Isambulo 16:5 - iBhayibhili Elingcwele 1978

⁵ Ngezwa isithunywa samanzi sisithi: Wena oNgcwele okhona lowayekhona, ulungile ngokuthonisisa kwakho;

IBhayibhili Elingcwele LesiNdebele

⁵ Ngasengisizwa ingilosi eyayingumphathi wamanzi isithi: “Ulungile ngalezizahlulelo, wena oNgcwele wena okhona lowayekhona,

Isambulo 16:5 Mawu Ofanana

UGenesisi 18:25

Kakube khatshana lawe ukwenza njalo, ukubulala olungileyo kanye lomubi ukuba olungileyo abe njengomubi; kakube khatshana lawe impela; umahluleli womhlaba wonke kayikwenza ukulunga na?

AmaHubo 129:4

Kodwa iNkosi ilungile, iqumile intambo zababi.

AmaHubo 145:17

INkosi ilungile endleleni zayo zonke, ilomusa ekwenzeni kwayo konke.

Izililo 1:18

INkosi ilungile, ngoba ngilihlamukile ilizwi layo. Kodwa ake lizwe, bantu lonke, libone ukuhlupheka kwami. Intombi zami lensizwa zami zithunjiwe.

UDanyeli 9:14

Ngakhoke iNkosi yasisidlinzeka ngomonakalo, yawehlisela phezu kwethu; ngoba iNkosi uNkulunkulu wethu ilungile emisebenzini yayo yonke eyenzileyo, thina kasililalelanga ilizwi layo.

UJohane 17:25

Baba olungileyo, umhlaba kawukwazanga, kodwa mina ngikwazile, lalaba bayazi ukuba ungithumile wena.

AbaseRoma 2:5

Kodwa ngobulukhuni benhliziyo yakho engaphendukiyo uzibekelela ulaka ngosuku lolaka, mhla kusambulwa ukuthonisisa okulungileyo kukaNkulunkulu

AbaseRoma 3:5

Kodwa uba ukungalungi kwethu kubonakalisa ukulunga kukaNkulunkulu, sizakuthini na? UNkulunkulu kalunganga yini ngokwehlisela ulaka phezu kwethu na? Ngikhulumisa okomuntu.

Isambulo 1:4

Mina Johane ngithi kuwo amabandla ayisikhombisa aseAsiya: Kakube kini umusa lokuthula okuvela kuye okhona lowayekhona lozakuba khona, lakubomoya abayisikhombisa abaphambi kwesihlalo sakhe sobukhosi,

Isambulo 1:8

Mina nginguAlfa loOmega, kutsho iNkosi uNkulunkulu okhona lowayekhona lozakuba khona, uSomandla.

Isambulo 11:17

besithi: Siyakubonga, Nkosi Nkulunkulu, Somandla, okhona lowayekhona, ngoba uthethe amandla akho amakhulu, waqala ukubusa.

Isambulo 16:4

Isithunywa sesithathu sathululela okusemganwini waso emifuleni lasemithonjeni yamanzi; kwaphenduka kwaba ligazi.

Isambulo 16:7

Ngasengisizwa ialtare lisithi: Yebo, Nkosi Nkulunkulu, Somandla, kuqotho kulungile ukuthonisisa kwakho.

Isambulo 19:2

ngoba ukuthonisisa kwakhe kuqotho, kulungile; usilahlile isiphingi esikhulu esonakalise umhlaba ngokuphinga kwaso, uphindisele kuso igazi lezinceku zakhe.

Isambulo 4:8

Izidalwa ezine eziphilayo, ileso laleso kuzo silamaphiko ayisithupha; emaceleni wonke langaphakathi zigcwele amehlo; emini lebusuku kazikhawuli ukuhlabela zisithi: Ingcwele, ingcwele, ingcwele iNkosi uNkulunkulu uSomandla, owayekhona lokhona lozakuba khona.

Isambulo 6:10

Bamemeza ngelizwi elikhulu besithi: Nkosi ebusayo engcwele leqotho, koze kube nini ungathonisisi uphindisele igazi lethu kulabo abakhileyo emhlabeni na?