AmaHubo 92:3 - iBhayibhili Elingcwele 1978

³ ngokutshaya ichacho elilentambo ezilitshumi, langechacho elikhala kamnandi.

IBhayibhili Elingcwele LesiNdebele

³ ukutshaya iziginci ngomhubhe wezintambo ezilitshumi lemvungamo emnandi yechacho.

AmaHubo 92:3 Mawu Ofanana

1 ImiLando 13:8

UDavida labo bonke abakoIsrayeli babesina phambi kukaNkulunkulu ngamandla wonke, behlabela, betshaya imihubhe, lamachacho, lezingungu, lezigubhu, lezimpondo.

1 ImiLando 15:16

UDavida waselaya izinduna zamaLevi ukumisa izihlobo zazo zibe ngabahlabeli bokutshaya amachacho lemihubhe lezigubhu, besenza umsindo othokozisayo.

1 ImiLando 23:30

Azakuba khona insuku zonke ekuseni abonge adumise iNkosi, enze njalo lantambama,

1 ImiLando 25:6

Bonke babephethwe nguyise ekuhlabeleni ethempelini ngezigubhu langamachacho langemihubhe enkonzweni yendlu kaNkulunkulu. OAsafi loJeduthuni loHemani babengaphansi kwenkosi.

2 ImiLando 20:28

Bangena eJerusalema betshaya amachacho lemihubhe lezimpondo zokukhaliswa, baya ethempelini.

2 ImiLando 23:5

abesithathu balinde esigodlweni, labesithathu balinde eSangweni leSisekelo; bonke abantu bazakuba semagumeni ethempeli.

2 ImiLando 29:25

Wasebeka amaLevi ethempelini leNkosi elezigubhu lamachacho lemihubhe, njengokulaywa kukaDavida lokukaGadi umboni weNkosi lokukaNathani umprofethi; ngoba lumlayo wavela eNkosini ngabaprofethi bayo.

UNehemiya 12:27

Enkonzweni yokubongela ukwakhiwa komduli weJerusalema badinga amaLevi ezindaweni zawo wonke ukuba eze eJerusalema enkonzweni yokubonga, abonge ngokuthokoza, adumise ngokuhlabela ngezigubhu langamachacho langemihubhe.

AmaHubo 149:3

Kabadumise ibizo layo ngokusina, bayitshayele isigubhu lechacho.

AmaHubo 33:2

Dumisani iNkosi ngechacho, lihlabelele kuyo ngechacho elilentambo ezilitshumi.

AmaHubo 42:9

Ngithi kuNkulunkulu, idwala lami: Ungikhohlwelani na? Ngihambelani ngilila ngenxa yokucindezela kwezitha na?

AmaHubo 57:8

Vuka, mphefumulo wami! Vukani, mhubhe lechacho! Ngizakuvusa ukusa.

AmaHubo 68:25

Ngaphambili kuhamba abahlabelayo, ngemuva kulandela abatshayi bamachacho, phakathi kwabo kuhamba izintombi zitshaya izigubhu.

AmaHubo 9:16

INkosi izibonakalisile, yahlulela; ababi bathiywe emsebenzini wezandla zabo.

1 USamuyeli 10:5

Emva kwalokho uzafika entabeni kaNkulunkulu lapho kuhlala khona ibutho lamaFilistiya; laphoke, nxa ufika nje emzini uzahlangana lexuku labaprofethi bevela endaweni ephakemeyo yokukhonzela betshaya amachacho, lesigubhu, lomhlanga, lomhubhe, beprofetha.