlahle ngayo unyoko na? Loba ngubani engilesikwelede kuye engilithengise kuye na? Khangelani, lathengiswa ngenxa yobubi benu, lonyoko walahlwa ngenxa yeziphambeko zenu.

UHezekhiyeli 27:13

IJavani leTubali leMesheki zathengiselana lawe, zenana impahla yakho ngabantu uqobo, langezitsha zethusi.

uAmosi 2:6

INkosi ithi: Ngenxa yeziphambeko ezinengi zakoIsrayeli kangiyikubayekela, ngoba bathengisa abalungileyo ngesiliva labaswelayo ngamanyathelo;

uAmosi 6:6

benatha iwayini ngezinkamba, bazigcobe ngamagcobo amahle, kodwa kabadabukeli ukuchitheka kukaJosefa.

uAmosi 8:6

ukuze sithenge abayanga ngesiliva labaswelayo ngamanyathelo, sithengise amakhoba amabele na?

UDutheronomi 24:7

Uba umuntu efunyanwa ethumba omunye wabakibo koIsrayeli, amphathe njengesigqili loba amthengise, lowomuntu uzakubulawa. Ngalokhu lizaqeda ububi phakathi kwenu.

UDutheronomi 28:68

INkosi izakulibuyisela eGibithe ngemikolo, ngendlela engatsho ngayo ukuthi: Kalisoze liyibone futhi. Lapho lizazama ukuzithengisa ezitheni zenu ukuba libe yizigqili lezigqilikazi, kodwa kakho ozakulithenga.

1 uTimothi 1:10

lezifebe, labesilisa abalalanayo, labathumba abanye, labaqamba amanga, labafungela amanga; impela lokunye nje okuphambene lemfundiso eqotho,

2 UPhethro 2:3

Ekufiseni kwabo imali bazakuthengiselana ngani ngamazwi obuqili; ukulahlwa kwabo sekukade kusebenza phakathi kwabo, lokuchitheka kwabo kakuwozeli.

Isambulo 18:14

Bazakuthi: Izithelo ezazifiswa ngumphefumulo wakho zisukile kuwe, lakho konke okunothileyo lokukhazimulayo kukulahlekele, kakusoze kubuye kufunyaniswe.

Isambulo 18:15

Abathengisi balezizinto abanothiswe yilo bazakuma khatshana, besesaba ukuhlupheka kwalo, bekhala, belila kakhulu,