Isambulo 15:3 - iBhayibhili Elingcwele 1978

³ Bahlabela ingoma kaMose inceku kaNkulunkulu lengoma yeWundlu besithi: Mikhulu, iyamangalisa imisebenzi yakho, Nkosi Nkulunkulu, Somandla; zilungile, ziqotho izindlela zakho, Nkosi yazo zonke izikhathi.

IBhayibhili Elingcwele LesiNdebele

³ behlabela ingoma kaMosi inceku kaNkulunkulu kanye lengoma yeWundlu besithi: “Mikhulu iyamangalisa imisebenzi yakho Nkosi Nkulunkulu Somandla. Zilungile njalo ziqotho izindlela zakho, Nkosi yezikhathi zonke.

Isambulo 15:3 Mawu Ofanana

UGenesisi 17:1

Kwathi uAbrama eseleminyaka engamatshumi aficamunwemunye lesificamunwemunye iNkosi yabonakala kuye, yathi kuye: NginguNkulunkulu uSomandla; hamba phambi kwami, ungasoleki.

1 ImiLando 6:49

Kodwa kwakunguAroni lamadodana akhe abanikela iminikelo phezu kwealtare lomnikelo wokutshiswa laphezu kwealtare lempepha, ukwenza yonke inkonzo endaweni engcwele kakhulu lokwenzela uIsrayeli indlela yokubuyisana, njengakho konke uMose inceku kaNkulunkulu akutshoyo.

2 ImiLando 24:6

Inkosi yasibiza uJehoyada umpristi omkhulu, yathi kuye: Kungani ungatshelanga amaLevi ukuba baqoqe koJuda laseJerusalema umthelo owamiswa nguMose inceku yeNkosi ebandleni lakoIsrayeli ukuba ube ngowethente loBufakazi?

UNehemiya 9:14

wabazisa iSabatha lakho elingcwele, wabanika imilayezelo lezimiso lomlayo ngenceku yakho uMose.

UJobe 36:24

Khumbula ukukhulisa izenzo zakhe, abahlabela ngazo abantu.

UJobe 5:9

Yena owenza izinto ezinkulu ezingelakuhlolwa, izimangaliso ezingelakubalwa.

AmaHubo 100:5

Ngoba iNkosi ilungile; lothando lwayo olungapheliyo lumi kuze kube nininini, lobuqotho bayo ezizukulwaneni zonke.

AmaHubo 105:5

Khumbulani izenzo zayo ezimangalisayo eyazenzayo, izimangaliso zayo lezahlulelo zomlomo wayo,

AmaHubo 111:2

Mikhulu imisebenzi yeNkosi, labo abayithandayo bayayifunda.

AmaHubo 111:7

Imisebenzi yezandla zayo iqotho ilungile; lemithetho yayo yonke ithembekile,

AmaHubo 139:14

Ngiyakubonga, ngoba wena uyesabeka; imisebenzi yakho iyamangalisa. Wena uyangazi kuhle;

AmaHubo 145:17

INkosi ilungile endleleni zayo zonke, ilomusa ekwenzeni kwayo konke.

AmaHubo 145:6

Abantu bazakutshumayela amandla ezenzo zakho ezesabekayo, mina ngibabaze ubukhulu bakho.

AmaHubo 18:30

Lo uNkulunkulu indlela yakhe iphelele; ilizwi leNkosi lithembekile. Yena uyisihlangu kubo bonke abaphephela kuye.

AmaHubo 78:12

Wazenza izimangaliso phambi kwabokhokho babo elizweni laseGibithe, emagangeni aseZowani.

AmaHubo 92:5

Yeka ubukhulu bemisebenzi yakho, Nkosi! Imicabango yakho izikile kakhulu.

AmaHubo 99:4

Nkosi elamandla, ethanda ukwahlulela, umisile ubuqotho, wahlulela ngokulunga, wenza ukulunga kuJakobe.

U-Isaya 33:22

Ngoba iNkosi ingumahluleli wethu, iNkosi ingumbusi wethu, iNkosi yinkosi yethu, izakusikhulula.

U-Isaya 45:21

Wozani, lilandise indaba yenu; cebisanani lonke. Ngubani owamemeza lokho endulo na? Ngubani owakubikezela kudala na? Kwakungayisimi, iNkosi na? Kakukho omunye unkulunkulu ngaphandle kwami, onguNkulunkulu olungileyo loMsilisi; kakho omunye ngaphandle kwami.

