Isambulo 11:3 - iBhayibhili Elingcwele 1978

³ Ngizakubanika ofakazi bami ababili amandla okutshumayela insuku eziyinkulungwane lamakhulu amabili lamatshumi ayisithupha begqoke amasaka.

IBhayibhili Elingcwele LesiNdebele

³ Ofakazi bami ababili ngizabanika amandla njalo bazaphrofitha insuku eziyinkulungwane lamakhulu amabili lamatshumi ayisithupha (1,260), begqoke izigqoko zamasaka.”

Isambulo 11:3 Mawu Ofanana

UGenesisi 37:34

UJakobe wadabula ingubo zakhe, wagqoka izambatho zokulila, wayililela indodana yakhe insuku ezinengi.

2 USamuyeli 3:31

UDavida wasesithi kuJowabi lakubo bonke abantu ababelaye: Dabulani izigqoko zenu, ligqoke izambatho zokulila, lililele uAbineri. Inkosi uDavida walandela ithala.

1 AmaKhosi 21:27

Kwathi uAhabi esizwa lamazwi wadabula izigqoko zakhe, wagqoka izambatho zokulila, wazila ukudla, walala ngezambatho zokulila, wahamba edanile.

2 AmaKhosi 19:1

Kwathi lapho inkosi uHezekiya isizwile, yadabula izigqoko zayo, yagqoka isambatho sokulila, yangena ethempelini.

1 ImiLando 21:16

UDavida waphakamisa amehlo akhe, wabona isithunywa seNkosi simi phezulu emoyeni siphethe umhedla, siwelulele phezu kweJerusalema. UDavida labadala bathi mbo ngobuso phansi begqoke izambatho zokulila.

UNehemiya 9:1

Ngosuku lwamatshumi amabili lane lwaleyonyanga abakoIsrayeli babuthanela ukuzila ukudla, begqoke izambatho zokulila, begcwele uthuli emakhanda.

UJobe 16:15

Ngathunga isambatho sokulila ngesaka ukuba ngembathe, ngakhothamela phansi othulini.

AmaHubo 69:11

Lapho ngisambatha ingubo yokulila ngaba yisiga kibo.

U-Isaya 22:12

Ngalolosuku iNkosi uNkulunkulu wamabandla yalibizela ukuba likhale lilile, liphuce amakhanda, ligqoke izambatho zokulila;

UJeremiya 1:10

Ngiyakubeka lamhla phezu kwezizwe laphezu kwemibuso, ukusiphuna lokudiliza, ukubhubhisa lokuchitha, ukwakha lokuhlanyela.

Izililo 2:10

Abadala baseZiyone bahlezi phansi bethule, bathele uthuli emakhanda abo, bagqoke izambatho zokulila. Intombi zaseJerusalema zikhothamisele phansi amakhanda azo.

UHezekhiyeli 4:6

Lapho usuziphelelisile lezonsuku, uzalala phansi ngokwesibili, kodwa ngomhlubulo wangakwesokunene, uthwale ukona kwakoJuda insuku ezingamatshumi amane; usuku olulodwa ngilumisele umnyaka.

UDanyeli 12:7

Lowomuntu ogqoke ilembu elihle, owayemi ngaphezu komfula, waphakamisela isandla sokunene lesandla sakhe sokhohlo phezulu; ngamuzwa efunga ngalowo ophila kuze kube nininini ukuba kuzakuba ngokweminyaka emithathu lengxenye. Lapho sekuphelile ukufohlozwa kwamandla abantu abangcwele, zonke lezizinto zizaphela.

UDanyeli 7:25

Izakhuluma kubi ngoPhezukonke, ihluphe abangcwele boPhezukonke. Izanakana ukuguqula izikhathi zemikhosi lomlayo. Abangcwele bazanikelwa esandleni sayo, iminyaka emithathu lengxenye.

UDanyeli 8:14

Sathi kuso: Kuzaze kube yizikhathi zokuhlwa lezokusa eziyizinkulungwane ezimbili lamakhulu amathathu zokunikelwa kweminikelo; besekulungiswa indawo engcwele.

UJoweli 1:13

Gqokani izambatho zokulila, likhale, lina bapristi, lilani, lina zikhonzi zasealtareni. Ngenani, lilale lambethe izambatho zokulila bonke ubusuku, lina zikhonzi zikaNkulunkulu wami. Ngoba umnikelo wempuphu lomnikelo wokunathwayo igodliwe ukunikelwa endlini kaNkulunkulu wenu.

UJona 3:5

Abantu baseNineve bakholwa kuNkulunkulu, bamemezela ukuba kuzilwe ukudla, bagqoka izambatho zokulila, kusukela komkhulu wabo kwaze kwafika komncinyane.

UJona 3:8

bonke kabagqoke izambatho zokulila, bakhale kakhulu kuNkulunkulu, baphenduke bonke endleleni zabo ezimbi lasebubini bonke ababenzayo.

