Isambulo 1:9 - iBhayibhili Elingcwele 1978

⁹ Mina Johane, umzalwane wenu lohlanganyela kanye lani ekuhluphekeni lasembusweni lasekubekezeleni esilakho kuJesu, ngangisesihlengeni esithiwa yiPatmosi ngenxa yelizwi likaNkulunkulu langenxa yokufakazela uJesu.

IBhayibhili Elingcwele LesiNdebele

⁹ Mina Johane, umzalwane wenu lomkhula wenu ekuhluphekeni lasembusweni kanye lekubekezeleni ngesineke okungokwethu kuJesu, ngangisesihlengeni sasePhathimosi ngenxa yelizwi likaNkulunkulu lobufakazi bukaJesu.

Isambulo 1:9 Mawu Ofanana

UMatewu 20:23

Wathi kibo: Impela, lizakuyinatha inkezo yami, kodwa ukuhlala ngakwesokunene sami langakwesokhohlo sami, kayisikho kwami ukuphana ngakho, kodwa kungokwalabo abakulungiselweyo nguBaba.

UMakho 10:39

Bathi kuye: Singakwenza. UJesu wathi kubo: Inkezo engiyinathayo mina lizakuyinatha, lizakubhaphathizwa ngobhaphathizo engibhaphathizwa ngalo mina;

UJohane 16:33

Ngikhulume lokhu kini ukuba libe lokuthula kimi. Emhlabeni lizakuba losizi, kodwa manini isibindi, mina ngiwunqobile umhlaba.

Imisebenzi 1:15

Ngalezonsuku uPetro wasukuma phakathi kwabazalwane, ixuku labantu ababekhona lalingaba likhulu lamatshumi amabili, wathi:

Imisebenzi 14:22

beqinisa imimoya yabafundi bebaluleka ukuba babambelele ekukholweni, besithi: Simele ukungena embusweni kaNkulunkulu ngenhlupheko ezinengi.

AbaseRoma 8:17

uba singabantwana, siyizindlalifa futhi, izindlalifa zikaNkulunkulu lezindlalifa kanye loKristu, uba phela sihlupheka kanye laye ukuze sidunyiswe kanye laye.

AbaseRoma 8:25

Kodwa uba sithemba lokho esingakuboniyo, sikulindela ngokubekezela.

2 AbaseKhorinte 1:7

Ithemba lethu ngani liqinile, ngoba siyazi ukuthi njengalokhu lihlanganyela lathi ezinhluphekweni zethu, ngokunjalo lizakuhlanganyela kanye lathi enduduzweni yethu.

AbaseFiliphi 1:7

Impela kufanele ukuba ngikhumbule ngokunjalo ngani lonke, ngoba ngiyalithanda kakhulu, ngoba ekubotshweni kwami lasekuvikeleni kwami lasekuqiniseleni kwami ivangeli lina lonke lihlanganyela lami, emuseni kaNkulunkulu.

AbaseFiliphi 4:14

Kodwa lenze kuhle ngokuhlanganyela kwenu ekuhluphekeni kwami.

2 AbaseThesalonika 3:5

INkosi ayiqondise inhliziyo zenu othandweni lukaNkulunkulu lasekubekezeleni kukaKristu.

2 uTimothi 1:8

Ngalokhoke ungabi lanhloni lapho ufakazela iNkosi yethu, loba ngami isibotshwa sayo, kodwa hlanganyela ukuhluphekela ivangeli ngamandla kaNkulunkulu.

AmaHebheru 10:36

Ngoba lifanele ukubekezela, ukuze kuthi seliyenzile intando kaNkulunkulu lamukeliswe okwathenjiswayo.

1 UPhethro 5:1

Ngakhoke ngiyabalaya abadala bebandla abaphakathi kwenu, mina engingomdala kanye labo, lofakazi wezinhlupheko zikaKristu, lomhlanganyeli wenkazimulo ezakwambulwa kithi.

Isambulo 1:1

Lesi yisambulelo sikaJesu Kristu amnika sona uNkulunkulu, ukuba abonise inceku zakhe izinto ezimele ukwenzeka masinyane. Wathuma isithunywa sakhe ukuyibonisa inceku yakhe uJohane,

Isambulo 1:2

owafakazela ilizwi likaNkulunkulu lobufakazi bukaJesu Kristu lakukho konke akubonayo.

Isambulo 1:4

Mina Johane ngithi kuwo amabandla ayisikhombisa aseAsiya: Kakube kini umusa lokuthula okuvela kuye okhona lowayekhona lozakuba khona, lakubomoya abayisikhombisa abaphambi kwesihlalo sakhe sobukhosi,

Isambulo 1:6

lowasenza saba ngumbuso labapristi kuNkulunkulu uYise, kakube kuye ubukhosi lamandla kuze kube nininini. Ameni.

Isambulo 11:7

Kuzakuthi sebebuqedile ubufakazi babo, isilo esiphuma emgodini ongelamkhawulo silwe labo, sibanqobe, sibabulale.

Isambulo 12:11

Bamnqobile ngegazi leWundlu langelizwi lobufakazi babo, ngoba badela ukuphila kwabo kwaze kwaba sekufeni.

Isambulo 12:17

Umgobho wamthukuthelela owesifazana, wasuka wayakulwa labaseleyo benzalo yakhe, labo abagcina imilayo kaNkulunkulu labafakazela uJesu.

Isambulo 13:10

Uba ekhona okumele athunjwe, uzakuthunjwa; lobulalayo ngomkhonto uzakubulawa ngomkhonto. Nanti ithuba lokubekezela lokusebenzisa ukukholwa kwabangcwele.

Isambulo 14:12

Nanti ithuba lokubekezela kwabangcwele, labo abagcina imilayo kaNkulunkulu lokukholwa kuJesu.

Isambulo 19:10

Ngasengiziwisela phansi ngasenyaweni zaso ukusikhonza. Kodwa sathi kimi: Musa ukwenza lokhu; lami ngiyinceku kanye lawe labazalwane bakho abafakazela uJesu. Dumisa uNkulunkulu. Labo abafakazela uJesu baloMoya njengabaprofethi.

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

Isambulo 3:10

Ngoba ugcinile umlayo wami wokuba ubekezele, lami ngizakukugcina ngesikhathi sokulingwa okuzakufika emhlabeni wonke ukulinga bonke abakhileyo kuwo.

Isambulo 6:9

Lalapho livula uphawu lwesihlanu, ngabona ngaphansi kwealtare imiphefumulo yalabo ababebulewe ngenxa yelizwi likaNkulunkulu langenxa yobufakazi ababelabo.

Isambulo 7:14

Ngasengisithi kuye: Nkosi, nguwe owaziyo. Wasesithi kimi: Laba yibo abaphuma ezinhluphekweni ezinkulu, bagezisa ingubo zabo, bazenza zaba mhlophe egazini leWundlu.