Isambulo 13:17 - iBhayibhili Elingcwele 1978

¹⁷ ukuba kungabi khona othengayo loba othengisayo, uba engelalo uphawu olulibizo lesilo loba isibalo sebizo laso.

IBhayibhili Elingcwele LesiNdebele

¹⁷ ukuze angabikhona ozathenga kumbe athengise ngaphandle kokuba elophawu lolo olulibizo lesilo leso loba inombolo yebizo laso.

Isambulo 13:17 Mawu Ofanana

AbaseGalathiya 6:17

Kangingabe ngisahlutshwa muntu, ngoba ngilazo emzimbeni wami impawu zikaJesu.

Isambulo 13:16

Senza futhi ukuba bonke, abancinyane labakhulu, abanothileyo labayanga, abakhululekileyo lezigqili, batshiswe uphawu esandleni sokunene loba emabunzini,

Isambulo 13:18

Nanku ukuhlakanipha. Olengqondo kabale isibalo sesilo, ngoba siyisibalo somuntu; isibalo sakhe singamakhulu ayisithupha lamatshumi ayisithupha lesithupha.

Isambulo 14:11

Lentuthu yomlilo wokuhlutshwa kwabo ithunqa kuze kube nininini; kabalakuphumula emini lebusuku laba abakhonza isilo lomfanekiso waso, lalowo obekwe uphawu lwebizo laso.

Isambulo 14:9

Salandela esinye isithunywa sesithathu, simemeza ngelizwi elikhulu sisithi: Uba kukhona okhonza isilo lomfanekiso waso, obekwe uphawu ebunzini lakhe kumbe esandleni sakhe,

Isambulo 15:2

Ngabona okungathi lulwandle lwengilazi luxubene lomlilo, lalabo abasebesinqobile isilo lomfanekiso waso lesibalo sebizo laso bemi eceleni kolwandle lwengilazi, bephethe amachacho kaNkulunkulu.

Isambulo 17:5

ebunzini lakhe kwakulotshiwe ibizo eliyimfihlakalo lokuthi: IBabiloni elikhulu, unina weziphingi lowamanyala wonke omhlaba.

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

Isambulo 22:4

zizakubona ubuso bakhe, lebizo lakhe lizakuba semabunzini azo.

Isambulo 3:12

Onqobayo ngizakumenza insika ethempelini likaNkulunkulu wami, kasoze aphuma kulo; ngizakuloba ibizo likaNkulunkulu wami phezu kwakhe, lebizo lomuzi kaNkulunkulu wami iJerusalema elitsha elehla livela kuNkulunkulu wami ezulwini, lebizo lami elitsha.

Isambulo 7:3

sisithi: Lingoni umhlaba lolwandle lezihlahla, size sibeke uphawu lukaNkulunkulu wethu emabunzini ezinceku zakhe.