Isambulo 1:16 - iBhayibhili Elingcwele 1978

¹⁶ Wayephethe izinkanyezi eziyisikhombisa esandleni sakhe sokunene, lasemlonyeni wakhe kwaphuma umhedla obukhali inxa zombili, lobuso bakhe bunjengelanga elikhanya ngamandla.

IBhayibhili Elingcwele LesiNdebele

¹⁶ Esandleni sakhe sokunene wayephethe izinkanyezi eziyisikhombisa, emlonyeni wakhe kwaphuma insingo. Ubuso bakhe babunjengelanga likhanyisa ngenkazimulo yalo yonke.

Isambulo 1:16 Mawu Ofanana

UJobe 38:7

lapho inkanyezi zokusa zahlabela kanyekanye, lamadodana wonke kaNkulunkulu ajabula na?

AmaHubo 45:3

Hloma ngomkhonto wakho wena qhawe, ulobukhosi lobukhulu.

Ingoma 6:10

Ngubani lo oqhamuka njengokusa omuhle njengenyanga, okhanya njengelanga, oqhathisa inkevane njengempi ephethe izimpawu na?

U-Isaya 11:4

kodwa uzakwahlulela abayanga ngokulunga, aqumele abathobileyo bomhlaba ngobuqotho; ilizwi lakhe lizakuba yintonga yokutshaya abangalunganga, lezigwebo zakhe zizakubabulala ababi.

U-Isaya 24:23

Laphoke inyanga izathuba, lelanga lifiphale, ngoba iNkosi yamabandla izabusa entabeni yaseZiyone laseJerusalema, ibonakalise inkazimulo yayo phambi kwezikhulu zayo.

U-Isaya 49:2

Yenza umlomo wami waba njengomkhonto obukhali, yangifihla emthunzini wesandla sayo; yangenza ngaba njengomtshoko ololiweyo, yangifihla esambeni sayo semitshoko.

UDanyeli 12:3

Abahlakaniphileyo bazakhanya njengokukhanya kwesibhakabhaka, lalabo abaphendulela abanengi ekulungeni bakhanye njengezinkanyezi kuze kube nininini.

UDanyeli 8:10

Lwakhula lwaba lukhulu lwaze lwafinyelela ezinkanyezini zaphezulu; lwazidilizela phansi ezinye inkanyezi, lwazinyathela.

UMalaki 4:2

Kodwa kini elesaba ibizo lami kuzakuphuma ilanga lokulunga lilokusilisa empikweni zalo. Lina lizaphuma, liqolotsha njengamathole ephuma esibayeni.

UMatewu 17:2

Waphenduka isimo phambi kwabo, ubuso bakhe bakhanya njengelanga, lengubo zakhe zaba mhlophe njengokukhanya.

Imisebenzi 26:13

emini enkulu, nkosi, ngisendleleni, ngabona ukukhanya kuvela ezulwini, kudlula ukukhanya kwelanga, kwangizingelezela inxa zonke lalabo ababehamba lami.

Abase-Efesu 6:17

lithathe ingowane yokusiliswa, lomhedla kaMoya oyilizwi likaNkulunkulu.

AmaHebheru 4:12

Ngoba ilizwi likaNkulunkulu liphilile, lilamandla, libukhali kulomhedla osika inxa zombili, lihlaba kuze kwahlukane umphefumulo lomoya, amalunga lomnkantsho, lihlola imicabango lamacebo enhliziyo.

Isambulo 1:20

Nansi imfihlakalo yezinkanyezi eziyisikhombisa ozibonileyo esandleni sami sokunene, leyezibane zegolide eziyisikhombisa; inkanyezi eziyisikhombisa ziyizithunywa zamabandla ayisikhombisa, izibane eziyisikhombisa zingamabandla ayisikhombisa.

Isambulo 10:1

Ngasengibona esinye isithunywa esilamandla sisehla sivela ezulwini; sambethe iyezi, lomchilowamakhosikazi usekhanda laso; ubuso baso babunjengelanga, lemilenze yaso injengensika zomlilo.

Isambulo 12:1

Kwaba khona ezulwini isibonakaliso esikhulu, owesifazana embethe ilanga, lenyanga ingaphansi kwenyawo zakhe, kukhona ekhanda lakhe umqhele wezinkanyezi ezilitshumi lambili;

Isambulo 19:15

Emlonyeni wakhe kwaphuma umhedla obukhali azakutshaya izizwe ngawo; yena uzakuzibusa ngentonga yensimbi; uzakunyathela isikhamelo sewayini lentukuthelo yolaka lukaNkulunkulu uSomandla.

Isambulo 19:21

Labaseleyo babulawa ngomhedla walowo ogade ibhiza, umhedla ophuma emlonyeni wakhe; inyoni zonke zazitika ngenyama yabo.

Isambulo 2:1

Kuso isithunywa sebandla eliseEfesu loba ukuthi: Nanku akutshoyo lowo ophethe inkanyezi eziyisikhombisa esandleni sakhe sokunene, ohamba phakathi kwezinti zezibane zegolide eziyisikhombisa;

Isambulo 2:12

Lakuso isithunywa sebandla elisePergamo loba uthi: Nanku akutshoyo lowo olomhedla obukhali inxa zombili,

Isambulo 2:16

Ngakhoke phenduka; uba kungenjalo, ngizakuza kuwe masinyane, ngilwe labo ngomhedla ophuma emlonyeni wami.

Isambulo 3:1

Lakuso isithunywa sebandla eliseSardisi loba uthi: Nanku akutshoyo lowo olabomoya abayisikhombisa bakaNkulunkulu lezinkanyezi eziyisikhombisa, uthi: Ngiyayazi imisebenzi yakho ukuba kuthiwa uyaphila, kanti wena ufile.

Abahluleli 3:16

UEhudi wazenzela umhedla obukhali inxa zombili, ubude bawo buyingalonye, wawuhloma ngaphansi kwezigqoko zakhe ngasethangazini langasokunene.

Abahluleli 5:31

Zizabhubha ngokunjalo zonke izitha zakho, Nkosi. Kodwa bonke abakuthandayo kababe njengelanga lapho liphuma ngamandla alo. Kwaba khona ukuthula elizweni iminyaka engamatshumi amane.