Isambulo 14:4 - iBhayibhili Elingcwele 1978

⁴ Labo yibo abangangcoliswanga yisifazana, ngoba bazigcina behlambululukile; yibo abalandela iWundlu loba lisiya ngaphi. Labo bahlengwa ebantwini, baba yizithelo zokuqala kuNkulunkulu lakulo iWundlu.

IBhayibhili Elingcwele LesiNdebele

⁴ Laba yilabo abangazingcolisanga ngabesifazane ngoba bazigcina behlambulukile. Balandela iWundlu loba kungaphi lapho eliya khona. Bahlengwa phakathi kwabantu banikelwa njengezithelo zakuqala kuNkulunkulu laseWundlwini.

Isambulo 14:4 Mawu Ofanana

AmaHubo 45:14

yambethe izambatho ezilemibala eminengi iyasiwa enkosini, lezintombi ezingabangane bayo ziyayilandela.

AmaHubo 74:2

Khumbula ibandla lakho owalikhetha endulo, abantu owabahlenga baba ngabakho, lentaba yaseZiyone ohlala kuyo.

Ingoma 1:3

Iphunga lamagcobo akho limnandi, lebizo lakho lihle njengamagcobo amnandi; ngakhoke izintombi ziyakuthanda.

Ingoma 6:8

Kukhona amakhosikazi angamatshumi ayisithupha, labanye abafazi abangamatshumi aficaminwembili, lezintombi ezingelakubalwa;

UJeremiya 2:3

UIsrayeli wayengcwele eNkosini, eyizithelo zokuqala zesivuno sayo. Bonke abazidlayo baba lecala, behlelwa ngokubi, kutsho iNkosi.

uAmosi 6:1

Maye kubo abachelesileyo eZiyone labalondolozekileyo entabeni yaseSamariya, amadoda adumileyo esizwe sokuqala abaya kuwo abakoIsrayeli!

UMatewu 19:12

Ngoba kukhona abathenwa abazalwa benjalo, kusukela eziswini zabonina; kukhona abanye abathenwa ngokuthenwa ngabantu; kukhona futhi abathenwa abazithenileyo ngenxa yombuso wezulu. Lowo ongakwamukela lokho kakwamukele.

UMatewu 25:1

Ngakhoke umbuso wezulu uzakufaniswa lentombi ezilitshumi ezathatha izibane zazo, zaphuma ukuhlangabeza umyeni.

UMatewu 8:19

Kwafika kuye umbhali, wathi kuye: Mfundisi, ngizakukulandela loba kungaphi lapho uya khona.

UJohane 10:27

Izimvu zami ziyalizwa elami ilizwi; lami ngiyazazi, ziyangilandela;

UJohane 12:26

Uba umuntu engikhonza, kangilandele; lalapho ngikhona, uzakuba khona umfokazi wami. Uba umuntu engikhonza, uBaba uzakumdumisa yena.

UJohane 13:37

UPetro wathi kuye: Nkosi, ngingekulandele ngani khathesi na? Ngizakudela ukuphila kwami ngenxa yakho.

UJohane 8:12

UJesu wakhuluma labo futhi wathi: Mina ngiyikukhanya komhlaba; ongilandelayo kasoze ahamba emnyameni, kodwa uzakuba lokukhanya kokuphila.

Imisebenzi 20:28

Ziqapheleni lina lawo wonke umhlambi alibeke kuwo uMoya oNgcwele ukuba libe ngababonisi bokwalusa ibandla leNkosi ezizuzele lona ngegazi layo.

1 AbaseKhorinte 16:15

Bazalwane, liyayazi indlu kaStefana ukuthi iyingqabutho yaseAkaya ekukholweni, lokuthi bazimisele ukukhonza abangcwele;

1 AbaseKhorinte 6:20

kodwa lathengwa ngentengo. Ngakhoke dumisani uNkulunkulu emizimbeni yenu.

1 AbaseKhorinte 7:28

Kodwa uba uthatha, kawoni; lentombi uba isenda, kayoni. Kodwa abanjalo bazakuba lenkathazo emzimbeni; bengithanda ukuliphephisa.

2 AbaseKhorinte 11:2

Ngilobukhwele ngani ngobukhwele obungobukaNkulunkulu, ngoba ngalendisela kuKristu ukuba ngilise endodeni eyodwa liyintombi emsulwa.

Abase-Efesu 1:14

oyisibambiso selifa lethu, size samukeliswe lona, lapho uNkulunkulu esehlengile abantu bakhe, kube ludumo lwakhe lobukhosi bakhe.

Abase-Efesu 5:27

ukuze alimise ibandla phambi kwakhe lilenkazimulo, lingelacwatshana, lomxhele loba okunye nje, kodwa libe libandla elingcwele elingelacala.

1 uTimothi 4:3

besalela abantu ukuba bathathane, besithi kuzilwe ukudla uNkulunkulu akudalileyo ukuba kwamukelwe ngokubonga yibo abakholwayo labazi iqiniso.

AmaHebheru 12:23

lasemhlanganweni wamazibulo abhalwe ezulwini, lakuNkulunkulu umahluleli wakho konke, lakumimoya yabalungileyo abaphelelisiweyo,

UJakhobe 1:18

Ngokuthanda kwakhe wasizala ngelizwi leqiniso, ukuba sibe ngamazibulo ezidalwa zakhe.

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

Isambulo 21:22

Kangibonanga ithempeli phakathi komuzi, ngoba iNkosi uNkulunkulu, uSomandla, kanye leWundlu balithempeli lawo.

Isambulo 21:23

Umuzi kawudingi ilanga lenyanga ukuba kukhanyise kuwo, ngoba inkazimulo kaNkulunkulu iyawukhanyisa, leWundlu liyisibane sawo.

Isambulo 3:4

Kodwake basekhona abantu abayingcosana eSardisi abangangcolisanga ingubo zabo; bazakuhamba lami bembethe okumhlophe, ngoba bafanele.

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;