Imisebenzi 15:6 - iBhayibhili Elingcwele 1978

⁶ Kwasekubuthana abaphostoli labadala, ukuze bayihlole lindaba.

IBhayibhili Elingcwele LesiNdebele

⁶ Abapostoli labadala bahlangana bakhuluma ngalindaba.

Imisebenzi 15:6 Mawu Ofanana

Izaga 15:22

Amaqhinga enziwe ngaphandle kwezeluleko ayachitheka, kodwa uba esenziwa ngabeluleki abanengi ayaphumelela.

UMatewu 18:20

Ngoba lapho ababili ingabe abathathu babuthene khona ebizweni lami, ngikhona lapho phakathi kwabo.

Imisebenzi 11:30

Bakwenzake, bakuthumela kwabadala ngezandla zaboBarnabasi loSawuli.

Imisebenzi 15:2

Kuthe ukuba kuvele ukuphambana lokuphikisana okukhulu phakathi kwabo loPawuli loBarnabasi, kwamiswa ukuba uPawuli loBarnabasi labanye abathile benyukele eJerusalema kubaphostoli labadala ngalindaba.

Imisebenzi 15:22

Kwasekusiba kuhle kubaphostoli lakwabadala kanye lebandla lonke ukuba kukhethwe amadoda phakathi kwabo athunywe eAntiyoki kanye loPawuli loBarnabasi; basebethuma uJudasi othiwa nguBarsaba loSilasi, amadoda amakhulu phakathi kwabazalwane;

Imisebenzi 15:25

kube kuhle kithi sihlangene ukuba siwakhethe amadoda athile siwathume kini kanye labathandekayo bethu uBarnabasi loPawuli,

Imisebenzi 15:4

Sebefikile eJerusalema bamukelwa libandla labaphostoli labadala, balandisa konke uNkulunkulu ayekwenzile ngabo.

Imisebenzi 16:4

Kwathi bedabula imizi, babanika izigqibo ezagqitshwa ngabaphostoli labadala eJerusalema ukuba bazilondoloze.

Imisebenzi 21:18

Kusasa uPawuli waya lathi kuJakobe; labadala bonke babekhona.

Imisebenzi 6:2

Abalitshumi lambili basebebiza ibandla labafundi, bathi: Kakulunganga ukuba thina sitshiye ukutshumayela ilizwi likaNkulunkulu, sisebenze ematafuleni.

AmaHebheru 13:17

Lalelani abakhokheli benu, lizehlisele ngaphansi kwabo, ngoba balinda imiphefumulo yenu njengabantu abazakulandisa ngayo. Kabakwenze lokhu ngokujabula, bangabubuli, ngoba lokhu kakulakusiza.

AmaHebheru 13:7

Khumbulani abakhokheli benu labo abalitshumayeza ilizwi likaNkulunkulu, liqaphelise ukuphela kokuhamba kwabo, lilingisele ukukholwa kwabo.