Isambulo 12:11 - iBhayibhili Elingcwele 1978

¹¹ Bamnqobile ngegazi leWundlu langelizwi lobufakazi babo, ngoba badela ukuphila kwabo kwaze kwaba sekufeni.

IBhayibhili Elingcwele LesiNdebele

¹¹ Bamnqobile ngegazi leWundlu langelizwi lobufakazi babo; kabakuthandanga kakhulu ukuphila kwabo ukuba besabe ukufa.

Isambulo 12:11 Mawu Ofanana

ULukha 14:26

Uba umuntu esiza kimi engazondi uyise lonina lomkakhe labantwana labafowabo lodadewabo, yebo, ngitsho lokusila kwakhe, angebe ngumfundi wami.

UJohane 16:33

Ngikhulume lokhu kini ukuba libe lokuthula kimi. Emhlabeni lizakuba losizi, kodwa manini isibindi, mina ngiwunqobile umhlaba.

Imisebenzi 20:24

Kodwa ukusila kwami angikutshayi into enkulu leligugu kimi, kuphela ukuba ngiphelelise uhambo lwami lenkonzo engayamukela eNkosini uJesu eyokufakaza ngevangeli lomusa kaNkulunkulu.

Imisebenzi 21:13

UPawuli wasephendula esithi: Lenzani likhala lidabula inhliziyo yami na? Ngoba sengilungele, kungesikho ukubotshwa kuphela, kodwa lokufa eJerusalema ngenxa yebizo leNkosi uJesu.

AbaseRoma 16:20

UNkulunkulu uzakumchoboza masinyane uSathane ngaphansi kwenyawo zenu.

1 AbaseKhorinte 15:57

Kodwa kabongwe uNkulunkulu osinika ukunqoba ngeNkosi yethu uJesu Kristu.

1 UJohane 4:4

Bantwana, lina lingabakaNkulunkulu, futhi selibahlule bona, ngoba lowo okini mkhulu kulalowo osemhlabeni.

1 UJohane 5:5

Ngubani onqoba umhlaba uba kungesuye okholwa ukuthi uJesu uyiNdodana kaNkulunkulu na?

Isambulo 1:2

owafakazela ilizwi likaNkulunkulu lobufakazi bukaJesu Kristu lakukho konke akubonayo.

Isambulo 1:9

Mina Johane, umzalwane wenu lohlanganyela kanye lani ekuhluphekeni lasembusweni lasekubekezeleni esilakho kuJesu, ngangisesihlengeni esithiwa yiPatmosi ngenxa yelizwi likaNkulunkulu langenxa yokufakazela uJesu.

Isambulo 11:7

Kuzakuthi sebebuqedile ubufakazi babo, isilo esiphuma emgodini ongelamkhawulo silwe labo, sibanqobe, sibabulale.

Isambulo 12:17

Umgobho wamthukuthelela owesifazana, wasuka wayakulwa labaseleyo benzalo yakhe, labo abagcina imilayo kaNkulunkulu labafakazela uJesu.

Isambulo 19:10

Ngasengiziwisela phansi ngasenyaweni zaso ukusikhonza. Kodwa sathi kimi: Musa ukwenza lokhu; lami ngiyinceku kanye lawe labazalwane bakho abafakazela uJesu. Dumisa uNkulunkulu. Labo abafakazela uJesu baloMoya njengabaprofethi.

Isambulo 2:13

uthi: Ngiyazi lapho wakhe khona, lapho kukhona isihlalo sobukhosi sikaSathane; kanti ubambelele ebizweni lami, kawuphikanga ukukholwa kwakho lasensukwini zikaAntipasi, ufakazi wami othembekileyo, owabulawelwa phakathi kwenu lapho uSathane ahlala khona.

Isambulo 2:17

Olendlebe kezwe lokho akutshoyo uMoya emabandleni. Onqobayo ngizakumnika enye imana kwefihliweyo, ngimnike lelitshe elimhlophe okulotshwe kulo ibizo elitsha elingaziwa muntu, kuphela lowo olamukelayo.

Isambulo 2:26

Onqobayo logcina imisebenzi yami kuze kube sekupheleni ngizakumnika amandla phezu kwezizwe,

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

Isambulo 3:12

Onqobayo ngizakumenza insika ethempelini likaNkulunkulu wami, kasoze aphuma kulo; ngizakuloba ibizo likaNkulunkulu wami phezu kwakhe, lebizo lomuzi kaNkulunkulu wami iJerusalema elitsha elehla livela kuNkulunkulu wami ezulwini, lebizo lami elitsha.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.

Isambulo 3:5

Onqobayo uzakwambathiswa ngokunjalo ingubo ezimhlophe; kangiyikulesula ibizo lakhe encwadini yokuphila, ngoba ngizakulivuma phambi kukaBaba laphambi kwezithunywa zakhe.

Isambulo 6:9

Lalapho livula uphawu lwesihlanu, ngabona ngaphansi kwealtare imiphefumulo yalabo ababebulewe ngenxa yelizwi likaNkulunkulu langenxa yobufakazi ababelabo.