Isambulo 1:6 - iBhayibhili Elingcwele 1978

⁶ lowasenza saba ngumbuso labapristi kuNkulunkulu uYise, kakube kuye ubukhosi lamandla kuze kube nininini. Ameni.

IBhayibhili Elingcwele LesiNdebele

⁶ njalo osenze saba ngumbuso labaphristi ukuba sisebenzele uNkulunkulu wakhe loYise, kakube kuye udumo lamandla kuze kube nininini! Ameni.

Isambulo 1:6 Mawu Ofanana

U-Eksodasi 19:6

lizakuba ngumbuso wabapristi lesizwe esingcwele kimi. Yiwo amazwi ozakuwatsho kwabakoIsrayeli.

U-Isaya 61:6

Kodwa lina lizakuthiwa lingabapristi beNkosi, libizwe ngokuthi yizikhonzi zikaNkulunkulu wethu; lizakudla imfuyo yezizwe, lithokoze ngenotho yazo.

UDanyeli 4:34

Ekupheleni kweminyaka emisiweyo mina Nebukadineza ngaphakamisela amehlo ami phezulu, lengqondo yami yabuya kimi; ngambonga oPhezukonke, ngamdumisa, ngamphakamisa yena ohlala kuze kube nininini. Ngoba ukubusa kwakhe kakulakuphela, lombuso wakhe ungowezizukulwana zonke;

UDanyeli 7:14

Wanikwa amandla okubusa, lodumo, lombuso, ukuba bonke abantu bezizwe lezindimi bamkhonze. Ukubusa kwakhe kakulakuphela, kakuyikudlula, lombuso wakhe uyilowo ongayikuchithwa.

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]

UJohane 5:23

ukuze bonke badumise iNdodana, njengalokhu bedumisa uYise. Ongayidumisiyo iNdodana kamdumisi uYise oyithumileyo.

AbaseRoma 11:36

Ngoba konke kuvela kuye, kungaye, kuya kuye; kakube kuye ubukhosi kuze kube nininini. Ameni.

AbaseRoma 15:6

ukuze nganhliziyonye lomlomo munye limdumise uNkulunkulu uYise weNkosi yethu uJesu Kristu.

AbaseFiliphi 2:11

lezindimi zonke zivume ukuthi uJesu Kristu uyiNkosi, kube ludumo lukaNkulunkulu uYise.

1 uTimothi 6:16

yena yedwa olokungafi, ohlala ekukhanyeni okungelakusondelelwa, ongazange abonwe muntu, ongebonwe. Kakube kuye udumo lamandla angapheliyo. Ameni.

AmaHebheru 13:21

angaliphelelisa kukho konke okuhle, ukuze lenze intando yakhe, esebenza kini lokho okumthokozisayo ngoJesu Kristu; kakube kuye ubukhosi kuze kube nininini. Ameni.

1 UPhethro 4:11

Uba umuntu ekhuluma, kakhulume ngokungathi ukhuluma amazwi kaNkulunkulu; uba umuntu esebenza, kasebenze ngamandla awanikwa nguNkulunkulu, ukuze uNkulunkulu adunyiswe kukho konke ngoJesu Kristu. Kukhona kuye ubukhosi lamandla kuze kube nininini. Ameni.

1 UPhethro 5:11

Kakube kuye amandla kuze kube nininini. Ameni.

2 UPhethro 3:18

Kodwa khulani emuseni lasekwazini iNkosi yethu loMsilisi uJesu Kristu. Kakube kuye ubukhosi khathesi kuze kube lusuku olungapheliyo.

UJuda 1:25

kuye uNkulunkulu oyedwa uMsilisi wethu, ngoJesu Kristu iNkosi yethu, kakube inkazimulo, lobukhulu, lobukhosi, lamandla, kungakabi khona isikhathi, lakhathesi, kuze kube nini lanini. Ameni.

Isambulo 1:9

Mina Johane, umzalwane wenu lohlanganyela kanye lani ekuhluphekeni lasembusweni lasekubekezeleni esilakho kuJesu, ngangisesihlengeni esithiwa yiPatmosi ngenxa yelizwi likaNkulunkulu langenxa yokufakazela uJesu.

Isambulo 20:6

Ubusisiwe, ungcwele olesabelo ekuvukeni kokuqala; phezu kwabanjalo ukufa kwesibili kakulamandla, kodwa bazakuba ngabapristi bakaNkulunkulu labakaKristu, bazakubusa kanye laye iminyaka eyinkulungwane.

Isambulo 4:11

Ufanele, wena Nkosi yethu loNkulunkulu wethu, ukwamukela ubukhosi lodumo lamandla, ngoba nguwe owadala izinto zonke, langenxa yentando yakho zaba khona, zadalwa.

Isambulo 5:10

wabenza baba ngumbuso labapristi kuNkulunkulu wethu; bazakubusa emhlabeni.