Isambulo 16:21 - iBhayibhili Elingcwele 1978

²¹ Isiqhotho esikhulu sawela phezu kwabantu sivela ezulwini, amatshe aso enzima kakhulu; abantu bamthuka uNkulunkulu ngenxa yesifo sesiqhotho, ngoba uhlupho lwaso lwalulukhulu.

IBhayibhili Elingcwele LesiNdebele

²¹ Emkhathini kwehla amatshe amakhulukazi esiqhotho, lilinye lingaba ngamakhilogramu angamatshumi amathathu, awela phezu kwabantu. Bamthuka uNkulunkulu ngenxa yohlupho lwesiqhotho ngoba uhlupho lolo lwalusesabeka.

Isambulo 16:21 Mawu Ofanana

UJobe 38:22

Wake wangena eziphaleni zikangqoqwane, wabona iziphala zesiqhotho,

UJobe 38:23

engizibekele isikhathi sokuhlupheka, losuku lokulwa lolwempi na?

U-Eksodasi 9:18

Kusasa ngalesisikhathi ngizakunisa isiqhotho esikhulu, esingazanga sibonwe eGibithe selokhu lamiswayo kuze kube khathesi.

U-Eksodasi 9:22

INkosi yasisithi kuMose: Phakamisela isandla sakho phezulu ukuba kune isiqhotho kulo lonke ilizwe laseGibithe, sehlele ebantwini lasezinkomeni lasemibhideni yonke yeganga kulo lonke ilizwe laseGibithe.

U-Isaya 30:30

INkosi izazwakalisa ilizwi layo elilodumo, ibonakalise ingalo yayo lapho itshayayo, ekuthukutheleni kwayo okwesabekayo, ngokuvutha komlilo oqothulayo, langesivunguvungu, langesiphepha, langesiqhotho.

U-Isaya 8:21

Bazazula lelizwe behlupheka kakhulu belambile; ukulamba kubavuse ulaka, bathuke inkosi yabo loNkulunkulu wabo, kuthi lapho bekhangela phezulu,

UHezekhiyeli 13:11

Tshela labo abawucombayo ngekalaga ukuthi uzakuwa. Kuzakuba khona impophoma zezulu, kukhithike isiqhotho esikhulu, kuvuke isiphepha somoya;

UHezekhiyeli 13:13

Ngakhoke, iNkosi uNkulunkulu ithi: Ekuthukutheleni kwami ngizavusa isiphepha somoya, langolaka lwami nginise impophoma zezulu lesiqhotho esikhulu ukuba ngiwudilize.

UJoshuwa 10:11

Kwathi besabalekela uIsrayeli besehla emqansweni waseBetiHoroni, iNkosi yabehlisela isiqhotho esikhulu esivela phezulu kwaze kwaba seAzeka, bafa. Babebanengi ababulawa yisiqhotho ukwedlula ababulawa nguIsrayeli.

Isambulo 11:19

Kwasekuvulwa ithempeli likaNkulunkulu elisezulwini, kwabonakala umtshokotsho wesivumelwano sakhe usethempelini; kwasekusiba khona ukuphazima kombane, lomsindo omkhulu, lokuduma, lokuzamazama komhlaba, lesiqhotho esikhulu.

Isambulo 16:11

kodwa bamthuka uNkulunkulu wezulu ngenxa yobuhlungu bezilonda zabo, kabaphendukanga emisebenzini yabo.

Isambulo 16:9

Abantu batshiswa yikutshisa okukhulu; kodwa balithuka ibizo likaNkulunkulu obelamandla phezu kwalezizifo, kabaphendukanga ukuba bamdumise.

Isambulo 8:7

Isithunywa sokuqala salukhalisa uphondo; kwasekusiba khona isiqhotho lomlilo kuhlanganiswe legazi, kwaphoselwa emhlabeni; kwathi ingxenye yesithathu yomhlaba yatsha lengxenye yesithathu yezihlahla, labo bonke utshani obuluhlaza batshiswa.