AmaHubo 81:12 - iBhayibhili Elingcwele 1978

¹² Ngasengibayekela enkanini yenhliziyo zabo, ukuba bahambe ngokuthanda kwabo.

IBhayibhili Elingcwele LesiNdebele

¹² Ngakho ngasengibayekela ngezinhliziyo zabo zobuqholo ukuthi balandele lokho abakufunayo.

AmaHubo 81:12 Mawu Ofanana

UGenesisi 6:3

INkosi yasisithi: Umoya wami kawuyikuhlala njalo emuntwini njengoba eyinyama nje; kodwa umuntu uzakuhlala iminyaka elikhulu lamatshumi amabili.

2 AmaKhosi 18:12

ngoba bengalilalelanga ilizwi leNkosi uNkulunkulu wabo, kodwa besaphula isivumelwano sayo, lakho konke uMose inceku yeNkosi ayebalaye khona; kabezwanga, kabalalelanga.

UNehemiya 9:16

Kodwa okhokho bazikhukhumeza, baba lenkani, kabayilalelanga imilayo yakho.

UJobe 8:4

Uba abantwana bakho bonile kuye, yena ubanikela emandleni eziphambeko zabo.

U-Eksodasi 11:9

INkosi yasisithi kuMose: UFaro kayikukulalela, ukuba zande izimangaliso zami eGibithe.

U-Isaya 30:1

Maye ebantwaneni abahlamukayo! kutsho iNkosi, abenza amacebo angesiwo awami, labenza izivumelwano ezingesizo ezami, ukuba bengezelele isono phezu kwesono.

U-Isaya 30:9

Ngoba bangabantu abahlamukayo, abantwana abaqamba amanga, abantwana abangayikuzwa ukufundisa kweNkosi;

U-Isaya 42:24

Ngubani owanikela uJakobe kumphangi na? loIsrayeli kwabaphangayo na? Kwakungesiyo iNkosi esone kuyo yini, esingavumanga ukuhamba endleleni zayo, lesingalalelanga umlayo wayo na?

UJeremiya 42:21

Sengilitshelile lamhla, kodwa kalililalelanga ilizwi leNkosi uNkulunkulu wenu kukho konke engitshele khona ukuba ngilitshele.

UJeremiya 7:24

Kodwa kabezwanga, kabalalelanga: bahamba ngamacebo abo langenkani yenhliziyo zabo ezimbi, bahlehlela emuva, kabayanga phambili.

UHezekhiyeli 20:8

Kodwa bangihlamuka, kabaze bangilalela. Bonke kabazilahlanga izinto ezenyanyekayo ababezibuka, kabazitshiyanga lezithombe zaseGibithe. Ngasengisithi ngizakwehlisa ukuthukuthela kwami phezu kwabo, ngibaqede ngolaka lwami phakathi kwelizwe laseGibithe.

UHosiya 9:17

UNkulunkulu wami uzabalahla, ngoba kabamlalelanga; bazakuba ngabazulayo phakathi kwezizwe.

ULevi 26:14

Kodwa uba lingangilaleli, lingagcini imilayo le yonke,

Imisebenzi 14:16

owathi ezizukulwaneni ezidlulileyo wayekela izizwe zonke zahamba ngendlela zazo.

Imisebenzi 7:42

Kodwa uNkulunkulu wabafulathela, wabanikela ukuba bakhonze izinkanyezi, njengokulotshiweyo encwadini yabaprofethi ukuthi: Laletha kimi imihlatshelo leminikelo iminyaka engamatshumi amane enkangala lina ndlu kaIsrayeli na?

AbaseRoma 1:24

Ngalokhoke uNkulunkulu wabayekela emanyaleni ezinkanuko zenhliziyo zabo ukuba badumaze imizimba yabo,

1 USamuyeli 8:19

Kodwa abantu bala ukulilalela ilizwi likaSamuweli, bathi: Atshi, sifuna ukuba sibe lenkosi,