Isambulo 14:3 - iBhayibhili Elingcwele 1978

³ Bahlabela ingoma entsha phambi kwesihlalo sobukhosi laphambi kwezidalwa ezine eziphilayo laphambi kwabadala. Kakho olamandla okuyifunda leyongoma, kuphela abayizinkulungwane ezilikhulu lamatshumi amane lane abahlengiweyo emhlabeni.

IBhayibhili Elingcwele LesiNdebele

³ Bahlabela ingoma entsha phambi kwesihlalo sobukhosi laphambi kwezidalwa ezine eziphilayo kanye laphambi kwabadala. Kakho owayengayifunda ingoma leyo ngaphandle kwaba zinkulungwane ezilikhulu lamatshumi amane lane (144,000) ababehlengwe emhlabeni.

Isambulo 14:3 Mawu Ofanana

AmaHubo 144:9

Ngizakuhlabela kuwe ingoma entsha, Nkulunkulu; ngizakukutshayela ichacho elilentambo ezilitshumi,

AmaHubo 149:1

Dumisani iNkosi! Hlabelelani iNkosi ingoma entsha, indumiso yayo ibe sebandleni labathembekileyo.

AmaHubo 25:14

Ubuhlobo beNkosi bungobalabo abayesabayo, iyabazisa isivumelwano sayo.

AmaHubo 33:3

Ihlabeleleni ingoma entsha, litshaye kuhle ngenhlokomo.

AmaHubo 40:3

Yafaka ingoma entsha emlonyeni wami, ingoma yokubonga uNkulunkulu wami. Abanengi bazakukubona besabe, bayithembe iNkosi.

AmaHubo 96:1

Hlabelani eNkosini ihubo elitsha; hlabelani eNkosini, lina mhlaba wonke.

AmaHubo 98:1

Hlabelani iNkosi ihubo elitsha, ngoba yenzile izinto ezimangalisayo. Isandla sayo sokunene lengalo yayo engcwele kuyizuzele ukunqoba.

U-Isaya 42:10

Hlabelelani iNkosi ingoma entsha, liyidumise emhlabeni wonke. Luhlokome ulwandle lakho konke okukilo, lamazwe angasolwandle, labo abakhe kiwo.

1 AbaseKhorinte 1:18

Indaba yesiphambano iyibuthutha kulabo ababhubhayo, kodwa kithi abasiliswayo ingamandla kaNkulunkulu.

1 AbaseKhorinte 2:14

Umuntu wemvelo kazamukeli izinto zikaMoya kaNkulunkulu, ngoba ziyibuthutha kuye; kalawo amandla okuziqedisisa, ngoba ziqedisiswa ngokuboniswa nguMoya.

Isambulo 14:1

Ngasengikhangela, ngabona iWundlu limi entabeni yaseZiyone, kumi kanye lalo abayizinkulungwane ezilikhulu lamatshumi amane lane, abalotshwe ibizo lalo lelikaYise emabunzini abo.

Isambulo 15:3

Bahlabela ingoma kaMose inceku kaNkulunkulu lengoma yeWundlu besithi: Mikhulu, iyamangalisa imisebenzi yakho, Nkosi Nkulunkulu, Somandla; zilungile, ziqotho izindlela zakho, Nkosi yazo zonke izikhathi.

Isambulo 2:17

Olendlebe kezwe lokho akutshoyo uMoya emabandleni. Onqobayo ngizakumnika enye imana kwefihliweyo, ngimnike lelitshe elimhlophe okulotshwe kulo ibizo elitsha elingaziwa muntu, kuphela lowo olamukelayo.

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;

Isambulo 7:4

Ngasengitshelwa ubunengi bababekwa uphawu, baba zinkulungwane ezilikhulu lamatshumi amane lane, ababekwa uphawu ezizweni zonke zakoIsrayeli;