AmaNani 1:3 - iBhayibhili Elingcwele 1978

³ Bonke abakoIsrayeli abaleminyaka engamatshumi amabili lengaphezulu, abangaphuma impi, wena loAroni lizakubabala ngamabandla abo.

IBhayibhili Elingcwele LesiNdebele

³ Wena lo-Aroni lizaqoqa ngezigaba wonke amadoda ako-Israyeli kusukela kwabaleminyaka engamatshumi amabili kusiya phezulu abangaba libutho.

AmaNani 1:3 Mawu Ofanana

U-Eksodasi 30:14

Wonke umuntu obaliweyo oleminyaka engamatshumi amabili langaphezulu anikele umnikelo eNkosini.

AmaNani 14:29

Izidumbu zenu zizagcwala inkangala le, lina lonke elabalwayo elileminyaka engamatshumi amabili lengaphezulu, elangisolayo.

2 USamuyeli 24:9

UJowabi waseyinika inkosi inani labantu abangaphuma impi; koIsrayeli kwakukhona amadoda ayizinkulungwane ezingamakhulu aficaminwembili; amadoda akoJuda ayeyizinkulungwane ezingamakhulu amahlanu.

UDutheronomi 24:5

Umuntu osand’ukuthatha umfazi kayikuphuma impi, futhi kayikuphatha umsebenzi omkhulu; uzakuhlala ekhaya wonke umnyaka ekhululekile ukuba athokozise umkakhe amthetheyo.

UDutheronomi 3:18

Ngalilaya ngalesosikhathi ngathi: INkosi uNkulunkulu wenu ilinikile lelilizwe libe ngelenu. Wonke amaqhawe enu azawela ehlomile phambi kwabafowenu, abantu bakoIsrayeli.

AmaNani 33:1

Nanka amabanga ohambo lwabakoIsrayeli sebephumile elizweni laseGibithe ngamabandla abo, bekhokhelwa nguMose loAroni.

AmaNani 32:11

Impela kulabo abaphuma eGibithe abaleminyaka engamatshumi amabili lengaphezulu kakuyikuba loyedwa ozakubona ilizwe engafunga ukulinika uAbrahama loIsaka loJakobe, ngoba kabangilandelanga ngokupheleleyo;

AmaNani 26:2

Balani ibandla lonke labakoIsrayeli abaleminyaka engamatshumi amabili lengaphezulu, ngezindlu zabo, bonke abangaphuma impi.

U-Eksodasi 12:17

Ngakhoke kalibogcina umkhosi wesinkwa esingelamvubelo; ngoba ngalolosuku ngikhuphile izimpi zenu eGibithe. Kalibogcina lolosuku ngokomthetho kuzo zonke izizukulwana zenu kuze kube nini lanini.

U-Eksodasi 38:26

omunye lomunye owayebalwa oleminyaka engamatshumi amabili langaphezulu, wanikela ingxenye yeshekeli lendlu engcwele; babezinkulungwane ezingamakhulu eziyisithupha lantathu, lamakhulu amahlanu lamatshumi amahlanu.

1 ImiLando 5:18

AbakoRubeni labakoGadi lengxenye yesizwe sakoManase babelamaqhawe ahloma izihlangu lemikhonto, atshoka imitshoko, akwaziyo ukulwa; ayeyizinkulungwane ezingamatshumi amane lane, lamakhulu ayisikhombisa, lamatshumi ayisithupha, elungele ukulwa.

2 ImiLando 25:5

UAmaziya wabuthanisa abantu bakoJuda labakoBenjamini, wabamisa ngezindlu zabo bephethwe yizinduna zezinkulungwane lezamakhulu. Wabutha kusukela kwabaleminyaka engamatshumi amabili kusiya phezulu, wabafumanisa bezinkulungwane ezingamakhulu amathathu zamadoda akhethiweyo, angaphuma impi, langahloma ngemikhonto langezihlangu.

AmaNani 3:15

Bala abantwana bakaLevi ngezindlu zaboyise langensendo, ubale bonke abesilisa kusukela kulabo abalenyanga kusiya phezulu.

AmaNani 4:3

kusukela kulabo abaleminyaka engamatshumi amathathu kusiya kulabo abaleminyaka engamatshumi amahlanu, bonke abalamandla okusebenza, ukuba benze umsebenzi ethenteni lokuhlangana.