Isambulo 14:1 - iBhayibhili Elingcwele 1978

¹ Ngasengikhangela, ngabona iWundlu limi entabeni yaseZiyone, kumi kanye lalo abayizinkulungwane ezilikhulu lamatshumi amane lane, abalotshwe ibizo lalo lelikaYise emabunzini abo.

IBhayibhili Elingcwele LesiNdebele

¹ Ngabuya ngakhangela, khonapho phambi kwami kwakuleWundlu, limi phezu kweNtaba iZiyoni, lilabazinkulungwane ezilikhulu lamatshumi amane lane (144,000) ababelotshwe ibizo lalo lelikaYise emabunzini abo.

Isambulo 14:1 Mawu Ofanana

AmaHubo 2:6

Ngibekile inkosi yami eZiyone, entabeni yami engcwele.

U-Isaya 49:14

Kodwa iZiyone lathi: INkosi ingitshiyile, iNkosi yami ingikhohliwe.

UJeremiya 1:11

Ilizwi leNkosi lafika kimi lisithi: Jeremiya, ubonani na? Ngathi: Ngibona uswazwi lwe‐alimondi.

UHezekhiyeli 1:4

Kwathi lapho ngikhangela, ngabona umoya wesivunguzane ovela enyakatho, leyezi elikhulu elicwazimulayo, lomlilo ovuthayo njalonjalo, phakathi komlilo kwakukhona okungathi lithusi elikhazimulayo.

UHezekhiyeli 10:1

Ngasengibona ngasemkhathini owawungaphezu kwamakherubi okunjengelitshe elithiwa yisafire kufana lesihlalo sobukhosi.

UHezekhiyeli 10:9

Ngakhangela ngabona amavili amane eceleni kwamakherubi, ivili elilodwa liphansi kwekherubi ngalinye. Amavili ayecwazimula njengelitshe elithiwa yitopazi.

UHezekhiyeli 2:9

Kwathi lapho ngikhangela, ngabona isandla eselulelwe kimi siphethe umqulu wencwadi.

UHezekhiyeli 44:4

Wasengihambisa ngendlela yangasesangweni elingasenyakatho, wangiletha ngaphambi kwethempeli. Ngakhangela ngabona inkazimulo yeNkosi igcwalise ithempeli leNkosi, ngathi mbo ngobuso.

UHezekhiyeli 8:7

Wasengisa emnyango weguma; kwathi lapho ngikhangela, ngabona imbobo emdulini.

UHezekhiyeli 9:4

yathi kuye: Dabula phakathi komuzi waseJerusalema, ufake uphawu emabunzini abantu ababubulayo bekhala ngawo wonke amanyala enziwa phakathi kwawo.

UDanyeli 12:5

Ngasengikhangela, mina Daniyeli, ngabona ababili bemi, omunye enganeno komfula lomunye engaphetsheya.

UJoweli 2:32

Kuzakuthi bonke abakhuleka ebizweni leNkosi bakhululwe; ngoba entabeni yaseZiyone kuzakuba khona labo abaphunyukileyo, njengokutsho kweNkosi, laseJerusalema kube khona abaseleyo ababizwe yiNkosi.

uAmosi 8:2

Yathi kimi: Amosi, ubonani na? Ngathi: Ngibona isitsha sezithelo zasehlobo. INkosi yasisithi kimi: Ukuphela sekufikile ebantwini bami uIsrayeli; kangisayikubayekela futhi.

UMikha 4:7

Abaqhulayo ngizakubenza babe lixukwana labaseleyo, labadeliweyo babe yisizwe esilamandla; iNkosi izakubabusa entabeni yaseZiyone, kusukela khathesi kuze kube nininini.

UZakhariya 4:2

Sathi kimi: Ubonani? Ngathi: Ngibona uluthi lwesibane olwenziwe ngegolide kuphela, phezu kwalo lulomganu wamafutha, lezibane eziyisikhombisa, lezimbobo zezibane eziyisikhombisa.

ULukha 12:8

Njalo ngithi kini: Yilowo lalowo ongivuma phambi kwabantu, leNdodana yomuntu layo izakumvuma phambi kwezithunywa zikaNkulunkulu;

AbaseRoma 9:33

njengokulotshiweyo ukuthi: Khangela, ngibeka eZiyone ilitshe lokukhubekisa, ledwala lokuwisa; okholwa kuye kayikuyangeka.

Isambulo 14:14

Ngasengikhangela, ngabona iyezi elimhlophe, kuhlezi phezu kwalo ofana omuntu elomqhele wegolide ekhanda lakhe, ephethe isikela ebukhali esandleni sakhe.

Isambulo 14:3

Bahlabela ingoma entsha phambi kwesihlalo sobukhosi laphambi kwezidalwa ezine eziphilayo laphambi kwabadala. Kakho olamandla okuyifunda leyongoma, kuphela abayizinkulungwane ezilikhulu lamatshumi amane lane abahlengiweyo emhlabeni.

Isambulo 15:5

Emva kwalokho ngabona, sekuvulwa ithempeli lethente lobufakazi,

Isambulo 22:4

zizakubona ubuso bakhe, lebizo lakhe lizakuba semabunzini azo.

Isambulo 3:12

Onqobayo ngizakumenza insika ethempelini likaNkulunkulu wami, kasoze aphuma kulo; ngizakuloba ibizo likaNkulunkulu wami phezu kwakhe, lebizo lomuzi kaNkulunkulu wami iJerusalema elitsha elehla livela kuNkulunkulu wami ezulwini, lebizo lami elitsha.

Isambulo 4:1

Emva kwalokhu ngakhangela, ngabona umnyango uvulekile ezulwini, lelizwi lokuqala engangilizwile likhuluma lami njengophondo, lathi: Yenyukela lapha, ngizakukutshengisa lokho okuzakwenzeka emva kwalokhu.

Isambulo 6:8

Ngakhangela, ngabona ibhiza eliliganu, oligadileyo ibizo lakhe kwakuthiwa ngukuFa, leHadesi lamlandela. Wanikwa amandla phezu kwengxenye yesine yokomhlaba ukuba abulale ngomkhonto, langendlala, langomkhuhlane, langezilo.