Imisebenzi 1:4 - iBhayibhili Elingcwele 1978

⁴ Kwathi ehlezi labo, wabalaya ngokuthi: Lingasuki eJerusalema, kodwa lilindele isithembiso sikaBaba elasizwa ngami;

IBhayibhili Elingcwele LesiNdebele

⁴ Wathi esidla labo ngelinye ilanga wabalaya wathi, “Lingasuki eJerusalema, lilindele isipho esathenjiswa nguBaba, elangizwa ngikhuluma ngaso.

Imisebenzi 1:4 Mawu Ofanana

AmaNani 9:22

Uba iyezi lalihlala phezu kweTabernakeli insuku ezimbili, loba inyanga, loba umnyaka, abakoIsrayeli bahlala ezihonqweni, kabahambanga. Kodwa lapho lisuka, babehamba.

UMatewu 10:20

Ngoba kakusini elikhulumayo, kodwa kunguMoya kaYihlo okhuluma kini.

ULukha 11:13

Ngakhoke uba lina elingababi likwazi ukubapha abantwana benu iziphiwo ezinhle, kakhulu kangakanani uYihlo osezulwini uzakubapha abacela kuye uMoya oNgcwele.

ULukha 12:12

ngoba uMoya oNgcwele uzakulifundisa ngalesosikhathi lokho elifanele ukukukhuluma.

ULukha 24:49

Khangelani, ngiyathumela kini isithembiso sikaBaba; kodwa hlalani emzini, lize lambathiswe amandla avela phezulu.

UJohane 14:16

Ngizakucela uBaba aliphe omunye uMsizi ukuba ahlale lani kokuphela,

UJohane 15:26

Kodwa nxa esefikile uMsizi engizakumthumela kini evela kuBaba, uMoya weqiniso, ophuma kuBaba, uzakungifakazela.

UJohane 20:22

Kwathi esetshilo lokhu waphephetha phezu kwabo wathi kibo: Yamukelani uMoya oNgcwele.

UJohane 7:39

Lokhu wakutsho ngoMoya ababezamamukela abakholwa kuye, ngoba uMoya wayengakanikwa, lokhu uJesu wayengakadunyiswa.

Imisebenzi 10:41

kungesikho kubo bonke abantu kodwa kithi esasikhethwe ngaphambili nguNkulunkulu ukuba ngofakazi, thina esadla sanatha kanye laye emva kokuvuka kwakhe kwabafileyo.

Imisebenzi 2:33

Ngakhoke ephakanyiselwe ngakwesokunene sikaNkulunkulu, esamukele kuYise isithembiso sikaMoya oNgcwele, uthelile lokhu elikubonayo lelikuzwayo.