Isambulo 10:1 - iBhayibhili Elingcwele 1978

¹ Ngasengibona esinye isithunywa esilamandla sisehla sivela ezulwini; sambethe iyezi, lomchilowamakhosikazi usekhanda laso; ubuso baso babunjengelanga, lemilenze yaso injengensika zomlilo.

IBhayibhili Elingcwele LesiNdebele

¹ Ngabuya ngabona enye ingilosi elamandla isehla ivela ezulwini. Yayembethe iyezi kulomchilo wamakhosikazi ngaphezu kwekhanda layo; ubuso bayo babunjengelanga; imilenze yayo injengensika zomlilo.

Isambulo 10:1 Mawu Ofanana

AmaHubo 104:3

owakha izindlu zakho phezu kwamanzi, owenza amayezi abe yinkolo yakho, ohamba ngamaphiko omoya,

AmaHubo 97:2

Iphahliwe ngamayezi lomnyama; ukulunga lokwahlulela kuyisisekelo sesihlalo sayo sobukhosi.

U-Eksodasi 16:10

Kwathi uAroni esakhuluma lebandla lonke lakoIsrayeli, bakhangela ngasenkangala, babona inkazimulo yeNkosi ibonakala eyezini.

Ingoma 5:15

Imilenze yaso izinsika zelitshe elilukhuni ezisezisekelweni zegolide elihle. Ukubukeka kwaso kunjengeLebanoni, kuhle njengemikusu.

U-Isaya 19:1

Leli yilizwe ngeGibithe. Khangela, iNkosi ikhwele eyezini elilejubane, iza eGibithe; izithombe zaseGibithe zizathuthumela phambi kwayo, lenhliziyo yabaseGibithe iphelelwe ngamandla.

U-Isaya 54:9

Ngoba lokho kunjengensukwini zikaNowa kimi; ngoba njengalokhu ngafunga ukuba amanzi kaNowa kawayikubuya agcwele umhlaba, ngokunjalo ngifungile ukuthi kangiyikukuthukuthelela, ngikusole.

Izililo 3:44

Wacatsha emayezini, ukuze imikhuleko yethu ingakufinyeleli.

UHezekhiyeli 1:28

Ukukhanya lokho okuvuthayo kwakunjengomchilo‐wamakhosikazi emayezini lapho izulu lisina; kunjengokubonakala kobukhosi beNkosi. Lapho ngibona lokho, ngathi mbo ngobuso phansi, ngezwa ilizwi likhuluma lami.

UDanyeli 10:6

Umzimba wakhe wawunjengelitshe elithiwa yiberila, lobuso bakhe bunjengokuphazima kombane, lamehlo akhe enjengezibane ezivuthayo, ingalo lemibala yakhe kunjengokukhazimula kwethusi elikhazimulayo, lokuzwakala kwelizwi lakhe kunjengomsindo wexuku.

UDanyeli 7:13

Ngabona emibonweni ebusuku kufika lamayezi aphezulu ofanana lendodana yomuntu, wafika koyisimakade, wasondezwa phambi kwakhe.

ULevi 16:2

yathi kuMose: Mtshele uAroni umfowenu ukuba angangeni njalo endaweni engcwele engaphakathi kweveli, phambi kwesihlalo somusa esiphezu komtshokotsho, ukuba angafi; ngoba ngizakubonakala eyezini phezu kwesihlalo somusa.

UMatewu 17:2

Waphenduka isimo phambi kwabo, ubuso bakhe bakhanya njengelanga, lengubo zakhe zaba mhlophe njengokukhanya.

ULukha 21:27

Kubeng’khona bezakuyibona iNdodana yomuntu isiza eyezini, ilamandla lenkazimulo enkulu.

Imisebenzi 26:13

emini enkulu, nkosi, ngisendleleni, ngabona ukukhanya kuvela ezulwini, kudlula ukukhanya kwelanga, kwangizingelezela inxa zonke lalabo ababehamba lami.

Isambulo 1:7

Khangelani, uyeza lamayezi; amehlo wonke azakumbona, labo bonke abamgwazayo; lezizwe zonke zomhlaba zizakulila ngenxa yakhe. Yebo, kuzakuba njalo. Ameni.

Isambulo 18:1

Emva kwalokho ngabona esinye isithunywa sisehla sivela ezulwini, silamandla amakhulu, lomhlaba wakhanyiswa yikukhazimula kwaso.

Isambulo 18:21

Isithunywa esilamandla safukula ilitshe elinjengelokuchola, saliphosela olwandle sisithi: Ngokunjalo iBabiloni umuzi omkhulu lizakuphoselwa phansi ngamandla, lingabe lisafunyanwa.

Isambulo 20:1

Ngasengibona isithunywa sisehla sivela ezulwini siphethe esandleni saso ikhiye yomgodi ongelamkhawulo leketane elikhulu.

Isambulo 4:3

Lohleziyo wayefana lelitshe elithiwa ijaspi, lelithiwa ikorneliya, ukukhangeleka kwakhe; lomchilowamakhosikazi ofana lelitshe elithiwa iemeraldi wawuzingelezele isihlalo sobukhosi.

Isambulo 5:2

Ngasengibona isithunywa esilamandla simemeza ngelizwi elikhulu sisithi: Ngubani ofanele ukuvula lincwadi lokuqhaqha impawu zayo na?

Isambulo 8:13

Ngasengikhangela, ngezwa ukhozi luphapha emkhathini lukhala ngelizwi elikhulu lusithi: Maye, maye, maye kulabo abakhileyo emhlabeni, lapho sekukhala impondo ezizakukhaliswa yizithunywa ezintathu zokucina!