Isambulo 17:14 - iBhayibhili Elingcwele 1978

¹⁴ Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

IBhayibhili Elingcwele LesiNdebele

¹⁴ Azakulwa impi leWundlu, kodwa iWundlu lizawanqoba ngoba liyiNkosi yamakhosi loMbusi wababusi, njalo lizabe lilababiziweyo balo abangabalandeli abakhethiweyo labathembekileyo.”

Isambulo 17:14 Mawu Ofanana

AmaHubo 110:5

INkosi ingakwesokunene sakho; izakuwachitha amakhosi osukwini lokuthukuthela kwayo.

UJeremiya 1:15

Ngoba ngiyabiza izizwe zonke zemibuso yasenyakatho, kutsho iNkosi; amakhosi azo azakufika, wonke azakumisa izihlalo zawo zobukhosi emasangweni aseJerusalema, azingelezele imiduli yalo lonke, lemizi yonke yakoJuda.

UJeremiya 1:19

Bazakulwa lawe, kodwa kabayikukwehlula, ngoba ngilawe ukukuvikela, kutsho iNkosi.

UJeremiya 50:44

Njengesilwane esiphuma ehlathini leJordani sisiya esibayeni sezimvu esiqinileyo, ngizabajuma ngibaxotshe, basuke kulo, ngilibekele lowo engimkhethileyo. Ngoba ngubani ofanana lami? Ngubani ozangibiza na? Nguwuphi umalusi ongema phambi kwami na?

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UDanyeli 2:47

Inkosi yathi kuDaniyeli: Isibili uNkulunkulu wakho unguNkulunkulu wabonkulunkulu, leNkosi yamakhosi, lomambuli wezimfihlakalo, ngoba uyambule limfihlakalo.

UDanyeli 7:21

Ngisakhangele, loluphondo lwalwa labangcwele, lwabanqoba,

UZakhariya 2:8

Ngoba iNkosi yamabandla yangithuma ngenxa yodumo lwayo ezizweni ezaliphangayo, ngoba olithintayo uthinta igugu layo, yathi:

UMatewu 22:14

Ngoba banengi ababiziweyo kodwa bayingcosana abakhethiweyo.

UMatewu 25:40

INkosi izakuphendula ithi kibo: Ngiqinisile ngithi kini: Njengokuba likwenzile komunye walaba abafowethu abancinyane, likwenzile lakimi.

UMatewu 28:18

UJesu wasondela, wakhuluma labo esithi: Aphiwe mina amandla wonke ezulwini lasemhlabeni;

UJohane 15:16

Kalingikhethanga lina, kodwa yimi engilikhethileyo, ngilimisele ukuba lihambe, lithele izithelo, lezithelo zenu zihlale njalo, ukuba loba yini eliyicela kuBaba ngebizo lami alinike yona.

AbaseRoma 1:6

elikuzo lani elingababiziweyo bakaJesu Kristu.

AbaseRoma 8:30

labo abamisayo ngaphambili wababiza futhi; labo ababizayo ubalungisisile futhi; labo abalungisisayo ubaphile inkazimulo.

AbaseRoma 8:37

Kodwa kulokhu konke silokunqoba okukhulu ngaye owasithandayo.

1 AbaseKhorinte 15:24

andubana kufike ukuphela, lapho esenikela umbuso kuNkulunkulu uYise, lalapho esechithile konke ukubusa, lobukhosi, lamandla.

UDutheronomi 10:17

Ngoba iNkosi uNkulunkulu wenu inguNkulunkulu wabonkulunkulu, leNkosi yamakhosi, uNkulunkulu omkhulu, olamandla, owesabekayo, ongakhethi muntu, ongamukeli umvuzo wokuthengwa.

1 uTimothi 6:15

azakukubonakalisa ngesikhathi esifaneleyo, uSomandla oyedwa lobongekayo, iNkosi yamakhosi, loMbusi wababusi,

2 uTimothi 2:4

Kakho owebutho osempini olibala ngezinto zabangabuthwanga, ukuba amkholise lowo ombuthileyo.

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.

Isambulo 1:5

lakuJesu Kristu ufakazi othembekileyo, olizibulo kwabafileyo lombusi wamakhosi omhlaba. Kuye osithandayo lowasikhulula ezonweni zethu ngegazi lakhe,

Isambulo 11:7

Kuzakuthi sebebuqedile ubufakazi babo, isilo esiphuma emgodini ongelamkhawulo silwe labo, sibanqobe, sibabulale.

Isambulo 16:14

Yona ingomoya ababi abenza izibonakaliso, abaphuma ukuya emakhosini omhlaba wonke ukuwahlanganisela ekulweni ngosuku olukhulu lukaNkulunkulu, uSomandla. —

Isambulo 2:10

Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.

Isambulo 2:13

uthi: Ngiyazi lapho wakhe khona, lapho kukhona isihlalo sobukhosi sikaSathane; kanti ubambelele ebizweni lami, kawuphikanga ukukholwa kwakho lasensukwini zikaAntipasi, ufakazi wami othembekileyo, owabulawelwa phakathi kwenu lapho uSathane ahlala khona.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.