AmaNani 11:26

Amadoda amabili ayesalele ezihonqweni, uElidadi loMedadi; umoya wehlela laphezu kwabo. Amabizo awo ayephakathi kwalabo abalotshiweyo, kodwa kawayanga ethenteni; atshumayela esezihonqweni.

UMatewu 11:21

Wathi: Maye kuwe Korazini! Maye kuwe Betsayida! Ngoba uba kwakwenziwe eTire leSidoni imisebenzi yamandla eyenziwe kini, ngabe kade baphenduka bembatha amasaka bazithela ngomlotha.

UMatewu 18:16

Kodwa uba engakuzwa, thatha abe munye ingabe babe babili bahambe lawe ukuba wonke amazwi aqiniswe ngemilomo yabofakazi ababili ingabe abathathu.

ULukha 10:13

Maye kuwe Korazini! Maye kuwe Betsayida! Ngoba uba kwakwenziwe eTire leSidoni imisebenzi yamandla eyenziwe kini, ngabe kade baphenduka, bahlala ngamasaka emlotheni.

ULukha 24:48

Linake lingofakazi balezizinto.

UJohane 15:27

Lani lingofakazi bami, ngoba belilami kusukela ekuqaleni.

UJohane 3:27

UJohane waphendula wathi: Umuntu angemukele ulutho, engalunikwanga luvela ezulwini.

Imisebenzi 1:8

kodwa lina lizakwamukela amandla, esefikile phezu kwenu uMoya oNgcwele, libe ngofakazi bami eJerusalema, lakulo lonke elaseJudiya laseSamariya kuze kube semikhawulweni yomhlaba.

Imisebenzi 13:31

Wabonwa insuku ezinengi yilabo ababekhuphuke laye eGalili ukuya eJerusalema, asebengofakazi bakhe ebantwini.

Imisebenzi 2:32

UJesu lo, uNkulunkulu wamvusa, singofakazi balokhu thina sonke.

Imisebenzi 3:15

labulala iNkosi yokuphila ayivusayo uNkulunkulu kwabafileyo, esingofakazi bakho thina.

1 AbaseKhorinte 12:28

UNkulunkulu umisile abathile ebandleni; kuqala abaphostoli, okwesibili abaprofethi, okwesithathu abafundisi, besekusiba abenzi bezimangaliso, besekusiba abasilisayo, labasizayo, labaphathi, labakhuluma ngendimi ezehlukeneyo.

2 AbaseKhorinte 13:1

Lokhu kungokwesithathu ukuza kwami kini; izindaba zonke zifanele ukuqiniswa ngemilomo yabofakazi ababili ingabe abathathu.

Abase-Efesu 4:11

Wanika izipho zakhe ukuba abanye babe ngabaphostoli, abanye babe ngabaprofethi, abanye babe ngabavangeli, labanye babe ngabelusi bebandla, abanye babe ngabafundisi,

UDutheronomi 17:6

Umuntu ofanele ukufa angabulawa kuphela ngamazwi ofakazi ababili loba abathathu; kodwa umuntu kayikubulawa ngamazwi ofakazi oyedwa nje.

UDutheronomi 19:15

Ufakazi oyedwa nje angafakazi ngomuntu olecala loba olesono asenzileyo; kodwa indaba ingaqiniswa ngamazwi abofakazi ababili, loba abathathu.

Isambulo 1:5

lakuJesu Kristu ufakazi othembekileyo, olizibulo kwabafileyo lombusi wamakhosi omhlaba. Kuye osithandayo lowasikhulula ezonweni zethu ngegazi lakhe,

Isambulo 11:2

Kodwa ungalinganisi iguma elingaphandle kwethempeli, ulitshiye ngaphandle; ngoba linikiwe izizwe, zona zizakunyathela phansi umuzi ongcwele inyanga ezingamatshumi amane lambili.

Isambulo 11:6

Balamandla laba okuvala izulu ukuba lingani ngezinsuku zokutshumayela kwabo; futhi balamandla phezu kwamanzi okuba bawaphendule abe ligazi lawokwehlisela umhlaba izifo zonke ngokuthanda kwabo.

Isambulo 12:6

lowesifazana wabalekela enkangala, lapho okwakulendawo ayeyilungiselwe nguNkulunkulu, ukuba ondliwe khona insuku eziyinkulungwane lamakhulu amabili lamatshumi ayisithupha.

Isambulo 13:5

Isilo sanikwa umlomo wokukhuluma amazwi okuzincoma lenhlamba, sanikwa amandla okwenza lokhu inyanga ezingamatshumi amane lambili.

Isambulo 19:10

Ngasengiziwisela phansi ngasenyaweni zaso ukusikhonza. Kodwa sathi kimi: Musa ukwenza lokhu; lami ngiyinceku kanye lawe labazalwane bakho abafakazela uJesu. Dumisa uNkulunkulu. Labo abafakazela uJesu baloMoya njengabaprofethi.

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.