UDanyeli 6:20

Ekufikeni kwayo emgodini lapho wayekhona uDaniyeli, yamemeza ngelizwi elibuhlungu, yathi kuDaniyeli: We Daniyeli, nceku kaNkulunkulu ophilayo, uNkulunkulu wakho omkhonzayo njalonjalo ukusilisile yini ezilwaneni?

UDanyeli 9:11

Wonke uIsrayeli waphule umlayo wakho, waphambuka kiwo, wala ukulalela ilizwi lakho. Isiqalekiso lesifungo esilotshiweyo emlayweni kaMose inceku yakho sehliselwe phezu kwethu, ngoba sonile kuwe.

UHosiya 14:9

Lowo ohlakaniphileyo aziqedisise lezizinto; lowo oqondayo azazi; ngoba indlela zeNkosi zilungile, labaqotho bayahamba ngazo, kodwa izoni ziyakhubeka kuzo.

UMikha 7:20

uzanika uJakobe ukuthembeka, lenzalo kaAbrahama uthando olungapheliyo, njengokufunga kwakho kubo endulo.

UZefaniya 3:5

INkosi iphakathi kwawo ilungile, kayenzi okubi; insuku zonke ekuseni iyenza okufaneleyo, futhi kayiphuthi; kodwa omubi kalanhloni.

UZakhariya 9:9

Thokoza kakhulu, wena Ziyone! Memeza kakhulu, Jerusalema! Khangela, inkosi yakho iyeza kuwe, inqobile yehlula, imnene, ikhwele ubabhemi, ithole, inkonyane kababhemi.

UJohane 1:17

Ngoba umlayo wanikwa ngoMose, umusa leqiniso kweza ngoJesu Kristu.

UDutheronomi 31:30

UMose wasekhuluma wonke amazwi alingoma phambi komhlangano wonke kaIsrayeli, wathi:

UDutheronomi 32:3

Ngizamemezela ibizo leNkosi. Vumani ukuthi mkhulu uNkulunkulu wethu.

UDutheronomi 34:5

UMose inceku yeNkosi wafela khona elizweni laseMowabi njengelizwi leNkosi.

1 uTimothi 1:17

Kuyo iNkosi eyisimakade engabhubhiyo engelakubonwa, uNkulunkulu yedwa, kakube udumo lobukhosi kuze kube nininini. Ameni.

AmaHebheru 3:5

UMose kambe wayethembekile endlini yonke kaNkulunkulu njengenceku, ukuze kufakazelwe lokho obekuzakukhulunywa;

UJoshuwa 22:5

Liqapheiise ukugcina umlayo lomthetho uMose inceku yeNkosi alilaya wona, ukuba lithande iNkosi uNkulunkulu wenu, lihambe endleleni zayo zonke, ligcine imilayo yayo, libambelele kuyo, liyikhonze ngenhliziyo yenu yonke langomoya wenu wonke.

Isambulo 1:8

Mina nginguAlfa loOmega, kutsho iNkosi uNkulunkulu okhona lowayekhona lozakuba khona, uSomandla.

Isambulo 11:17

besithi: Siyakubonga, Nkosi Nkulunkulu, Somandla, okhona lowayekhona, ngoba uthethe amandla akho amakhulu, waqala ukubusa.

Isambulo 14:3

Bahlabela ingoma entsha phambi kwesihlalo sobukhosi laphambi kwezidalwa ezine eziphilayo laphambi kwabadala. Kakho olamandla okuyifunda leyongoma, kuphela abayizinkulungwane ezilikhulu lamatshumi amane lane abahlengiweyo emhlabeni.

Isambulo 14:8

Salandelwa ngesinye isithunywa sesibili sisithi: Liwile, liwile iBabiloni elikhulu, elinathise izizwe zonke iwayini lolaka lokuphinga kwabo!

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

Isambulo 19:16

Engutsheni yakhe lasethangazini lakhe kulotshwe ibizo elithi: INkosi yamakhosi loMbusi wababusi.

Isambulo 19:2

ngoba ukuthonisisa kwakhe kuqotho, kulungile; usilahlile isiphingi esikhulu esonakalise umhlaba ngokuphinga kwaso, uphindisele kuso igazi lezinceku zakhe.

Isambulo 4:8

Izidalwa ezine eziphilayo, ileso laleso kuzo silamaphiko ayisithupha; emaceleni wonke langaphakathi zigcwele amehlo; emini lebusuku kazikhawuli ukuhlabela zisithi: Ingcwele, ingcwele, ingcwele iNkosi uNkulunkulu uSomandla, owayekhona lokhona lozakuba khona.