Isambulo 1:4 - iBhayibhili Elingcwele 1978

⁴ Mina Johane ngithi kuwo amabandla ayisikhombisa aseAsiya: Kakube kini umusa lokuthula okuvela kuye okhona lowayekhona lozakuba khona, lakubomoya abayisikhombisa abaphambi kwesihlalo sakhe sobukhosi,

IBhayibhili Elingcwele LesiNdebele

⁴ Johane, Emabandleni ayisikhombisa esifundeni sase-Ezhiya: Umusa lokuthula kakube kini okuvela kuye okhona, lowayekhona, lozakubakhona, lokuvela kubomoya abayisikhombisa phambi kwesihlalo sakhe sobukhosi,

Isambulo 1:4 Mawu Ofanana

AmaHubo 90:2

Zingakaveli intaba, ungakawenzi umhlaba lelizwe, kusukela endulo kuze kube nini lanini wena unguNkulunkulu.

U-Eksodasi 3:14

UNkulunkulu wathi kuMose: NGINGUYE ENGINGUYE. Wathi futhi: Uzakutsho kwabakoIsrayeli ukuthi: UNGINGUYE ungithumile kini.

U-Isaya 11:2

Umoya weNkosi uzakuhlala phezu kwakhe, umoya wokuhlakanipha lokuqedisisa, umoya wokuqondisa lowamandla, umoya wokwazi lowokwesaba iNkosi.

U-Isaya 41:4

Ngubani oveze lokhu, wakwenza, obiza izizukulwana kusukela ekuqaleni na? Kuyimi iNkosi engingowokuqala, engilokho nginjalo lasekucineni.

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

UMikha 5:2

Kodwa wena, Betlehema Efratha, omncinyane ukuba ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo.

UZakhariya 3:9

Nanti ilitshe engalibeka phambi kukaJoshuwa, ilitshe okukhona kilo amacele ayisikhombisa; mina ngizakubhala umbhalo kilo, kutsho iNkosi yamabandla; ngizasusa ububi balelilizwe ngosuku olulodwa.

UZakhariya 4:10

Ngubani odelele usuku lwezinto ezincinyane na? Uzathokoza lapho ebona uZerubabeli ephethe ilitshe elikhethiweyo. Isithunywa sasesisithi: Izibane eziyisikhombisa zingamehlo eNkosi athalazayo umhlaba wonke.

UZakhariya 6:5

Isithunywa sangiphendula sathi: Lokhu kuyimimoya emine yaphezulu esuka ekumeni phambi kweNkosi yomhlaba wonke.

UJohane 1:1

Ekuqaleni wayekhona uLizwi, uLizwi wayekuNkulunkulu, uLizwi wayenguNkulunkulu.

Imisebenzi 19:10

Lokhu kwaqhubeka iminyaka emibili, baze balizwa ilizwi leNkosi bonke abakhileyo eAsiya, amaJuda lamaGriki.

Imisebenzi 2:9

AmaPathiya, lamaMede, lamaElamu, labakhe eMesopotamiya, laseJudiya, laseKaphadosiya, lasePontusi, laseAsiya,

AbaseRoma 1:7

Ngithi kubo bonke abathandiweyo nguNkulunkulu abaseRoma ababizelwe ukuba ngabangcwele: Kakube kini umusa lokuthula okuvela kuNkulunkulu uBaba, laseNkosini uJesu Kristu.

1 AbaseKhorinte 1:3

Kakube kini umusa lokuthula okuvela kuNkulunkulu uBaba laseNkosini uJesu Kristu.

2 AbaseKhorinte 1:2

Kakube kini umusa lokuthula okuvela kuNkulunkulu uBaba laseNkosini uJesu Kristu.

AmaHebheru 13:8

UJesu Kristu nguye izolo, lalamuhla, lanininini.

UJakhobe 1:17

Iziphiwo zonke ezinhle leziphiwo zonke ezipheleleyo zivela phezulu, zehla kuYise wezinkanyezi okungekho kuye ukuphenduka njengemithunzi ephendukayo.

Isambulo 1:1

Lesi yisambulelo sikaJesu Kristu amnika sona uNkulunkulu, ukuba abonise inceku zakhe izinto ezimele ukwenzeka masinyane. Wathuma isithunywa sakhe ukuyibonisa inceku yakhe uJohane,

Isambulo 1:11

Lokho okubonayo kulobe encwadini, uyithumele emabandleni ayisikhombisa, kwelaseEfesu lelaseSemerna lelasePergamo lelaseTiyathira lelaseSardisi lelaseFiladelfiya lelaseLawodikeya.

