Isambulo 16:12 - iBhayibhili Elingcwele 1978

¹² Isithunywa sesithupha sathululela okusemganwini waso emfuleni omkhulu iYufrathi; kwatsha amanzi awo, ukuba indlela ilungiselwe amakhosi avela ngasempumalanga.

IBhayibhili Elingcwele LesiNdebele

¹² Ingilosi yesithupha yathululela umganu wayo emfuleni omkhulu uYufrathe, amanzi awo asesitsha ukuba kulungiswe indlela yamakhosi avela empumalanga.

Isambulo 16:12 Mawu Ofanana

U-Isaya 11:15

INkosi izakwenza ulwandle lwaseGibithe ukuba lucime ngokutshisa komoya wayo, iphakamisele isandla sayo phezu komfula iYufrathi, iwahlukanise ube yizifudlana eziyisikhombisa, ukuba abantu bahambe phezu komhlabathi owomileyo.

U-Isaya 41:25

Ukhona engimvusileyo ngasenyakatho, njalo usefikile; ngimvusile ngasempumalanga, uzabiza ibizo lami; uzanyathela izikhulu njengodaka, lanjengombumbi evoxa ibumba.

U-Isaya 42:15

Ngizakubhidliza izintaba lamaqaqa, ngomise konke okuluhlaza okukuzo, ngiphendule imifula ibe yinkangala, ngomise leziziba zayo.

U-Isaya 44:27

otshoyo kulo ulwandle ukuthi: Tshana, ngizakomisa imifula yakho;

U-Isaya 46:11

ngibize ilinqe empumalanga, lomuntu wecebo lami elizweni elikhatshana; sengikhulumile, ngizakukwenza; sengikumisile, ngizakugcwalisa.

U-Isaya 8:7

ngakho mina Nkosi ngizabalethela amanzi eYufrathi amanengi lalamandla, okuyinkosi yaseAsiriya labo bonke ubukhosi bayo; azahamba phezu kwemigelo yonke lenkumbi zonke zalo,

UJeremiya 51:36

Ngakhoke iNkosi ithi: Ngizayimela indaba yenu, ngiliphindisele; ngizakomisa ulwandle lwalo, ngomise lomthombo walo.

Isambulo 11:14

Uhlupho lwesibili selwedlulile; seluzakulandelwa ngolwesithathu masinyane.

Isambulo 17:15

Sasesisithi kimi: Amanzi owabonileyo, lapho sihlezi khona isiphingi, angabantu lamaxuku lezizwe lezindimi.

Isambulo 7:2

Ngasengibona esinye isithunywa siphuma empumalanga, siphethe uphawu lukaNkulunkulu ophilayo; samemeza ngelizwi elikhulu kuzo izithunywa ezine ezazinikwe amandla okona umhlaba lolwandle,

Isambulo 9:14

lisithi kuso isithunywa sesithupha esasilophondo: Khulula izithunywa ezine ezibotshiweyo ngasemfuleni omkhulu iYufrathi.