Isambulo 17:3 - iBhayibhili Elingcwele 1978

³ Sangisa enkangala ngehlelwe nguMoya. Ngabona owesifazana egade isilo esibomvu, sigcwele amabizo enhlamba, silamakhanda ayisikhombisa lempondo ezilitshumi.

IBhayibhili Elingcwele LesiNdebele

³ Ingilosi yasingithatha ngiseMoyeni yangisa enkangala. Khonapho ngabona owesifazane ehlezi phezu kwesilo esibomvu gebhu sigcwele amabizo ahlambazayo njalo yayilamakhanda ayisikhombisa lempondo ezilitshumi.

Isambulo 17:3 Mawu Ofanana

1 AmaKhosi 18:12

Kuzakuthi ngisand’ ukusuka kuwe, umoya kaNkulunkulu ukuthwale ukuse lapho ngingazi khona, kuthi lapho sengimtshelile uAhabi engasakufumani, angibulale lanxa mina engiyinceku yakho ngiyikhonza iNkosi uNkulunkulu kusukela ebutsheni bami.

2 AmaKhosi 2:16

Bathi kuye: Inceku zakho zilamadoda aqinileyo angamatshumi amahlanu; akuwavumele ahambe ayedinga inkosi yakho; mhlawumbe umoya weNkosi uNkulunkulu umthethe wamphosela entabeni ethile, loba esihotsheni esithile. Yena wathi: Atshi bo, lingabathumi.

Ingoma 8:5

Ngubani loyana ovela enkangala ebambelele phezu kothandekayo wakhe na? Ngakuvusa ngaphansi kwesihlahla somqokolo lapho owazalelwa khona, lapho unyoko akuzalela khona.

UHezekhiyeli 11:24

Umoya wangiphakamisa, wangisa kwabathunjiweyo eKaladiya. Konke lokhu kwafika ngombono owawuthunywe ngumoya kaNkulunkulu; kwathi umbono engangiwubonile wasusuka kimi.

UHezekhiyeli 3:12

Umoya wasengiphakamisa; kwathi lapho ubukhosi beNkosi busuka endaweni yabo, ngezwa emva kwami umdumo unjengowokunyikinyeka komhlaba.

UHezekhiyeli 8:3

Waseselula okwakungathi yisandla, wangibamba ngenwele. Umoya wangiphakamisela phakathi komhlaba lezulu, wangiletha ngemibono kaNkulunkulu eJerusalema, ngasentubeni yeguma elingaphakathi, elikhangele inyakatho, lapho kwakukhona isihlalo sesithombe somona esibanga umona.

UDanyeli 11:36

Inkosi izakwenza ekuthandayo; izaziphakamisa izikhulise ngaphezu kwabo bonke onkulunkulu, ikhulume okumangalisayo ngoNkulunkulu, iphumelele kuze kuphelele intukuthelo, ngoba okumisiweyo kuzakwenziwa.

UDanyeli 7:20

Futhi ngathanda ukwazi langempondo ezilitshumi ezazisekhanda laso, langolunye uphondo okwathi ekuphumeni kwalo zawa ezintathu, uphondo olwalulamehlo lomlomo owakhuluma amazwi okuzincoma, olwakhanya lulukhulu kulezinye.

UDanyeli 7:25

Izakhuluma kubi ngoPhezukonke, ihluphe abangcwele boPhezukonke. Izanakana ukuguqula izikhathi zemikhosi lomlayo. Abangcwele bazanikelwa esandleni sayo, iminyaka emithathu lengxenye.

UDanyeli 7:8

Ngisazikhangele impondo, kwaphuma olunye phakathi kwazo, oluncinyane; kwasekusitshunwa ezintathu ezokuqala ukulucentela indawo. Lwalulamehlo afana lawomuntu, lomlomo okhuluma amazwi okuzincoma.

UMatewu 27:28

Bamhlubula, bamambathisa ingubo ebomvu,

Imisebenzi 8:39

Kwathi sebekhuphukile emanzini, uMoya weNkosi wamsusa uFiliphu, kayabe isambona induna, kodwa yahamba ngendlela yayo ithokoza.

2 AbaseThesalonika 2:4

omelana lakho konke, lozikhukhumeza phezu kwakho konke okuthiwa ngunkulunkulu, loba yinto nje ekhonzwayo aze ahlale ethempelini likaNkulunkulu ezibiza ngokuthi unguNkulunkulu.

Isambulo 1:10

Ngehlelwa nguMoya ngosuku lweNkosi, ngezwa ngemva kwami ilizwi elikhulu kungathi ngelophondo lisithi:

Isambulo 12:14

Kodwa owesifazana wanikwa amaphiko amabili okhozi olukhulu ukuba awubalekele umgobho, aphaphele enkangala endaweni lapho abezakondliwa khona okweminyaka emithathu lenyanga eziyisithupha.

Isambulo 12:3

Kwabonakala esinye isibonakaliso ezulwini; kwaba khona umgobho omkhulu obomvu, olamakhanda ayisikhombisa lempondo ezilitshumi, lemiqhele eyisikhombisa isemakhanda awo;

Isambulo 12:6

lowesifazana wabalekela enkangala, lapho okwakulendawo ayeyilungiselwe nguNkulunkulu, ukuba ondliwe khona insuku eziyinkulungwane lamakhulu amabili lamatshumi ayisithupha.

Isambulo 17:18

Owesifazana ombonileyo ungumuzi omkhulu obusa phezu kwamakhosi omhlaba.

Isambulo 17:4

Owesifazana wayembethe okububende lokubomvu, ececiswe ngegolide langamatshe amahle langamangqongqo aligugu, ephethe esandleni sakhe inkezo yegolide igcwele amanyala lokungcola kokuphinga kwakhe;

Isambulo 18:12

impahla yegolide lesiliva, lamatshe amahle, lamangqongqo aligugu, lamalembu amahle ayibubende layisilika labomvu; lazo zonke izihlahla ezilephunga, lezinto zempondo zendlovu, lezinto zezihlahla ezibiza imali enengi, lezethusi, lezensimbi, lezelitshe elimhlophe;

Isambulo 18:16

besithi: Maye, maye kuwe muzi omkhulu, owawambathiswe amalembu amahle, layibubende, labomvu, uceciswe ngegolide langamatshe amahle langamangqongqo aligugu!

Isambulo 21:10

Sahamba lami ngigcwele uMoya, saya entabeni ende, sangitshengisa umuzi ongcwele waseJerusalema usehlela phansi uvela ezulwini kuNkulunkulu,

Isambulo 4:2

Masinyane ngehlelwa nguMoya; ngabona isihlalo sobukhosi simi ezulwini, ngabona ohlezi phezu kwesihlalo sobukhosi.