Isambulo 14:7 - iBhayibhili Elingcwele 1978

⁷ Sathi ngelizwi elikhulu: Mesabeni uNkulunkulu, limdumise, ngoba isikhathi sokuthonisisa kwakhe sesifikile; limkhonze yena owenza izulu lomhlaba lolwandle lemithombo yamanzi.

IBhayibhili Elingcwele LesiNdebele

⁷ Ngelizwi elikhulu yathi, “Mesabeni uNkulunkulu limdumise ngoba isikhathi sokwahlulela kwakhe sesifikile. Mkhonzeni yena owadala amazulu, lomhlaba, lolwandle kanye lemithombo yamanzi.”

Isambulo 14:7 Mawu Ofanana

UGenesisi 22:12

Sathi: Musa ukubeka isandla sakho emfaneni, ungenzi lutho kuye, ngoba sengisazi ukuthi uyamesaba uNkulunkulu, lokhu ungalanga lendodana yakho eyodwa.

UNehemiya 9:6

Nguwe wedwa oyiNkosi owenza izulu eliphezulu kakhulu lakho konke okukulo, lomhlaba lakho konke okukuwo, lezinlwandle lakho konke okukuzo, wena uyakulondoloza konke; lakho konke okusezulwini kuyakukhonza.

AmaHubo 115:15

kalibe ngababusisiweyo yiNkosi eyenza izulu lomhlaba.

AmaHubo 124:8

Usizo lwethu lusebizweni leNkosi eyenza izulu lomhlaba.

AmaHubo 33:6

Ngelizwi leNkosi enziwa amazulu, lakho konke okukuwo ngomoya womlomo wayo.

AmaHubo 36:1

Omubi uyalalela ilizwi lesono enhliziyweni yakhe, ukwesaba uNkulunkulu kakukho engqondweni yakhe.

AmaHubo 89:7

uNkulunkulu owesabekayo emhlanganweni wabangcwele, omkhulu lowesabekayo kubo bonke abahlala laye na?

AmaHubo 95:5

Ulwandle ngolwayo, ngoba yalwenza, lezandla zayo zabumba umhlabathi owomileyo.

U-Eksodasi 20:11

Ngoba ngensuku eziyisithupha iNkosi yenza izulu lomhlaba lolwandle lakho konke okukukho, yaphumula ngosuku lwesikhombisa; ngalokhu iNkosi yalubusisa usuku lwesikhombisa, yalwenza lwaba ngcwele.

U-Isaya 40:3

Ilizwi lomemezayo lithi: Lungisani enkangala indlela yeNkosi, licande enkangala umgwaqo kaNkulunkulu wethu.

U-Isaya 40:6

Ilizwi lithi: Memeza! Mina ngathi: Ngizakumemeza ngithini na? Wothi: Abantu bonke banjengotshani, kabahlali ukwedlula amaluba eganga.

U-Isaya 40:9

Khwela entabeni ende, wena obika indaba ezijabulisayo eZiyone, uphakamise ilizwi lakho umemeze, wena obika indaba ezijabulisayo eJerusalema, uliphakamise ungesabi, utsho emizini yakoJuda uthi: Khangelani, nangu uNkulunkulu wenu.

U-Isaya 42:12

Kabayidumise iNkosi, bamemezele udumo lwayo emazweni angasolwandle.

U-Isaya 44:23

Thokozani, lina mazulu, iNkosi ikwenzile; lijabule, lina zindawo ezizikileyo zomhlaba; lihlabele, lina zintaba, lawe gusu lazo zonke izihlahla ezikuwe. Ngoba iNkosi isimhlengile uJakobe, izakudunyiswa koIsrayeli.

U-Isaya 58:1

INkosi ithi: Memeza ngelizwi elikhulu, ungathuli, uphakamise ilizwi lakho njengelophondo, utshele abantu bami iziphambeko zabo, lendlu kaJakobe izono zayo.

UJeremiya 10:10

Kanti iNkosi inguNkulunkulu weqiniso, inguNkulunkulu ophilayo leNkosi engelakuphela. Ekuthukutheleni kwayo umhlaba uyazamazama, lezizwe kazilakukumela ukufutheka kwayo.

UHezekhiyeli 7:2

Ndoda, mina Nkosi uNkulunkulu ngithi elizweni lakoIsrayeli: Ukuphela kuyeza, ukuphela kuyeza emagumbini womane elizwe.

UHezekhiyeli 7:6

Ukuphela sekufikile, ukuphela sekufikile, sekulehlele; nanko, kuyeza.

UDanyeli 8:19

Wathi: Ngizakukutshela okuzakwenzakala ekupheleni kwentukuthelo, ngoba lokho kungokwesikhathi sokucina.

