AmaHubo 99:3 - iBhayibhili Elingcwele 1978

³ Kazidumise ibizo lakho elikhulu lelesabekayo zithi: Ingcwele yona!

IBhayibhili Elingcwele LesiNdebele

³ Kabadumise ibizo Lakho elikhulu elesabekayo Yena ungcwele.

AmaHubo 99:3 Mawu Ofanana

UNehemiya 1:5

Ngathi: Nkosi, Nkulunkulu ophezulu, Nkulunkulu omkhulu lowesabekayo, ogcina isivumelwano lolothando olungapheliyo kulabo abakuthandayo begcina imilayo yakho,

UNehemiya 4:14

Sengibonile ukuthi bayesaba, ngathi kuzo izikhulu lezinduneni lakwabanye abantu: Lingabesabi. Khumbulani iNkosi enkulu leyesabekayo, lilwele abafowenu lamadodana enu lamadodakazi enu labomkenu lemizi yenu.

UNehemiya 9:32

Ngakhoke, Nkulunkulu wethu omkhulu, wena olamandla lowesabekayo, ogcina isivumelwano lolothando olungapheliyo, ungadeleli ubunzima bonke obusehleleyo thina sonke, lamakhosi ethu lezikhulu zethu labapristi bethu labaprofethi bethu labokhokho bethu labo bonke abantu bakho, kusukela esikhathini samakhosi aseAsiriya kuze kube lamhla.

UNehemiya 9:5

Kwasekusithi amaLevi oJeshuwa loKadimiyeli loBani loHashabineya loSherebiya loHodiya loShebaniya loPethahiya bathi: Sukumani libonge iNkosi uNkulunkulu wenu lithi: Kusukela endulo kuze kube nininini liyadumiseka ibizo lakho elilodumo leliphakemeyo phezu kwakho konke okudunyiswayo lokubongwayo.

AmaHubo 100:4

Ngenani emasangweni ethempeli layo ngokubonga, lasemagumeni alo ngokudumisa. Ibongeni, lidumise ibizo layo.

AmaHubo 103:1

Ibonge iNkosi, mphefumulo wami, lakho konke okuphakathi kwami kakubonge ibizo layo elingcwele.

AmaHubo 111:9

Yabakhulula abantu bayo; yamisa isivumelwano sayo kuze kube nininini; lingcwele liyesabeka ibizo layo.

AmaHubo 145:17

INkosi ilungile endleleni zayo zonke, ilomusa ekwenzeni kwayo konke.

AmaHubo 66:3

Tshonini kuNkulunkulu lithi: Yeka ukwesabeka kwezenzo zakho! Ngenxa yobukhulu bamandla akho izitha zakho ziyaququbala phambi kwakho.

AmaHubo 76:1

UNkulunkulu uyaziwa koJuda, lebizo lakhe likhulu koIsrayeli.

AmaHubo 76:12

yena othobayo ukuzigqaja kwezikhulu, owesabekayo emakhosini omhlaba.

U-Isaya 6:3

Elinye lamemeza kwelinye lisithi: Ingcwele, ingcwele, ingcwele iNkosi yamabandla; umhlaba wonke ugcwele inkazimulo yayo.

UJeremiya 20:11

Kodwa iNkosi ilami njengeqhawe elesabekayo; ngakhoke abangizingelayo bazakhubeka, kabayikungahlula; bazayangeka kakhulu, ngoba kabayikuphumelela. Lehlazo labo elingelakuphela kaliyikukhohlakala.

UJohane 17:11

Kangisekho emhlabeni mina, basemhlabeni bona, mina ngiyeza kuwe. Baba oNgcwele, balondoloze ebizweni lakho labo onginike bona, ukuze babe munye njengathi simunye.

UDutheronomi 28:58

Uba lingagcini kuhle wonke amazwi alumlayo alotshiweyo ogwalweni lolu, ukuba lesabe lelibizo elilodumo lelesabekayo lokuthi: INkosi uNkulunkulu wenu;

UDutheronomi 7:21

Kaliyikubesaba, ngoba iNkosi uNkulunkulu wenu iphakathi kwenu, inguNkulunkulu omkhulu lowesabekayo.

UJoshuwa 24:19

UJoshuwa wathi ebantwini: Lina lingeyikhonze iNkosi ngoba inguNkulunkulu ongcwele, loNkulunkulu olomona. Kayiyikuthethelela iziphambeko zenu lezono zenu.

Isambulo 4:8

Izidalwa ezine eziphilayo, ileso laleso kuzo silamaphiko ayisithupha; emaceleni wonke langaphakathi zigcwele amehlo; emini lebusuku kazikhawuli ukuhlabela zisithi: Ingcwele, ingcwele, ingcwele iNkosi uNkulunkulu uSomandla, owayekhona lokhona lozakuba khona.

1 USamuyeli 2:2

Kakho ongcwele njengeNkosi, kakho loyedwa ngaphandle kwakho; futhi kalikho ledwala elinjengoNkulunkulu wethu.