Isambulo 17:16 - iBhayibhili Elingcwele 1978

¹⁶ Lempondo ezilitshumi ozibonileyo zona kanye lesilo zizakusizonda isiphingi; zizakusichitha sisale siyize, zidle inyama yaso, zisitshise ngomlilo.

IBhayibhili Elingcwele LesiNdebele

¹⁶ Isilo lempondo ezilitshumi ozibonileyo kuzasizonda isiphingi. Zizasichitha zisitshiye size; zizakudla inyama yomzimba waso zisitshise ngomlilo.

Isambulo 17:16 Mawu Ofanana

UJobe 31:31

uba abantu bendlu yami bengatshongo ukuthi: ngubani ongasuthanga ukudla kwakhe na?

AmaHubo 27:2

Lapho ababi bengihlasela, befisa ukungibulala, abamelana lami lezitha zami bazakhubeka bawe.

UDanyeli 7:5

Isilo sesibili sasifana lebhere. Sasiquthile silembambo ezintathu emlonyeni waso phakathi kwamazinyo aso. Kwathiwa kuso: Vuka, udle inyama enengi.

ULevi 21:9

Indodakazi yompristi, uba izingcolisa ngokuphinga, iyamngcolisa loyise; kayitshiswe ngomlilo.

Isambulo 12:3

Kwabonakala esinye isibonakaliso ezulwini; kwaba khona umgobho omkhulu obomvu, olamakhanda ayisikhombisa lempondo ezilitshumi, lemiqhele eyisikhombisa isemakhanda awo;

Isambulo 16:12

Isithunywa sesithupha sathululela okusemganwini waso emfuleni omkhulu iYufrathi; kwatsha amanzi awo, ukuba indlela ilungiselwe amakhosi avela ngasempumalanga.

Isambulo 17:10

futhi angamakhosi ayisikhombisa, amahlanu awo asewile, enye ikhona, enye kayikafiki; nxa isifikile, imele ukuhlala isikhatshana.

Isambulo 18:19

Bathela uthuli emakhanda abo bekhala, belila, besithi: Maye, maye kuwe muzi omkhulu, lapho bonke ababelemikolo olwandle banothiswa yinotho yawo! Uchithekile ngesikhatshana nje.

Isambulo 18:8

Ngakhoke zizakufika ngasuku lunye izifo zalo, imikhuhlane lokulila lendlala, futhi lizakutshiswa ngomlilo; ngoba iNkosi uNkulunkulu elithonisisayo ilamandla.

Isambulo 19:18

ukuba lidle inyama yamakhosi, lenyama yezinduna, lenyama yezikhulu, lenyama yamabhiza leyabagadi bawo, lenyama yabantu bonke abakhululekileyo labayizigqili, abancinyane labakhulu.