AmaHubo 82:3 - iBhayibhili Elingcwele 1978

³ Yahlulelani obuthakathaka loyintandane, limenzele okufaneleyo ohluphekayo loswelayo.

IBhayibhili Elingcwele LesiNdebele

³ Lamlelani ababuthakathaka lezintandane; melani amalungelo abayanga labahlukuluzwayo.

AmaHubo 82:3 Mawu Ofanana

UJobe 29:12

ngoba ngakhulula ongumyanga ekukhaleni kwakhe, lentandane engelamsizi.

UJobe 31:21

uba ngaphakamisela isandla sami phezu kwezintandane, ngoba abantu bezakungisekela enkundleni,

AmaHubo 10:18

ukuba wahlulele izintandane labacindezelweyo, ukuze umuntu wasemhlabeni angabe esesabeka.

U-Eksodasi 23:3

lomyanga ungamvuni ecaleni lakhe.

U-Eksodasi 23:6

Kawuyikwenzela umyanga isahlulelo esibi ecaleni lakhe.

Izaga 31:9

Khuluma, uthonisise ngokulunga, umele amalungelo abayanga labaswelayo.

U-Isaya 1:17

lifunde ukwenza okuhle, lidinge okufaneleyo, lisize abacindezelweyo, livikele izintandane, limele umfelwakazi.

U-Isaya 1:23

Izikhulu zakho zingabahlamuki labangane bamasela; zithanda ukwamukela umvuzo wokuthengwa, zigijimela izipho; kazivikeli izintandane, lendaba yomfelwakazi kayifinyeleli kuzo.

UJeremiya 21:12

lina ndlu kaDavida. INkosi ithi: Yenzani okulungileyo ekuseni, likhulule esandleni socindezelayo lowo ophangiweyo, funa ulaka lwami luvuthe njengomlilo, lutshise, kungabi khona olucimayo, ngenxa yezenzo zenu ezimbi.

UJeremiya 22:16

Wayethonisa izindaba zabayanga labaswelayo; kwamlungela. Angithi yikho lokhu ukungazi mina na? kutsho iNkosi.

UJeremiya 22:3

INkosi ithi: Yenzani okuqotho lokulungileyo, likhulule esandleni somcindezeli lowo ophangiweyo, lingenzi okubi kowezizwe, lakuzo izintandane, lakumfelwakazi, lingachithi igazi elingelacala kulindawo.

UJeremiya 5:28

bakhuluphele; kabalamkhawulo ekwenzeni kwabo okubi, kabameli ukulunga lezintandane ukuba ziphumelele, kabavikeli amalungelo abaswelayo.

UZakhariya 7:9

INkosi yamabandla ithi: Yehlulelani ngokufaneleyo lenze umusa lesihawu kubafowenu,

UDutheronomi 10:18

Iyenzela ukwahlulela izintandane labafelwakazi, iyathanda abezizweni abahlala phakathi kwenu ibanike ukudla lezambatho.

UDutheronomi 24:17

Ungonakalisi ukwahlulelwa kowemzini lentandane; ungathathi ingubo yomfelwakazi ibe yisibambiso;

UJakhobe 1:27

Ukukholwa okuhlambulukileyo okungangcolanga phambi kukaNkulunkulu uBaba yilokhu, ukuhambela izintandane labafelwakazi ekuhluphekeni kwabo, lokuzilondoloza kokungcolisayo emhlabeni.