Isambulo 12:10 - iBhayibhili Elingcwele 1978

¹⁰ Ngasengisizwa ilizwi elikhulu ezulwini lisithi: Khathesi ukunqoba lamandla lobukhosi ngokukaNkulunkulu wethu, lokubusa kukaKristu wakhe, sekufikile; ngoba uphoselwe phansi ummangaleli wabazalwane bethu obamangalelayo emini lebusuku phambi kukaNkulunkulu.

IBhayibhili Elingcwele LesiNdebele

¹⁰ Ngasengisizwa ilizwi elikhulu ezulwini lisithi: “Khathesi ukusindiswa sekufikile lamandla kanye lombuso kaNkulunkulu wethu kanye lobukhosi bukaKhristu wakhe. Ngoba umangaleli wabazalwane bethu, obamangalelayo phambi kukaNkulunkulu wethu emini lebusuku, usephoselwe phansi.

Isambulo 12:10 Mawu Ofanana

1 ImiLando 29:11

Bungobakho, wena Nkosi, ubukhulu lamandla lodumo lokunqoba lobukhosi; ngoba konke okusezulwini lokusemhlabeni kungokwakho; umbuso ungowakho, Nkosi; wena uphakeme, uyinhloko phezu kwakho konke.

UJobe 1:11

Kodwa akewelule isandla sakho, uthinte konke alakho; uzakukuthuka ebusweni bakho.

UJobe 1:9

USathane wayiphendula iNkosi wathi: UJobe umesabela ize uNkulunkulu na?

UJobe 2:5

Kodwa ake welule isandla sakho, uthinte ithambo lakhe lenyama yakhe; uzakukuthuka ebusweni bakho.

AmaHubo 22:28

Ngoba umbuso ungoweNkosi, yiyo ebusa izizwe.

AmaHubo 45:6

Isihlalo sakho sobukhosi osinikwe nguNkulunkulu simi kuze kube nininini, lentonga yakho yobukhosi iyintonga yokulunga.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UMatewu 26:64

UJesu wathi kuye: Kutsho wena. Kodwa ngithi kini: Kusukela khathesi lizakubona iNdodana yomuntu ihlezi ngakwesokunene saMandla, isiza ngamayezi aphezulu.

UMatewu 28:18

UJesu wasondela, wakhuluma labo esithi: Aphiwe mina amandla wonke ezulwini lasemhlabeni;

UMatewu 6:10

umbuso wakho kawuze, intando yakho kayenziwe, emhlabeni njengasezulwini.

ULukha 11:2

Wathi kubo: Nxa likhuleka, kalibokuthi: Baba, kalidunyiswe ibizo lakho, umbuso wakho kawuze.

ULukha 22:31

Simoni, Simoni, khangela, uSathane wacela ukuba alihlungule njengamabele;

1 AbaseKhorinte 5:4

ukuba ebizweni leNkosi uJesu selihlangene lina lomoya wami kanye lamandla eNkosi yethu uJesu Kristu,

2 AbaseKhorinte 12:9

Kodwa yathi kimi: Umusa wami ukwanele; ngoba amandla ami apheleliswa ebuthakathakeni. Ngakhoke ngizakujabulela ukuzincoma ngobuthakathaka bami, ukuze amandla kaKristu ahlale phezu kwami.

UThithu 2:3

Ngokunjalo weluleke labesifazana abadala ukuba baziphathe ngokufaneleyo, bangabi ngabahlebayo, bangafuywa yikunatha; kababe ngabafundisi bokuhle,

1 UPhethro 5:8

Phaphamani lilinde; ngoba isitha senu, uSathane, siyahambahamba njengesilwane esibhongayo sidinga esingabadla.

Isambulo 11:15

Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.

Isambulo 2:26

Onqobayo logcina imisebenzi yami kuze kube sekupheleni ngizakumnika amandla phezu kwezizwe,

Isambulo 7:10

limemeza ngelizwi elikhulu lisithi: Ukunqoba kungokukaNkulunkulu wethu ohlezi esihlalweni sobukhosi, lokweWundlu.