UHosiya 8:1

INkosi ithi: Khalisa uphondo, ngoba ukhozi luzula phezu kwendlu yeNkosi; abantu bami sebephule isivumelwano sami, baphambuka emlayweni wami.

UMalaki 2:2

Uba lingalaleli, uba lingananzi ukulidumisa ibizo lami, kutsho iNkosi yamabandla, ngizalithumela isiqalekiso, ngiphendule izibusiso zenu zibe yiziqalekiso. Yebo, sengisenza njalo, ngoba kalinanzi ukwenza lokho.

UMatewu 25:13

Ngakhoke lindani, ngoba kalilwazi usuku lesikhathi.

ULukha 17:18

Kakho loyedwa yini obengabuya ukunika uNkulunkulu udumo, kuphela lo owezizweni na?

Imisebenzi 14:15

Madoda, likwenzelani lokhu na? Lathi singabantu abanjengani ngokwemvelo, sililethele ivangeli ukuze liphenduke kulokho okuyize, liphendukele kuNkulunkulu ophilayo owenza izulu lomhlaba, lolwandle, lakho konke okukukho,

UJoshuwa 7:19

UJoshuwa wasesithi kuAkani: Ndodana yami, inike iNkosi, uNkulunkulu wakoIsrayeli, udumo, uvume isono sakho kuyo; ungitshele lokho okwenzileyo, ungangifihleli.

1 UPhethro 4:7

Ukuphela kwezinto zonke sekusondele. Ngakho zikhuzeni, liqonde, likhuleke.

Isambulo 11:13

Ngalesosikhathi kwaba khona ukuzamazama okukhulu komhlaba, kwawa ingxenye yetshumi yomuzi; kwafa abantu abayizinkulungwane eziyisikhombisa ekuzamazameni komhlaba; labaseleyo batshaywa luvalo, bamdumisa uNkulunkulu wezulu.

Isambulo 11:18

Izizwe zathukuthela, kodwa lwafika ulaka lwakho. Ngakhoke sekuyisikhathi sokuthonisiswa kwabafileyo; sekuyisikhathi sokunikwa komvuzo ezincekwini abaprofethi, lasebantwini bakho abangcwele abahlonipha ibizo lakho, abakhulu labancinyane, isikhathi sokubhujiswa kwababhubhisa umhlaba.

Isambulo 15:4

Ngubani ongayikukwesaba, Nkosi, adumise ibizo lakho na? Ngoba nguwe wedwa ongcwele; izizwe zonke zizakuza zikudumise, ngoba izenzo zakho zokulunga zibonakalisiwe.

Isambulo 16:9

Abantu batshiswa yikutshisa okukhulu; kodwa balithuka ibizo likaNkulunkulu obelamandla phezu kwalezizifo, kabaphendukanga ukuba bamdumise.

Isambulo 18:10

Azakuma khatshana ngokwesaba ukuhlupheka kwalo esithi: Maye, maye kuwe muzi omkhulu waseBabiloni! Ngesikhatshana kufikile kuwe ukuthonisiswa kwakho.

Isambulo 18:17

Ngesikhatshana nje yonke inotho yakho ichithekile. Lezinduna zemikolo, labo bonke abahamba olwandle, labatshayeli bonke bemikolo abamisebenzi yabo isolwandle, bema khatshana,

Isambulo 18:19

Bathela uthuli emakhanda abo bekhala, belila, besithi: Maye, maye kuwe muzi omkhulu, lapho bonke ababelemikolo olwandle banothiswa yinotho yawo! Uchithekile ngesikhatshana nje.

Isambulo 19:5

Kwasekuzwakala ilizwi livela esihlalweni sobukhosi lisithi: Mdumiseni uNkulunkulu wethu lina lonke zinceku zakhe, elimesabayo, abakhulu labancinyane.

Isambulo 4:11

Ufanele, wena Nkosi yethu loNkulunkulu wethu, ukwamukela ubukhosi lodumo lamandla, ngoba nguwe owadala izinto zonke, langenxa yentando yakho zaba khona, zadalwa.

Isambulo 4:9

Kuthi lapho izidalwa eziphilayo zimnika ubukhosi lodumo lokubongwa lowo ohlezi esihlalweni sobukhosi, ophilayo kuze kube nininini,

Isambulo 8:10

Isithunywa sesithathu salukhalisa uphondo; kwasekusiwa kuvela ezulwini inkanyezi enkulu ikhanya njengesibane, yawela phezu kwengxenye yesithathu yemifula laphezu kwemithombo yamanzi.

1 USamuyeli 6:5

Yenzani izithombe zamathumba enu lezithombe zamagundwane alonayo ilizwe, limnike udumo uNkulunkulu kaIsrayeli; mhlawumbe angaxegisa isandla sakhe phezu kwenu laphezu kwabonkulunkulu benu lelizwe lenu.