Isambulo 1:17

Ngathi ukumbona ngawela ngasezinyaweni zakhe ngaba njengofileyo; kodwa wasebeka isandla sakhe sokunene phezu kwami esithi: Ungesabi; mina ngingowokuqala lowokucina,

Isambulo 1:20

Nansi imfihlakalo yezinkanyezi eziyisikhombisa ozibonileyo esandleni sami sokunene, leyezibane zegolide eziyisikhombisa; inkanyezi eziyisikhombisa ziyizithunywa zamabandla ayisikhombisa, izibane eziyisikhombisa zingamabandla ayisikhombisa.

Isambulo 1:8

Mina nginguAlfa loOmega, kutsho iNkosi uNkulunkulu okhona lowayekhona lozakuba khona, uSomandla.

Isambulo 1:9

Mina Johane, umzalwane wenu lohlanganyela kanye lani ekuhluphekeni lasembusweni lasekubekezeleni esilakho kuJesu, ngangisesihlengeni esithiwa yiPatmosi ngenxa yelizwi likaNkulunkulu langenxa yokufakazela uJesu.

Isambulo 16:5

Ngezwa isithunywa samanzi sisithi: Wena oNgcwele okhona lowayekhona, ulungile ngokuthonisisa kwakho;

Isambulo 2:12

Lakuso isithunywa sebandla elisePergamo loba uthi: Nanku akutshoyo lowo olomhedla obukhali inxa zombili,

Isambulo 2:18

Lakuso isithunywa sebandla eliseTiyathira loba uthi: Nanku ekutshoyo iNdodana kaNkulunkulu elamehlo anjengamalangabi omlilo, lezinyawo zayo ezifana lethusi elikhazimulayo,

Isambulo 2:8

Lakuso isithunywa sebandla eliseSemerna loba uthi: Nanku akutshoyo owokuqala lowokucina, owake wafa, kodwa osephila, uthi:

Isambulo 22:16

Mina Jesu ngisithumile isithunywa sami ukufakaza ngalezizinto kini emabandleni; ngiyimpande lenzalo kaDavida, indonsakusa ekhanyayo.

Isambulo 22:8

Mina Johane nginguye owazizwayo lowazibonayo lezizinto. Kuthe sengizizwile, ngazibona, ngaziwisela phansi ukuba ngikhuleke ngasenyaweni zesithunywa esangitshengisa zona.

Isambulo 3:1

Lakuso isithunywa sebandla eliseSardisi loba uthi: Nanku akutshoyo lowo olabomoya abayisikhombisa bakaNkulunkulu lezinkanyezi eziyisikhombisa, uthi: Ngiyayazi imisebenzi yakho ukuba kuthiwa uyaphila, kanti wena ufile.

Isambulo 3:14

Lakuso isithunywa sebandla eliseLawodikeya loba uthi: Nanku akutshoyo uAmeni, ufakazi othembekileyo loqotho, umqalisi wokudaliweyo konke kukaNkulunkulu,

Isambulo 3:7

Lakuso isithunywa sebandla eliseFiladelfiya loba uthi: Nanku akutshoyo ongcwele loqotho, olekhiye kaDavida, ovula kungavali muntu, lovala kungavuli muntu,

Isambulo 4:5

Lasesihlalweni sobukhosi kwakuphuma imibane, lamazwi, lokuduma; lezibane zomlilo eziyisikhombisa zazibhebha phambi kwazo, zona zingomoya abayisikhombisa bakaNkulunkulu;

Isambulo 4:8

Izidalwa ezine eziphilayo, ileso laleso kuzo silamaphiko ayisithupha; emaceleni wonke langaphakathi zigcwele amehlo; emini lebusuku kazikhawuli ukuhlabela zisithi: Ingcwele, ingcwele, ingcwele iNkosi uNkulunkulu uSomandla, owayekhona lokhona lozakuba khona.

Isambulo 5:6

Ngasengibona phakathi kwesihlalo sobukhosi lezidalwa ezine eziphilayo langaphakathi kwabadala iWundlu limi kungathi lihlatshiwe, lilempondo eziyisikhombisa lamehlo ayisikhombisa okungomoya abayisikhombisa bakaNkulunkulu, abathunyelwe kuwo wonke umhlaba.

Isambulo 8:2

Ngasengibona izithunywa eziyisikhombisa ezimi phambi kukaNkulunkulu, zinikwa impondo eziyisikhombisa.